بيت عن قصيده ..،👉🏼

[علي]

إن كان نفسك ماتحثّك على الخير
اقلّ شي أكف المخاليق شرّك !

- فهد السطامي

[رميزان]

أنت الحياة و انت السمع و البصر
كيف احتيالي ومالي عنك مصطبر

ابعث خيالك في جنح الظلام ترى
مابي من الوجد والبلوى فتعتبر

لاكان في الدهر يوم لا اراك به
ولا بدت فيه لا شمس ولا قمر
رنيم عيسى

[علي]

لامن صحيت وكل ما يطلع النور
يمرني طيفك ويسعد صباحي

- فيصل الكسر

[رميزان]

لو غزآك آلصبح وآغوآك آلسھر
وآلمشآعر بين فقـدآن وحنين
مرني وآكفيك عن كل آلبشـرّ
وأوعدك مَ تنآم وآلخٱفق حزين

[علي]

وليا منك سلكت الدرب وانته ماخذيت الشور
لا تاثق فالدورب اليا تساوت لك وتامنها

- فالح ابوعضيدة

[رميزان]

ليتك معي ساهرٍ ليل الهـوى كلَّـه
ما انوم أنا وإنت لأجل الحبِ سهراني
ترى السَّهر مع حبيبك يبري العلَّـه
لي صرت شفقٍ وهو عليك شفقـانِ

[راما]

،.

الأماني كبيره والسّعاده طموح
والعوض في اللّيآلي ، دام ربّي كريم ..:399:

[رميزان]

انــا ادري اني ضعــــــت فـــوق الخــــريـطه
ما كان بـ أمكـآني أدوّر مكــــاني !
عمومـــــاً اشيــــاء المفـــــآرق بسيــــــطه
دمعه وذكرى وصورتين واغاني !

[فـهـد]

لا ياخذك .. كبرك ترى الكبر دايم
‏يخلي اللي كان يسوى .. مايسوى !!

[علي]

ليا اشبعت طرفك من تبسّامة المسرور
تخيّل شعور اللي حرمه الزمن منها

- محمد الدهيمي

[رميزان]

يا مدعي صـدق الغـلآ وانت بكـآش
لا تنتقـدّ مشي الجمل وانت حآشي

[علي]

"العيب يظهر في كلاب النمايم
ما تنبح الا يذهب الخصم ويغيب"

[رميزان]

لا تشتكـي للنـاس لاضـاق بالـك
الناس ما تملـك مسـره ولا بـاس
الناس مثلـك حالهـم مثـل حالـك
والكل من مرّ الليالي شـرب كـاس

[علي]

غلاك دونه جند وسلاح وأسوار
‏فـ قلوبنا مثل الدخيل المومّن

‏- عويد النجود

[رميزان]

وتأنَسُ النّفسُ في نفْسٍ تُوافِقُها
بالفكرِ والطّبعِ والغاياتِ .. والقيمِ
والرُّوحُ لِلرُّوحِ تَدري مَن يُناغمُهَا
كَالطَّيرِ للطير … فِي الإنشَادِ مَيَّالُ
لا تَألفُ الرُّوحُ إلَّا مَن يُلَاطِفُهَا
ويَهْجُرُ القَلبُ مَنْ يَقسُو وَيجْفَاهُ

[علي]

ان جبت خير اخشرت ربعي فيه
‏وان جبت شر اشتلته .. لحالي

- بندر الدويش

[علي]

انا فوجهك يامن خلقك لبيتك حجيج
من الكلام الرديّ اللي يجر بعضه

- سعود الشطيطي

[رميزان]

قلت لك : خلّ اول احلامك أخير
واخسـرّ اللي بـ السهوله تملكه
وان بغيت تكون في عينك كبير
فارق اللي مـ انت قادر ؛ تتركه

[علي]

جمال الرجال اللي لهم كار وسلوم
عض النواجذ في سنع هبة الريح

لـ الشيخ محمد بن راشد النعيمي

[علي]

بعض المجالس لو مساحه صغيره
عن واجب ألي زارها .. ماتردّت

- أسعد البلوي

[علي]

للمراجل سراعى مانحب البطى
نحمد الله بفضله نكسب الأوله

- فيصل بن صالح الحارثي

[رميزان]

احتجت لك طفلٍ كسر قلب الأعياد
واحتجت لك طيش وشباب وتنـآهيد
واحتجت لك شاعر له أحباب وأضداد
واحتجت لك رجال يخشى المناقيـــد
احتجت لك .. واحتاج لك ظل وسناد
العمر ينقص واحتيــاجي لك يزـيــــــد

[نساي !]

