عضوين في قفص النقاش [الأرشيف]

Blue

02-08-2023, 06:53 PM

صباحكم ومسائكم ورد يفوح شذاه بين جنبات هذا الصرح الشامخ

احبابي اعضاء مجتمع غلانا

حبيت اطرح هذا الموضوع وهو عباره عن نقاش يتم بين عضوين

يتم اختيارهم لكي يقفوو امام بعضهما في هذا القفص

ثم يبدأ كل منهما في طرح أي سؤال يجول في خاطره ع العضو الثاني

طبعا الأسئله تكون عن اي شي تريد معرفته عن العضو أو أي أمر ترغب

في مناقشته معه أو تبادل وجهات النظر ......... الخ

طرحت عليكم هذا الموضوع رغبة مني في إثارة شي من الأكشن في المنتدى

وليس لإثارة البلبله والضجه تحذير من الأسئله المزعجه والزعل طبعا

والمده 3 ايام فقط لاغير

ملاحظه **

ممنوع طرح الأسئله من أي عضو خارج القفص

-الأعضاء خارج القفص يمكنكم المشاهده

ونثر الدعابات هنا وهناك لتلطيف الجو فقط

الشخصين اللذان يكونا في القفص من جنسين مختلفين
من عضو وعضوه

اعزائي الهدف من الموضوع

* تعلم اساسيات النقاش السليم واقناع الاخرين بوجهة نظركم بطريقه صحيحه وسلسه

* ابعاد الممل والكسل وتنشيط القسم

*احياء ابداعات الحوار الناجح بين المناقشين

اتمنى ان الفكره وصلت لكم بالشكل الصحيح وان شاء الله ما يكون مكرر

في البدايه اختار انا العضوين

وعند انتهاء المده يختار أحد الأعضاء عضوين وهكذا

استنا تفاعلكم وردودكم وانتقاداتكم وتقيمكم

مع حبي للجميع

alwafa

02-09-2023, 08:01 AM

،’

يسسعد صباحجج ي حلوه ’
حلوه فكرةالموضوع ,

نتريــأج تختارين عضوين ’

سرآب

02-09-2023, 08:35 AM

فكرة حلوه جميلتنا بلو
يعطيك الف عافيه :421:

ننتظر العضوين

رآنيا

02-09-2023, 11:49 AM

فكرة جدا جميلة
وننتظر اول عضوين :421:

~

نايف

02-09-2023, 01:37 PM

الفكره مره حلوه وجديده
وراح تضيف جو بالمنتدى
تسلم افكارك بلو

مُختلف.

02-09-2023, 08:03 PM

فكره جميله يعطيكي العافيه

بنتظار ضيوفك

تحياتي ..

Blue

02-09-2023, 08:15 PM

شكرا لعبق التواجد ي جميلين :11:
اول ضيوف القفص هم _

الجوهرة :ff1 (210):و مختلف :ff1 (210):

بسم الله ابدأو …

سرآب

02-09-2023, 08:19 PM

موسي ياروحي على الاختيار :30:

البدايه عندك يامختلف

مُختلف.

02-09-2023, 08:37 PM

سرآب

02-09-2023, 09:00 PM

شكرا على الاختيار

وبما ان اختي الجوهرة اتاحة لي البدايه
بنبداء بالخفيف :415:

1/ هل الجوهرة اجتماعية بالواقع
2/ كم عدد صديقاتك بالمجمل واقدم وحده كم سنه لها معك
3/ الوان المفضل لك
4/ لو اتيحت لكي الفرصه لدراسة شيء اخر غير علم النفس وش التخصص اللي بتختارينه

تفضلي ولي عوده :120: ..

1- يقال عني اجتماعية
2- اصدقاء بالمعنى الحقيقي مافيه، لكن عندي معارف وزميلات احبهم لهم فوق 14 سنه
3- الاسود
4- لغات وترجمة

طيب يامختلف او مشاري :d

1- أقرب صديق لقلبك ؟
2- تكلم عن مشاري اللي خلف الشاشه من يكون ؟
3 - امنيه تتمناها من زمان ؟

وبس :d

مُختلف.

02-09-2023, 09:27 PM

ياهلا :188:

1-اقرب صديق لقلبي اعضاء الاستراحه الموقره 10 هم اخواني واصدقائي منذو الطفولة روحتنا وحده وجياتنا وحده ومصايبنا وحده :66:..

2- مشاري اللي خلف الشاشة شخص يحب الوناسة والحياة والانطلاق مايحب الروتين خياله واسع كثير التفكير عملي يحب الانجاز مايحب الانتظار ملتزم بمواعيده حذر

فالاوان الاخير اصبح يحب السلام مستمع جيد حلال مشاكل كاتم اسرار متمكن مايحب الاذاى والظلم و الحسد يتمنى الخير للجميع..

3- اصبح تاجر واترك الوظيفة اتعلم انجليزي اروح اسبانيا ..

/

طيب يالجوهرة :326:

1- وش تحب الجوهرة افلام ولا مسلسلات وش افضل شيء شفتيه بالفترة الاخيره سوا من ذا او ذاك وهل فيه ممثل او ممثله او شخصية مشهور تتابعها الجوهرة ..

