انتصر ياس حبي

[عآزفّ النّآي]

انتصر ياس حبي وانتهى من رجايا
وابتدى الشك يظهر في خوافي ظنوني

الله يسامحك ماظنيت هذا جزايا
ليه تبكي عيوني يامضنت عيوني

احسبك ماتصدق في هواى الدعايا
يوم انا فيك ماصدق ولو يعذولني

لاتقولون ياعذال ويش السوايا
انشدو من بدى بالهجر لاتنشدوني

انشدو من علي صده تحطم هوايا
عقب ذيك الصداقه كن مايعرفوني

صار حبي وحبك ياحبيبي روايه
مثلوه العواذل عن لقاك ابعدوني

دايم ارعي خيالك في صباح ومسايا
واذكر اسمك وانا اللي في هواك مغبوني

عط حنانك لغيري لاتسئل عن عنايا
خل ذكراك ليا وانتوا لاتذكروني

ياقمر وين نورك غاب واظلم سمايا
ليه سود الليالي تحول دونك ودوني

والله انه مصيبه من بيجبر عزايا
مير في عز نفسي كل شي يهوني

ليتني مادريت ولا عرفت النهايا
مير هذا مقدر لازم انه يكوني
-

اللواء الشاعر/ فيصل منصور الفقاعى

[علي]

انتقاء رائع
صح لسان الشاعر
وسلمت يمناك

[أمَوآج آلشَرقَيهہْ♥]

إنتقاء ثري بالذائقه ..
سلمت ودام رقي ذوقك ..
ويعطيك العافية .،
-

[رآنيا]

منقول رائع
الله يقويك ويعطيك العافية يارب

~

[طُليْطل]

صح لسان شاعرها ، ورحم الله سلامة العبدالله

[عآزفّ النّآي]

شكراً لمروركــم دمتــــــــــــــــــــم بخـــير