مـا يـذبـح الـرجـال يـا كـود حـاجـة
شي ٍ بـ نفس أمّه عجز لا يجيبه .. !!

لـ / تركي عواد

[رميزان]

الوصل دلة و الرسايل فناجيل ... والشُوق شايبً مبطي ماتقهوى .

[عآزفّ النّآي]

حبيبتي تشرب علـى الريـق ببسـي
واليا تعشّت ماكلـت غيـر كتكـات
حبيبتي حطّت علـى العيـن ورْسـي
وماتلبس الا مـن جديـد الموديـلات
نحيفة(ن) عـن كـل عـذرا تنّسـي
في حسنهـا قـد كلْبشتْنـي كلبشـات

[علي]

ويدٍ ما تمتد بالذلة ودرب الملام
فراغها يرجح بحمل الذهب والحرير

- مشعل الفوازي

[عآزفّ النّآي]

رجل تنادينه ولا يسمع الصوت
خسارة سمعه وصوته وشوفه

ورجل يضمك بين اياديه ويموت
والله ما يلحق حياته حسوفه

[علي]

من سبب فقد الثقه طاحوا ملوك
ومن سبب قطع الوصل مات الوفا

- عبدالسلام رفيع السلمي

[عآزفّ النّآي]

يا جفن دام النوم معطيك ظهره
اسهر وصبّ الفكر بسراج الآمال

[علي]

تخافون دورات الليالي و انا ما اخاف
‏ تبي ترد ليّ معروفي وبيض وقفاتي

م.ن

[عآزفّ النّآي]

يارب ترحمني وانا كلي ... ذنوب
عبدك لجا بحبلك وكله... معاصي

وده على عفوك ومن ذنبه.. يتوب
وأنت الذي تعلم بـ داني .. وقاصي

[علي]

وَلا تَرهَبِ الخَطبَ الجَليلَ لِهَولِهِ
‏فَطَعمُ المَنايا كَيفَ ما ذُقتَ واحِدُ

- ابن المقرب

[عآزفّ النّآي]

اشتقت لك وانا من الوصل مقطوع
رفّت عليك العين والاذن صاحت
يا قربها لكن .. مثل حبة الكـوع
الدمعه اللي لو تراخيت ..طاحت
و الدمع في سلم الرجاجيل ممنوع
لو السدود من المقادير .. باحت

[علي]

ما عاد في شرد القوافي تذيار
توثلت مثل الظبا .. فالحديقه

م.ن

[عآزفّ النّآي]

دآم الهوى راسي وراســك يهـبه
خـذّ سجّـةٍ تــرى زمانــك توافيـق
ترى حـلاة العمـــر مع مـن تحبه
شخصن تريده من جميع المخاليق

[علي]

فيصل تجمّل فالعبيد المماليك
وانته تجمّل فالحرار الأصيله

حمود السمي

[علي]

انا شربت من السحابه قبل لا تصل التراب
نفسي عزيزة يا علي واعطيتها ماجوبها

كامل الحليلي

[علي]

عزالله ان المال في جيب البخيل
مثل الشنب لاصار في وجه رخمه

ابراهيم مرشود

[عآزفّ النّآي]

يآبوي ياتــاج راسي جعلك الجنه
اي والله اني فقـدتك يانظــر عيني
من رحت صدري تلوج بداخله ونه
هزت معاليق صدري واثرت فيني .

[العيوق]

نصبر على الصعبه مثل صبر سعدون
‏صبرٍ يجي بعده عقاب العواجي

[عآزفّ النّآي]

لو أتقهوا لحالي ترى ماني لحالي
أنا اسولف مـع أحلامي واقهويها .

[راما]

،.

العمر مرّه والقلوب البيض ما تبغى دليل
‏والنّاس لا طابت نواياها تطيب حظوظها ..!

