ثـلاث ايام

[عآزفّ النّآي]

قد لـي ثـلاث أيــام مارقت مـارقـت
كل ماطرالي طعم وصله فهقته

إشتقت..إيـه إشتقت..وإشتقت..وإشتـقـت
ولا عنّ قافٍ صوب ريحه طرقته

للحيـن أنـا مـن طعـم حبـه فلا فـقـت
ماهوب أحبه والله إني عشقتـه

لاجيـت أسـج شـوي عـنـه وبـرقـت
أونس بصدري طعم لجّـة فشقته

أنـا وقلـبـي يــم صـوتـه تسابـقـت
مدري سبقني القلب وإلا سبقتـه

بـس الـوكـاد إنــي بقلـبـه تعلـقـت
إلا الوكاد إن أعذب الوقت وقته

عـلــى النقا..لاخنت..لابعـت..لابـقـت
إلا غـلاه إن ماعطانيـه بقتـه

ليتـه يعـرف المسألـه مسـألـة وقــت
ماهوب موضوعٍ يوقع ورقتـه

أصل الغلا إحسـاس لـو سقـت ماسقـت
مايمكن إنك تشعـره ماشهقتـه

وإلا شعـرت إنــك بعشـقـه تطـوقـت
يلذ لـك قلبـك إذا بـه حرقتـه

ولاأقبل عليـك وقمـت ترجـف وعرقـت
إذكر قليبك وإعرف إنك لحقتـه

وأنــا إلامـنـه طـرالــي تعـانـقـت
مع النجـوم ولذ لـي ماعنقتـه

ولاغـاب مثـل اللحين..مارقت..مـارقـت

يعودلي طاريـه لامـن فهقـتـــــــــــــه


**
بنت ابوهآ

[نايف]

قصيده جميله
صح لسان الشاعره
وسلم ذوقك اخوي عازف

[عآزفّ النّآي]

شرفني وجودك نـآيف


:193:

[عبير]

نقل جميل واختيار مميز
سلمت اناملك على الطرح

[عآزفّ النّآي]

أنرتِ متصفحي عبيــــــر

[رآنيا]

صح لسان شاعرها وناقلها وربي يعطيك العافية

~

[عآزفّ النّآي]

أنرتِ متصفحي رآنيــا

[أمَوآج آلشَرقَيهہْ♥]

قصيده جميله ..
ونقل موفق سلمت ودمت ..


-

[عآزفّ النّآي]

شرفني مروركـ أمَوآج آلشَرقَيهہْ♥