المبادي والشيم

[علي]

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

،

يالله بدعوه في غيابي تجعل امالي منال
اللي بما اوتيت من قوة طموح اسعالها

اشوفها مثل الخيال وجعلها مثل الخيال
اللي ليا اشتد البدو صوبه تشد ارحالها

من دونها متحلّي بفسحة صدور اهل الشمال
مع اني امن الديره اللي ماتهاز اجبالها

عهدً علي ماقصر عن اهدافي لو ان الصبر طال
يعيضني عن حرّ كنّتها براد اظلالها

بسيط اعيش بدون مال وصعب اعيش بدون امال
من خلقة الدنيا وامال الناس روس اموالها

الله لايبلانا بجور وقلّ حيل وضعف حال
من دون لطفه دورة الايام مانحتالها

انزول فالدنيا وتالينا من الدنيا زوال
سنينها ماكنها الا ليله من اليالها

خداعةً نطرد وراها من طمع مدري هبال
نهم في قفّايها ونهيم في مقبالها

احيان تبخل لاجعلناها محطّ الانشغال
واحيان مانفضالها وتعمّنا بافضالها

والرابحين العايشين بوسع صدر وطول بال
انفوسهم زمة عيال ابليس ماتختالها

العمر يمشي والقدر يجري والاحلام احتمال
واهم من زود الفرص كيفيّة استغلالها

وانا نذر لاتكّي بكوعي على روس الجبال
ولا يطاول راسي الا غترته واعقالها

لامال راس المنخذل عفة مقامي راس مال
املك بها حب الرجال وقدرها واجلالها

عن المبادي والشيم ماتيّه عيوني جمال
اللي نحرها شع نوره واظلمه سلسالها

من الطبيعي تزعم انها صفوة البيض الثقال
وان شالها كف الوضيع اخف له من شالها

مالي بمنسبها لو انها من وسيعين الحلال
ولا بمنسب خالها ولا بحبة خالها

اخذت من بنات حوّى بنت داهية الرجال
اللي عريبً جدها واللي عريبً خالها

احبها حبً قوي حبً نقي حبً حلال
واحب ابوها وامها واخوانها واعيالها

.

للشاعر/ عبدالهادي ابوديه

[نايف]

ذائقه مترفه بالجمال
سلمت اخوي علي

[علي]

الله يسلمك
ويطول عمرك على طاعته
وشكرًا على الإشادة اخي الكريم

[رآنيا]

تمتلك ذائقة جميلة في الشعر
سلمت ويعطيك العافية يارب

~

[زهرآء]

انتقاء جميل اخوي علي
ابيات شعريه مميزه
يعطيك العافييه ..

[علي]

الله يحييكم ويبارك فيكم
شكرًا جزيلاً على الإطراء
وعلى المرور الكريم
ودمتم بود