[المعتفس]

النفس اذا ماهي ابشرهه وزوامه
يلعب بها كل ابن جني وجنيّه

سعد علوش

[راما]

،.

ياربّ الأبواب واجد بس عايفها
‏زاهدٍ من النّاس وإيماني على بابك..!

[عآزفّ النّآي]

حيرتني واحترت وش هي نواياك
أتذكـرك بالخيـر لا جابوا إسمـك
عجزت افهم بـ الهوى كيف مبداك
طبعك غريب ونادر الناس نوعك

[علي]

زود الميانه ينقّص واجب الخوه
تسهل على الشخص حتى زلة لسانه

- عيضه الشلوي

[علي]

خلك على القمّه اللي تتسع لـ الجميع
وانا على القمه .. اللي ماوصلها بَشر

- صالح النشيرا

[عآزفّ النّآي]

هزّ السّما يمكِن تطيح السحآبه
على كفوُف مصافح الوصل يَا ديمْ
تنبتْ على الأرض الهشاش الكِتابه
تنتِج زهر بين إختلاف المفاهيمْ
ما عافت [ الشّمس ] القُمر فيْ غيابه
لكنّها " صدّت عنْ اللّيل وَ الغيمْ " !

[علي]

نفس النظام .. اللي من اول تعيده
بعد الخيانه بحجة البعد.. / تشتاق !!

لـ وفاء الفواز

[راما]

،.

مايوجع العارف إلّا عِرفه إنّ العمر
فيه الليّالي تعدّ وتحسب ارقامها

يطري له إنّه بينشد كيف كانت تمرّ ..؟!
. ليالي ماتهجّدها ولا نامــها ..!

[عهُود]

من غدت منه الذلول العمانية
ما تعوضه ناقة الله وسقياها.

[عآزفّ النّآي]

دلوعه في حلاها الروح مفتونه
أحلا من الورد جوريه وكاديه
لا قلت إنتي ورب البيت مزيونه
تقول لا لا _ أنا بالحيل عاديه !!

[ملامح يوسفيه]

‏لو تباعدنا الحياه و يختلف بي ظنه
‏ما نسيته دام حبه ما محاه الخاطر





:729:

[عآزفّ النّآي]

قَربكْ حكايةْ بووح والصمت .. مغرورْ !
وأنآ أذوب آكثــر عليـكْ ،، بـ .. وجــودك !
تعآل غآبوآ .. وينهُم..؟ كآنـوآ .. حــضور ْ !
مآ أشوفهم .. لآ هَبّت .. أنفآس .. جودك !

[راما]

،.

ليتني قبل أحبّك داخلي قلب ثاني
عيب أحبّك بقلبٍ به جروحٍ قديمة ..!!

[عآزفّ النّآي]

علّمتهـــآ ماتنكســرّ لـ ... النهايـآت
تضحك لو إنّ الحزن باني لها صرح
رآحت وفيهـآ من دروسي علامـآت
في وجـهها بسمه وفي قلبهـآ جرح

[ملامح يوسفيه]

"برقٍ تعداك لاتستخيله ،لو زان لك عشبه ومرعَاه"


:590:

[عآزفّ النّآي]

ٌ
وجيه الناس .. تتلآشى بدونـك
ولا فيهم " ملامح " .. تحتويني
أنبّش في فضا الغيّاب : كونـك
و أبعثر في متآهآتك .. حنيني
تبيك الروح .. وأنفاسي يبونك
و غير الحزن ما أظنّه . . يبيني
تحرّيت المسا .. يرسـم عيونك
و تقرْ بْ شوفتك / دمعات عيني

[طُليْطل]

أيُّ فضلٍ لِسَحابٍ لا يَسُحُّ؟

[راما]

،.


"يارب لو خاب التعب ما قصر حدود الطموح
‏لا بد من يوم أنتهض .. وأجاور النجم بسماه"

[عآزفّ النّآي]

على سور قلبي لا تغرك جموع الناس
ترا ما ورا بيبــآنه إلا ..... مدآهيلك ..!

