شهد محمد
06-27-2020, 11:46 PM
سكرة فكر ضيعت باقي عناويني =وخلتني أبكي وأردد وين الأصحابي
من يوم حسيت بالأبرة تغذيني =والدمع يجري على الخدين سكابي
يا قلب يا اللي تعب من فقد غاليني =وشلون أعيد النظر في دفتر حسابي
زرعت له حب في جملة بساتيني= وعطيته أغلى عهد للحب بكتابي
في كل حرف(ن) كتبته تشهد إيديني=والقلب يشهد وأنا ماني بكذابي
واليوم يا علة(ن)بالجوف تكويني = هذا طبيب الجروح يزيد بعتابي
يقول وشفيك خفتي لا تموتيني = مايدري إني جريح الروح يا أحبابي
سألتني يا طبيبي وش يبكيني = ماني بخايف ولا تدري عن أسبابي
أنا تذكرت من هو حيل يغليني = وأنا بعد في غيابه قلبي أنصابي
لي مدة(ن) غايبة ما شافته عيني = ولا يحسب إنه يغير حبه غيابي
أغليه أنا يا طبيبي لا تواسيني = وخفف يدينك على جرحي توصى بي
جرح الجسد منه يمكن إنك تداويني = وغيره من جروح ماظني لها أطبابي
تكفى ترفق ولا تجرح شراييني = حيث إن حبه مع الشرايان ينسابي
أنا جريح الزمن والبعد يطويني = والهجر يرسم مواعيده على بابي
قفى بي الحظ والأقدار ترميني = على سواحل غيابـه حطت ركابي
من يوم حسيت بالأبرة تغذيني =والدمع يجري على الخدين سكابي
يا قلب يا اللي تعب من فقد غاليني =وشلون أعيد النظر في دفتر حسابي
زرعت له حب في جملة بساتيني= وعطيته أغلى عهد للحب بكتابي
في كل حرف(ن) كتبته تشهد إيديني=والقلب يشهد وأنا ماني بكذابي
واليوم يا علة(ن)بالجوف تكويني = هذا طبيب الجروح يزيد بعتابي
يقول وشفيك خفتي لا تموتيني = مايدري إني جريح الروح يا أحبابي
سألتني يا طبيبي وش يبكيني = ماني بخايف ولا تدري عن أسبابي
أنا تذكرت من هو حيل يغليني = وأنا بعد في غيابه قلبي أنصابي
لي مدة(ن) غايبة ما شافته عيني = ولا يحسب إنه يغير حبه غيابي
أغليه أنا يا طبيبي لا تواسيني = وخفف يدينك على جرحي توصى بي
جرح الجسد منه يمكن إنك تداويني = وغيره من جروح ماظني لها أطبابي
تكفى ترفق ولا تجرح شراييني = حيث إن حبه مع الشرايان ينسابي
أنا جريح الزمن والبعد يطويني = والهجر يرسم مواعيده على بابي
قفى بي الحظ والأقدار ترميني = على سواحل غيابـه حطت ركابي