هوس المشتريات

[سعيدة]

عندي هوس بالمشتريات فظيييع اشتري اي حاجة احتاجها وتخلص فلوسي في أيام
قليلة وما اوفر رغم أنها ماتلزمني عندي جوع الحاجة وهوس الشراء لازم ادخل محل واشتري شيء لو على الأقل شيء واحد وارجع اطلب غيري من العايلة فشيلة

[همس الجواهر]

-

اهم شي تعرفين
ايش اللي عندك واللي تحتاجينه
وقبل لا تروحين حطي في بالك الاشياء
اللي تريديها وخذيها واهم شي كل مره تدخلي
تحدي نفسك ما تطلعي بشي ماله داعي
صح الكل يحب يتشري بس لما توصل انك تاخذ اشياء
هي اساسا عندك او ما تحتاجها مو حلو ونتائجه ما راح ترضيك
الموضوع يبدأ من عندك لما تحطي هالشي في بالك
وابدا لا تاخذي شي لمجرد كونه مع حد ثاني
خذي اللي انتي شخصيا تريديه وتحتاجيه
وهالشي ما يعني تحرمي حالك
بس أهم شي الوسطية

موفقه

[متأمل]

اعتقد ليس هوس بقدر ماهو طبع غير منضبط
لاننا ومهما كان هوسنا بالشيء
إلا اننا نتوقف عند قلة المال
او الخوف من عواقب هذا الهوس
لكن إذا كان طبع هنا المشكلة
لان الطبع يغلب على كل شي
وقد يصل بصاحبه إلى ما لا تحمد عقباه
وقد يصل الى الإفلاس والحاجة

والقصد حددي
وهل ما تقومين به هوس
او طبع وعادة ..!
لانك لو تستمرين على هذا النهج
فسوف تصلين إلى الإفلاس واللاشيء
وعندها لن تجدين اي داعم لك
وعندها سوف تتكيفين مع ظروفك
وترضين بما انت عليه غصباً عنك

لذلك توازني في قراراتك وفي رغباتك
واحسبي حساب ما بعد
واجعلي لك حد لا تتعدينه
وأرغمي نفسك وشهوات رغباتك
على الالتزام بالضروريات فقط
حتى لا تصلين الى حد الصفر
وحد الامتنان والتمن عليك
والانتقاد وانك لا تعرفين التدبير
ولا تحسبين حساب ما بعد

والحديث يطول ولكن ادع المجال لغيري


تقديري

[نجمة]

اذا اكلك وشربك منها فذي كارثة لأنك لا تعتبري للمسألة اي اهتمام
اما اذا صرفياتك الاساسية شغلة حد آخر
حاولي تحتفظي فيها بمكان ما تقدري تأخذيها الأ بإجراء محدد
مثل حصالة او مع والدتك او تستري فيها قطع ذهبية صغيرة
منها تتزيني فيها ومنها تحفظ فلوسك
لكن لو الفلوس ما ترقى لجرام ذهب هههه انا افضل انك تتونسي فيها هههه
واهدي فيها من تحبين لا تنسي
والله يبارك في مالك يارب ^^

[YONA]

-



سويلج مشروع ..
راح يحل لج كل مشاكلج المادية والنفسية !
كل مشاكلج يبيلها إنضباط نفسي . .
حزتها مخج بينشغل بمشروعج
وهم بتحصلين ماده . .
وصل الله وسلم على رسولنا الكريم !

[محال]

.


اذا كان عندك هالهوس فهذا يدل انك مضطربه نفسياً
وتفرغين نفسيتك في الشراء دون الحاجه
وقد تكون مجرد عاده وليس هوس كما ذكرتي

عموماً بإمكانك وضع ميزانية محدده
وتحديد احتياجاتك قبل الذهاب للتسوق
بكذا يتلاشى هالهوس تدريجياً لين ينتهي للأبد
وبكل الحالتين تضبطين امورك الماديه والنفسيه


وب التوفيق لك .. تحياتي

[راما]

،.

عالأغلب الموضوع يتعلّق بالعاطفه
يعني نفسي ،،
ما شاء الله
الأخوة كفّو و وفوّ

بضيف حيلة بسيطه ممكن تنفع
وهي :
أنو وقت تتسوقي ، لا تتسوقي
وأنتي جوعانه أبداً
يعني قبل بدء التّسوق كلي وجبه دسمه
في دراسه تقول ان هذي الطريقه
تخلي الشخص يقلل مُشتريات

وبالتوفيق ..

[ورد ريفي]

السلام عليكم
نفس ما قالت راما
انا علشان ما اكون مهووسه
لازم ما اتسوق وانا جائعه
ملي بطني بعدين اتسوق
او تكتبين وش المهم
فقط بورقه او نوته علشان توجهين
المكان الي تبينه .

ان شاء الله افدتك