[علي]

كل ما قالوا شهيد .. نقول غزّة
كنّها شرطٍ من شروط الشهادة

- محمد المسعري

[علي]

انا اللي لا صار الشعر يحتاج لـ الانصاف
احب انصف الطيب قبل لا انصف المبدع

لـ فيصل

[علي]

روس الرجال اللي ينومسهم الطيب
تتعب على كسب النواميس جدّا

- سعد السبوق

[علي]

يا منادم الشعر لولا الشعر حالك كسيف
ماصحت الروس لو ماصحت الألسنة

- متعب البقيلي

[علي]

الطيب ماله ضيعة ٍ بالرجالي
يضيع مابين الثعالب والابساس

- غانم اللميع

[علي]

يموت الغلا بقلوب ناس ماهم يوفون
ويحيا الغلا في صدر من مثله ومثلي

- راشد آل هادي

[علي]

من تولع فالمناصب عاش خادم
ولايجاوب غير، بالصوت المخوّر

- ناصر بن شايع

[علي]

لا تمرجحني على حبل الاوامر و النواهي
كل نفسٍ طيّعه في ذاتها نفسٍ عصيّه

- عاطف الحربي

[علي]

كل صورة مبتسم فيها ورمشك هادي
كانت اجملهم بعيني والجفا شوهها

- عساف بن سعد

[علي]

آترك مجال الكلام اللي يحس الصدور
انكان مابه كلام ذرب عض شحمه

- محسن بن مترك

[علي]

الشعر ظل القلوب، وهيكل الأغنيات
ترويحةٍ للقلوب العاشقة،، المُتعبه

- راشد الشعبني

[منفى]

" ملكني هواك وقادني بامر تدبيرك
امانه معك روحي من البعد ملتاعه "

[علي]

ان جيت شاعر تكثر اصداء حرفه
وان غبت يملاني الحضور بغيابه

- عبدالله فليج

[علي]

مقابل العدوان في ذروة الجيش
تشريف عن قرب الوجيه الخذوله

- مرزوق عطاالله الحربي

[علي]

مثل الشجاع اليا اوقضه من غفوته صوت الدخيل
انا اعتبر شعري شجاع ورجل من روس الرجال

- بندر محيّا

[راما]

،.

وان عذربوك الأوادمّ خلّ صدرك وسيع
ماعذرب عناقيد العنب غير الذي ،، ماطالهَا..!

[علي]

احذر تخاف إلّا الذي كوّن الكون
‏رب السماء محيي العظام الهميدي

- بندر بن سرور

[علي]

أراوز العز وأبني طايح جداره
لا خربه جاهلٍ في شين تدبيره

- ماضي بن علي آل عايد

[علي]

ترى بعض العرب فِعْله بروحه مِثل فِعل سِراج
‏يضوّي للعرب.. والنار في جَوْف المسيكينِ

- الملك فيصل بن عبدالعزيز رحمه الله

[علي]

ياكبرها لاصاح داعيك وين انت ؟!
وجا ينتخيك ولالقا الا عصاتك


- مهدي بن سعيد

[منفى]

" وأمطَرَت لؤلؤاً من نرجسٍ وسقـت
ورداً وعضّت على العُنّاب بالبَـرَدِ "

[راما]

،.

تمادى بي جفاف الماء وأنا أبني من حَنيني بيت
أدوّر قلب يشبهني ومرّ العمر ‏ما نلته . !!.

[علي]

الطول x العرض x الارتفاع
مايعتبر مقياس فعلي للحجم

- مسْهوج الدّوح

[علي]

غلاك اللي حدود نهايته قبري
يوصلني حدود الموت وأمشي بك

- الشاعره ينابيع السبيعي

[علي]

معاذير الغلا تجعل دوافع جيتي بأسباب!
‏وانا لولا أشتياقي، كان ما شالتني أطرافي

- فهد الشلاحي

[علي]

لو نزل وحيٍ يقول الذّم سنّة
ذم ربعي مافرحتوا فيه منّي

- سبيل بن سند رحمه الله

[علي]

سرنا بدرب المجد حتى وصلناه
أحرار ما تفرض علينا الاقاويل

- صياف الحربي رحمه الله

[علي]

غلاك اتنفسه واشرب منه وايضاً خيالك قوت
ابي اشرد منك في فج الخلاء والقاك قدامي

- معيض بن عريفج

[علي]

ترى الذكريات كثار لكن بلا تذكار
تضيع القوافي لا اختفى صاحب السيره

- حمد بن ناصر الطيار

[علي]

