من عرفتك ماتخيرت العشير ..

[مفاهيم الخجل]

ما عطيتك حــــب الا من ضمير
ولا خذيت الـــــــود منك مكرمه
....
ذا مكاني لو يصير اللــي يصير
لــــــو ظروفي كل ابوها مجرمه
......
عهدنا باقي ومـــــــن دونه غفير
صادق وسيف الوفا فــي محزمه
......
مـــــن عرفتك ما تخيرت العشير
قلبي اللـــــــــي حب ماشي الزمه
.........
وكل مـا ضاقت من الوقت العسير
ساقلك نــــــــوق اشتياقي درهمه
......
ما كذبت ان قلت يا العذب الغدير
ومـــا كذبت ان قلت قفري معدمه
........
جيتني ضامي علـى راس الشفير
انظـــــــــر الوادي وقاعة مظلمه
.......
يـــــا مزون الغيث يالوبل الغزير
يــــــــا شذا وسم النفوس المفعمه
...........
يــــــــــا جميلٍ ساقه الله لي امير
ويا جميـــــــــلٍ ساقه الله لي امه
..........
اقرب مــــن العرق للقلب الاسير
وابعد مـــن الشمس عني مبسمه
...........
دونــــه اطعاس الجزيرة والسعير
وريحة الجنـــــــه بقربه وإنسمه
............
لــــه بقلبي عشق مقطوع النظير
قـــد سرى بالعرق مني مع دمه
..........
من يعرف الشوق مثلي ما يحير
مسلم وقد حـــــــــب بنتٍ مسلمه
............
حبهم عذري وبه طعـــــم وعبير
واشتياقه يصبح بوجهـــــــه سمه
...........
يجلس وفــــــي يده إعويدٍ صغير
ويتخيّل صورته ثــــــــم يرسمه
..........
يا عساني طير لـــي جنح واطير
واقضب الخط الجنوبي وازهمه

مما راق لي

[عآزفّ النّآي]

ابيات جميله واختيآر موفق

ننتظر جديد ذوقك:68:

[مَشاعل]

الله الله
ابيات حلووه

مشكوره ي ذووق ..

[أمَوآج آلشَرقَيهہْ♥]

قصيده جميله صح لسآن شآعرها ..
وسلمتي على النقل ..
-

[رآنيا]

الله يقويك ويعطيك العافية ع الطرح الجميل

~