ويلاه ع برمه شماغهْ~

[شيم]

..حلاته لا بغى يكشخ

و لون للحلى لوحه.....

و كحول ثوبه وحلى
....و ثلاث أزرارمفتوحه

وبرمة غترته لــ أمست
على كتفيه مطروحه...

***

مرحبا حي الله الشباب :289:
اليووم جايبهـ لكم موضوع ملقووف
شووي :https://www.al2la.com/vb/images/smilies/yahya/112.gif
يعني نبي نستكشف عنكم
الموضوع الله لايهينكـ لاتطلع من هوون الا انت مجـآووووب
الأسئله كـــآلتــآلي ..//
/
,,
/

1/متى اول مره لبست فيها الشماغ؟ وكم كان عمرك؟

2/أي أنواع الأشمغه تفضل؟ وماهو نوع شماغك؟

3/مالون الشماغ الذي تفضله؟ <أحمر او أبيض>

4/ماهو أعلى مبلغ شريت فيه شماغ؟

5/متى آخر مره شريت فيها شماغ؟

6/صور لنا شماغك او جيب صوره لشماغ أعجبك..

7/كم يوجد لديك شماغ؟

8/هل تحب لبس الشماغ بمرزام أو بدون؟

9/هل ترى ان شكلك بالشماغ أحلى أو بدون شماغ؟

10/هل تعتقد أن لبس الشماغ ضروري؟ ولمــــــاذا؟

يلا ياشباب .... حماسكم ...https://www.al2la.com/vb/images/al2la Smiles/MonTaseR_21.gif

[نُكران]

الأسئلة ذي مو لي !
لأني ما ألبس ثوب وشماغ او بقية توابعه 😃
اتمنى اللي يلبسون ثوب وشماغ يجاوبون على الأسئلة

[نقاء الورد]

شيم
موضوعك حلو ولطيف
لكن نصيحه
اعمليه استضافه
هيك ولا حد رح يجاوب

[نايف]

وصلت تلبيه للدعوه الكريمه شيم
السلام عليكم

مرحبا حي الله الشباب ويلاه برمه شماغهْ~

الله يحييك ويبقيك شيم

1/متى اول مره لبست فيها الشماغ؟ وكم كان عمرك؟
بثالث متوسط اذكر لبسونا الشماغ اجباري في المدرسه :d

2/أي أنواع الأشمغه تفضل؟ وماهو نوع شماغك؟
مافي نوع محدد خصوصا انه تصير هبات في انواع من الاشمغه
فعادةً اللي يجوز لي البسه

3/مالون الشماغ الذي تفضله؟ <أحمر او أبيض>
غالبا الأحمر وبشكل قليل جدا الابيض


4/ماهو أعلى مبلغ شريت فيه شماغ؟
قريب من ال700 ريال (فالنتينو بلاك SVBR15 )

5/متى آخر مره شريت فيها شماغ؟
العيد اللي راح

6/صور لنا شماغك او جيب صوره لشماغ أعجبك..
https://g-lk.com/up/do.php?imgf=171943167916631.jpeg (https://g-lk.com/up/)

7/كم يوجد لديك شماغ؟
صراحه انا من الناس اللي يشتري ويرمي بذا الدولاب
والله مدري كم على وجه التحديد

8/هل تحب لبس الشماغ بمرزام أو بدون؟
حسب المزاج مرات مرزام مرات بدون مرات مرزام مقلوب
مافي شكل ثابت

9/هل ترى ان شكلك بالشماغ أحلى أو بدون شماغ؟
له مكانه اللي تحس ماتكمل كشختك بدونه
زي المناسبات والدوام عشان ماتصير شاذ بين الخلق
بس في حياتي اليوميه العاديه على جنب ماله لزوم :d


10/هل تعتقد أن لبس الشماغ ضروري؟ ولمــــــاذا؟

في الاماكن اللي تفرض عليك الضروره لبسه
فهو ضروري
وما عداها مو لازم تقعد مرسم طول يومك
ومسوي فيها من اعضاء مجلس الشورى :d

شكرا على الدعوه شيم

[محال]

1/متى اول مره لبست فيها الشماغ؟ وكم كان عمرك؟
كنت بزر ايام الابتدائي

2/أي أنواع الأشمغه تفضل؟ وماهو نوع شماغك؟
تعودت ع البسام ، البسام ماي فير

3/مالون الشماغ الذي تفضله؟ <أحمر او أبيض>
البس احمر وابيض لكن احمر اكثر شيء

4/ماهو أعلى مبلغ شريت فيه شماغ؟
حدود 250 ريال

5/متى آخر مره شريت فيها شماغ؟
عيد الفطر

6/صور لنا شماغك او جيب صوره لشماغ أعجبك..
-ادخلي قوقل اكتبي البسام ماي فير تحصلينه <= كسول :9:

7/كم يوجد لديك شماغ؟
حدود 8 او 9 <= مايرمي شي البخيل هههههه

8/هل تحب لبس الشماغ بمرزام أو بدون؟
بالنسبه للشماغ غالباً بدون
لكن الغتره لازم مرزام ومقلوب هههههه
9/هل ترى ان شكلك بالشماغ أحلى أو بدون شماغ؟
بالشماغ احلى بسم الله علي ههههه

10/هل تعتقد أن لبس الشماغ ضروري؟ ولمــــــاذا؟
المسجد ، المناسبات الرسميه اشوفه ضروري
اعتبر الثوب والشماغ عاده اصيله متوارثه ويجب استمرارها.





شيم
الف شكر على الاستضافه
كانت اسئله خفيفه ولطيفه
والله يعطيك العافيه وماقصرتي
تحياتي

[راما]

،.


الموضوع جمييل وجديد
ونشوف يلا من بحب الشّماغ وكيف تشخيصكم
ههههه

:105:

الشّماغ له جماليه وأناقه خاصه


يعطيك العافيه
شيّم
على هذي المساحه لآدم

:123:

[سعود .]

1/متى اول مره لبست فيها الشماغ؟ وكم كان عمرك؟

من سادس ابتدائي .. عمري 12

2/أي أنواع الأشمغه تفضل؟ وماهو نوع شماغك؟
غتره فالنتينو بلاك
غتره لامبورغيني

3/مالون الشماغ الذي تفضله؟ <أحمر او أبيض>
ابيض

4/ماهو أعلى مبلغ شريت فيه شماغ؟
تقريباً 700

5/متى آخر مره شريت فيها شماغ؟
العام
6/صور لنا شماغك او جيب صوره لشماغ أعجبك..
ع قولة محال شيك في قوقل

7/كم يوجد لديك شماغ؟
مو كثير.

8/هل تحب لبس الشماغ بمرزام أو بدون؟
بمرزام عدا لاتعصبت بالبر ههههههه اكيد بدونه

9/هل ترى ان شكلك بالشماغ أحلى أو بدون شماغ؟
احس متلطم احسن ههههههه
10/هل تعتقد أن لبس الشماغ ضروري؟ ولمــــــاذا؟
نعم زي رسمي وموروث أصيل .


شاكر لك طرحك
تقبلي مروري

دمتِ بخير.