كان ذنبك عزة النفس تكفى لا تتوب
جعل ربي ما يذل العزيز مْن الرجال

- جابر النشيرا

[علي]

وهلل على راعى التغطرس وكبّر
ومارس على المستزعمين الزعامه

- محسن بن مترك

[علي]

ما تبلغ اعلى مقامات الكرم و الجميل
إلا إذا أعطيت حاجه و انت محتاجها

- رحيّم الغنّامي

[علي]

‏يا كثر ما تلزم الصمت و عيونك تنوب
‏لحظةٍ فيها لسانك رهين الاعتقال

‏- جابر النشيرا

[علي]

وترى بنت الحصان النادرة ماتقبل التهجين
وخيّالٍ مايملى عينها ؟ ماهوب عاسفها

- سعود مبارك

[علي]

أنا يوم مريت المداهيل يا سلطان
و لقيت الرسوم الأوليّة على خبري

تبسمت اردد شطر من بيت ابن جدلان
(يا ثقلي ويا مقوى عزومي ويا صبري)

- منيف الجراش

[علي]

وفاه مقيدٍ شوفي وأنا وافي من الوافين
وغلاه يعن روحي لا تلفت صوب داعيها

- محمد بن فطيس

[علي]

لَبعضُ جيفةِ كلبٍ خيرُ رائحةٍ
من كذبةِ المرءِ في جدٍّ وفي لعبِ

- الشريف العقيلي

[علي]

عن كل حاجه من طرفك متنازل
حتى السلام اللي من العيد للعيد

- بندر الدويش

[علي]

لا تشكِّك فالمحبَّة وتجنِّبني وجيه
وأنا عيني مثل قلبي على غيرك عِمي

- نوف العثمان

[علي]

لو ان الاوادم عندهم للهوى عداد
دفعنا على جر النسم من مخابينا

- عبدالله آل لزيوح

[علي]

انا سعيد انك على الارض موجود
وانا غني لو مامعي غير طاريك

- فهيد بن رفّاس

[علي]

الحاجة الموت الحمر ذل الأحرار
لو إنها عند الرضي من عيالك

- مسعد السناني

[علي]

‏شِيمتك شِيمة عزيزٍ ما ارتضى غير العُلا
‏وقِيمتك قِيمة لِسانٍ لا نطَقْ سَاد ورَجَح

- نورا الطوالة

[علي]

كبار المواقف تطلب الصارم البتار 🗡
وباقي المواقف يخدم السيف جنبية

- حزمي سعد

[راما]

،.

‏ دعيتك والكفوف المستغيثة خاليات يدين
‏يا ربّي لا تعوّد خاليات .. الَّا من ذنوبي ..!

[علي]

اللي زرع يحصد وانا بالنور واجهت الظلام
واللي يكرر غلطته بانت عليه الخامله

ياسيف انا سقت القدم يمك ولا فيها كلام
خل النظر حول النظر تلقا علومي صامله

- عبدالله بن عماره العجمي

[أمل]

(مرسى المواعيد) ذابل! من ليالي الجفاف
عهدي بـ مرفاه مبطي .. قبل تبرد يدي !

آخـر لِقاءْ .. ليلةٍ ، مثل السنين العجاف
ليلة ( بكاء الثريّا ) فوق ( صدر الجدي! )

[أمل]

الحزن ماهوب لا ضاقت عليك الدروب
‏الحزن فالذكريات إليا تخطيتها

‏ما ودي إن الجروح تصير مثل الندوب
‏عشان ما أقول ذي لحظه . . و عدّيتها

‏يا غاية اللي يحنك من نسيم الهبوب
‏مرتني طيوفك البارح و ضميتها .

[علي]

انا تركت الشروق ورحت لـ غروبي
تذكّريني وطن وأتذكّرك غربه !

- نايف الحجيلان

[علي]

بغيت أبني الفلّه على شطّ واد النيل
و عيّا ولد عمي .. و عيّا ولد خالي

- مطلق الثبيتي

[علي]

المحبة عشق مركزها القلوب العاطفيه
بس ليت نهاية العشاق .. ماهي معروفه

- على الدعيه

[راما]

،.

دور طريق السعّه ترتاح ماتستضيق
‏خلك على كيفك وخلق الله على كيفها..!

