القصيد ومفهوم الابداع

[علي]

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

،

بين القصيد وبين مفهوم الابداع
لوحة فكر تظهر بصورة بديعه

كثر التجارب علمتنا بالاقناع
آن الحرار تروس ماهي تبيعه

الطبع يغلب مايفيد التطباع
غيّر جبال و لاتغّير طبيعه

رجل ليا منه فزع يفزع بساع
ورجلٍ على الفزعه تقل فيه ميعه

المرجله يبغالها لسان وذراع
لا تشتم العالم بليا ذريعه

ما نقبل العيله لوصدورنا وساع
ولانطوف الزله لاصارت شنيعه

خل اللكاعه وش تبي بالتلكاع
بذات لا جيت الرجال اللكيعه

اقضب لسانك عن مدورة الاطماع
مـاكل علماً لا سمعته تذيعه

النفس آماره والإنسان مطواع
بس العقل ماكل شين يطيعه

تجارب الاجواد تشرى وتنباع
بس الظفر بالتجربة مانبيعه

لاصرت راس و ساس لاتنزل القاع
اكفخ جناحك في علو الطليعه

محداً كسب حب الاوادم بالاجماع
حتى الرسول اللي هدى لـ الشريعه

لاتبلش بعمرك تـرى العـالم أنواع
والناس يامتواضعه يا وضيعه

لاتحتري من ناقص الراي الاسناع
من شـاور الغاوين يبشر بـ ضيعه

العين سدّ العين والصاع بالصاع
لايرهبك عـوي السـباع المجيعه

الذّيب ماياكل من الجيف لو جاع
شبحه بعيد وعظم ساقه سريعه

خلك مـع الاجناب محزم و فزاع
وخلك لابن عمك حصوناً منيعه

وليا لحقك الضيق من بعض الاوضاع
هـلل وكبّر وادع ربّك وطيعه

لاتشتكي للقـوم وتزيد الأوجاع
يضيق صدر ولا تضيق الوسيعه

حوادث الأيام مادونها شراع
تبّكي الشيبان مثل الرضيعه

شعرًا ليا من قيل تطرب له اسماع
وشعرًا يعّل ولا يجمل صنيعه

آعيدها من باب تكريس الابداع
ماكل علماً لا سمعته تذيعه

.

لقائلها

[أمَوآج آلشَرقَيهہْ♥]

قصيده جميله ..
سلمت يدينك على هيك إختيار ..
وتشكرآآت ..
-

[عبير]

نقل جميل واختيار مميز
سلمت اناملك على الطرح

[علي]

شكرا لمروركم الكريم
وبارك الله فيكم جميعا
تقديري وامتناني

[رآنيا]

سلمت ويعطيك العافية ع النقل الجميل

~