2- اكثر تطبيق تستخدمينه على الجوال ..

3- ماهي طموحاتك المستقبلية ..

4- من هي الجوهرة ..

5- كل شخص له خطوط حمراء يتمنى محد يتجاوزها ماهي خطوط الجوهرة الحمراء وهل سبق ان احد تجاوزها ..

6- فيه موهبة الجوهرة تتقنها ومبدعه فيها ..

<< ان شاء الله ما تندم على الاستضافه :ff1 (196):
تفضلي :120: ..

سرآب

02-10-2023, 08:48 AM

طيب يالجوهرة

صباح الخيرات اخونا :d

احب الافلام ومدمنة عليها، لكن لي فتره ماشفت شيء يستحق الذكر
ايه فيه فنان مشهور من وانا طفلة احبه :d

2- اكثر تطبيق تستخدمينه على الجوال ..

التويتر - التيك توك - تيلقرام

3- ماهي طموحاتك المستقبلية ..

ان يكون عندي عيادة خاصة فيني

4- من هي الجوهرة ..

بسيطة ومزاجية ولكن مزاجيتي ماتضر احد على نفسي :d
محبه للعلم واسعى دائما اطور نفسي ، مااحب اعتمد على احد
احب انجز شغلي بنفسي ، دقيقه وجديه في بعض الاحيان
شايف هالعبارة
" دائماً سأفوز ، سأنجو ، سأتعافى بسهولة
وليس الأمرُ لأنني قوية بل لأنيّ حقيقية ."
تحكي لك منهي الجوهرة باختصار

5- كل شخص له خطوط حمراء يتمنى محد يتجاوزها ماهي خطوط الجوهرة الحمراء وهل سبق ان احد تجاوزها ..

طبيعي يكون لكل شخص خطوط حمراء
- قلة الاحترام والادب اكثر شيء مااتحمله
نعم فيه اشخاص تجاوزو هالخطوط
وكانت النتيجة طلعتهم من حياتي مهما كان غلاهم

6- فيه موهبة الجوهرة تتقنها ومبدعه فيها ..

مواهب كثيره
بس ممكن اقول التصميم حاليا

<< ان شاء الله ما تندم على الاستضافه

حياك الله استاذي :d

سرآب

02-10-2023, 08:48 AM

يلا دوري
بسم الله .. :d

1- تكلم عن طموحك ؟

2- انت شخصية متسامحه او انك ما تقدر تسامح ؟

3- وش اللي يخلي مشاري يعصب ؟

4- ماهي نقاط ضعفك ؟

5- وش العيوب اللي تشوفها في شخصيتك وحاب تغيرها

نكتفي لهنا :d

Blue

02-10-2023, 09:35 AM

قاعدةة استمتععع بالاجابات :259:

:tfdl2:

مُختلف.

02-10-2023, 03:30 PM

مرحبا :58:

1- تكلم عن طموحك ؟

طموحي مثل امنياتي كثير دائما متعلقه بالسفر والانطلاق
وشويت قروش تساعد في تحقيقها :67:

2- انت شخصية متسامحه او انك ما تقدر تسامح ؟

اسامح لين اوصل حدي وبعدين ما اسامح
يعني اسامح مره مرتين للعشرة بس اوصل نقطه اقول خلاص
لهينا وكفايه :366:

3- وش اللي يخلي مشاري يعصب ؟

انا غالبا ما اعصب لكن انقهر تقهرني بعض التصرفات
تقول هذا كيف سوا هالشيء او قال هالشيء :ff1 (72):

4- ماهي نقاط ضعفك ؟

الحمدلله الفترة الاخيرة عالجة كل نقاط ضعفي
لذا ما اتوقع عندي نقاط ضعف حاليا

5- وش العيوب اللي تشوفها في شخصيتك وحاب تتغيرها

اعطي الموضوع دائما اكبر من حجمه ينشغل تفكيري مره بأي موضوع اللي حولك يعتبرونه تافه لكن انا لا احط فرضيات وتوقعات وتحليلات كبيره للموضوع وحدي اناقش الشخص او احضر الموقف مره اخرى يطلع تافه وماله وجود اصلا لكن انا فكرة فيه بشكل مبالغ فيه هذا اول شيء

ثاني شيء نفسي افعل كلمة لا بحياتي ما احب اقول لا احسها مو حلوه دائما ايوا واندم على شغلات قلت فيها ايوا مو شغلتك مو لازم انت تسويها لكن ما اعرف ارد احد

هذي اكثر شيء نفسي اغيرهم في شخصيتي فقط :ff1 (72):

/

طيب :220:

1- متى تزعل الجوهرة وهل زعلها شين وهل يمكن ترضى ..
2- موقف ما تنساه الجوهرة و اثر فيها سوا سلبي او ايجابي ..
3- هل تحلل الشخص قبل تتكلم معه ولا عادي تندمجين سريع ..
4- تخرج الجوهرة من البيت ولا بيتوتيه ..
5- هل المال غايه ولا وسيلة ..