[عآزفّ النّآي]

توي عرفت إن الاماكن بالأحباب
أثر الامـآكن دون أحبّة حزينة .

[علي]

انتهى الصبر الجميل اللي تهاوى صرَحه
ما بقى الا كلمةً لو قلتها .. زعلّتك

- عبدالرحمن السمين

[علي]

فضائلُ المرْءِ لا تبدو بمَظْهَرِهِ
فكم بسيطٍ سقاني عذْبَ كوْثرِهِ

فَتِّشْ عن الروح فالأجساد فانيةٌ
قد يُدْرِكُ النورَ من يُؤذي بمنْظَرِهِ!

فالح بن طفلة

[علي]

لا عيش يصفو للملوكِ وإنما
تصفو وتحمدُ عيشةُ النسّاكِ

- أبو إسحاق التجيبي

[علي]

بعض الرجاجيل يشرى عرفهم بالفلوس
والبعض لأخر يعالج روحك افراقها

- محمد عايض ابن هندي

[علي]

أجامل على الأحوال والكبد فيها جرح
وكبد يجيها جرح تبطي وهي وجعه

- سعد ابن جدلان

[علي]

بغيت ابين ما بقلبي وصديت
وعزي لمن قشر الروابع تلوفه

- مشاري البدراني

[علي]

يالله بنوراً ليا ضعت تهديني به
ضمّيت رغبات قلبي لين ضامتني

- رفعان العرجاني

[علي]

مرّي لقبري بعد تقفي رحالي
ردي سلامٍ ماسمعته وأنا حي

- فراج الحربي

[علي]

كان الشوارع باسم تجّار ولا شيوخ
حنا علينا العرب.. سمّت وراعينها

- مشاري الغنيم

[علي]

هيهات يخفضني الزّمان وإنما
بيني وبين الذلّ حدّ حسامي!

- الشريف الرضي

[علي]

انطح وجيه الناس حذف القفا عيب
والدرق نهج اللي قصيره اذراعه

- علي ناصر

[علي]

ترى سمين الشعر مثل الذبايح
اللي تقدمها لذربين الأفعال

- عايض بن ذواخ

[علي]

وكلن بوسط السوق يتبع خراجه
احدن شراء ناقة واحد شراء شاه

- عايض بن ذواخ

[علي]

ابا أسرّي ذلول العز وألبِسها رسن وشداد
وأخليها تدرهم كنها من جيش أبن ثاني

- ملفي المورقي

[علي]

كل صوتٍ ما معه بحّة حزن
لو ينادي باطول حباله قصير

- سعود الصاعدي

[علي]

ناديت : سلمى وقالت: عيون سلمى
ونسيت انا من فرحتي ليش ناديت؟!

- رشيد العميري

[آزورناي]

إن الشجاع هو الجبان عن الأذى
‏وارى الجريء على الشرور جبانا

[عآزفّ النّآي]

تغانم الوصل .. لان البعد لا بده
يأتيك في يوم ثم ياخذك بـ أدراجه
غالي وتبخل علي وتطول الصده
الله يسامح غلاك و يلعن الحاجه .

[منفى]

" خذ ما تبي بس اترك القلب يرتاح
لا بالموده عطيته لا بالصراحه خذيته "

[عآزفّ النّآي]

أبعد عن اللي لا زعل ينكر الطيب
اللي تقلّب عشرته مع مـــــــــــــزآجه

[منفى]

‎ومن الفرح فز قلبي لخله
‎ومن السعاده صار عودي يانع

‎وكنه اهداني عمره كله
‎وكني صرت له حلم وواقع

منفى

[عآزفّ النّآي]

اليحبك من صدك مايمشي ويخليك
يضل يمك لحد ما تخلص اسنينه
اليحبك من صدك مايحب غيرك ناس
بس انت العزيز ايشوفك ابعينه
اليحبك من صدك لجلك يضحي الروح
اوماينسه المحبه البينك او بينه
اليحبك من صدك يحجي ابصراحه اوياك
يسولفلك الزينه اويترك الشينه
اليحبك من صدك يفرش محبته افراش
ويكلك يولفي ابلهفه غطينه
اليحبك من صدك بظلمه شمعه ايصير
وبوجه الشماته ايصير سجينه