*** سُهيل ***
09-21-2024, 07:14 AM
https://poetsgate.com/img/divider_1.png
ياوسيع البال ضيّقت الصدور
رحت ماعلّمتنى وين أنت ساري
فى غيابك مال خلق الله حضور
وفى حضورك مالهم بالبال طاري
ليه ماتختال يابدر البدور
والقصايد لك وصيفات وجواري
لك بنات الفكر ربات الخدور
يكشفن لثامهن والجرح عاري
جعل قلبٍ ماملاه الصدق نور
عند وجه الريح مايلقى مزاري
التغاضى عجز لاطال القصور
ليه أدارى وأنت عني منت داري
الزمااااان قصير والدنيا تدور
كل يوم يضيق فى عينى مداري
صاحبى محتاج لك شعر وشعور
وإحتياجى شى ماكان إختياري
من متى والغصن يختار الطيور
من متى والبال يختار الطواري
لاتسمى صمتى البارح غرور
انكسارى خلف هالصّمت متواري
فى غياب الشمس وش ذنب الزهور
والمطر لاشح وش ذنب الصحاري
اللقا لحظات والغيبه شهور
تقصر الخطوات ويطول إنتظاري
لو قريت المنكتب وسط السطور
ماكتبت لغلطة العمر إعتذاري
صمت هالمينا مثل صمت القبور
مارسى مركب ولا لاحت صواري
https://poetsgate.com/img/divider_1.png
متعب التركي
ياوسيع البال ضيّقت الصدور
رحت ماعلّمتنى وين أنت ساري
فى غيابك مال خلق الله حضور
وفى حضورك مالهم بالبال طاري
ليه ماتختال يابدر البدور
والقصايد لك وصيفات وجواري
لك بنات الفكر ربات الخدور
يكشفن لثامهن والجرح عاري
جعل قلبٍ ماملاه الصدق نور
عند وجه الريح مايلقى مزاري
التغاضى عجز لاطال القصور
ليه أدارى وأنت عني منت داري
الزمااااان قصير والدنيا تدور
كل يوم يضيق فى عينى مداري
صاحبى محتاج لك شعر وشعور
وإحتياجى شى ماكان إختياري
من متى والغصن يختار الطيور
من متى والبال يختار الطواري
لاتسمى صمتى البارح غرور
انكسارى خلف هالصّمت متواري
فى غياب الشمس وش ذنب الزهور
والمطر لاشح وش ذنب الصحاري
اللقا لحظات والغيبه شهور
تقصر الخطوات ويطول إنتظاري
لو قريت المنكتب وسط السطور
ماكتبت لغلطة العمر إعتذاري
صمت هالمينا مثل صمت القبور
مارسى مركب ولا لاحت صواري
https://poetsgate.com/img/divider_1.png
متعب التركي