بس نوفر الباقي لوقت اخر :26: ..

سرآب

02-10-2023, 06:24 PM

1- متى تزعل الجوهرة وهل زعلها شين وهل يمكن ترضى ..
ازعل اذا الشخص تعمد يستفزني ، يحاول يطلعني بالشين دائماً
ازعل اذا الشخص جرحني وهو متعمد هالشيء
للأمانة انا ماازعل كثير لكن مجدر ماازعل صدق
مااشوف شيء ومثل ماقلت زعلي شين
للأسف لا .
2- موقف ما تنساه الجوهرة و اثر فيها سوا سلبي او ايجابي ..
للأمانة مواقف كثيره اللي لها تأثير علي
بس اقرب موقف جاء في بالي هاللحظه
لما طاح ابوي بين يدي انا وخواتي
مازال الموقف مأثر فيني بشكل كبير
واي تعب لابوي ارجع احس بنفس الشعور .

3- هل تحلل الشخص قبل تتكلم معه ولا عادي تندمجين سريع ..
غالبا احلل الشخص من النظره الاولى بس مااوضح للشخص وش جالسه اسوي :d
لكن اندمج بسرعه مع الاشخاص
يعني خليط عجيب :d

4- تخرج الجوهرة من البيت ولا بيتوتيه ..
بيتوتيه درجه اولى ومبسوطه ومرتاحه جدًا
صح اطلع لكن اذا ماحصلت عادي ولا اتأثر
عشان كذا كانت فتره ايام الحجر ممتعة بالنسبه لي

5- هل المال غايه ولا وسيلة ..
اعتقد المال وسيلة :d

طيب نجي لك

- ماهو اجمل شيء قدمه صديق لك؟
- اذكر لي موقف له تأثير عليك ؟
- هل فيه احد قد خذلك واذا ايه كم مره ؟
- طفولتك كيف كانت ؟
- سر من اسرارك محد يعرفه عنك ؟

مُختلف.

02-11-2023, 01:38 AM

- ماهو اجمل شيء قدمه صديق لك؟

مافيه غير الذكر الطيب والحمدلله ..

- اذكر لي موقف له تأثير عليك ؟

وفاة جدتي ام ابوي كان لها تأثير

كنت 24 ساعه عندها وفاتها اثر علي ..

- هل فيه احد قد خذلك واذا ايه كم مره ؟

ايه كثير لكن الحمدلله درس ..

- طفولتك كيف كانت ؟

الحمدلله حلوه مافيها متاعب ..

- سر من اسرارك محد يعرفه عنك ؟

اني اشارك فالمنتديات للحين << لو يعرفون كان الحين مصدر طقطقه لشباب للحين الشباب يطقطقون على ماضي بالمنتديات :54:..
/

طيب

1- هل الجوهرة حساسه ؟
2- كانتي ممتازة بالدراسة ؟
3- تتأثر سريع يعني ام دميعه ولا لا ؟
4- تعطين اسرارك احد؟

وبس ..

سرآب

02-11-2023, 08:01 AM

1- هل الجوهرة حساسه ؟
بدرجة معتدله
لا حساسه مره ولا بليده

2- كانتي ممتازة بالدراسة ؟
اشوف نفسي متوسطة
لكن بالجامعة ايه شاطرة:cool:
3- تتأثر سريع يعني ام دميعه ولا لا ؟
لا دمعتي غالية علي ماتنزل على كل شيء

4- تعطين اسرارك احد؟
ابداً ولا يمكن اعطي احد اسراري

- العقل أم القلب، أيهما أكثر سيطرة على حياتك وقراراتك؟
- ما هي أكبر مخاوفك؟
-ما هو أكبر تحدي كبير في حياتك حتى الآن؟

مُختلف.

02-11-2023, 03:59 PM

- العقل أم القلب، أيهما أكثر سيطرة على حياتك وقراراتك؟

اصبح العقل ..

- ما هي أكبر مخاوفك؟

الفقد تعب من احب ..

-ما هو أكبر تحدي كبير في حياتك حتى الآن؟

اني اصمل على رجيم ونادي بشكل مستمر حتى اوصل الوزن اللي بالي لكن خرطي ماهناك صمله :79: ..

/

طيب

1- وش احلى شيء صار بطفولتك ؟
2- منظمه الجوهرة ولا لا بحياتها غرفتها مقتناياتها ؟
3- قد انخذلتي واخر مره متى ؟

Blue

02-11-2023, 06:04 PM

:401:

ي زينكممم بس
ويا حلو ردودكممم :434:
قاععدة اتلذذ بالردود واللهي :147:

للتذكير :~
نهاية الوقت بكرا الساعة 12:00 بالليل :ff1 (192):

سرآب

02-11-2023, 06:10 PM

1- وش احلى شيء صار بطفولتك ؟

فيه اشياء كثيره حلوه بطفولتي
منها اني كنت الحفيده الاولى والدلع كله لي
منها اني لي ذكريات حلوه مع عمي الله يرحمه
منها اني كنت خويه ابوي في كل مشوار يروح له
الحمدلله طفولتي فيها ذكريات رائعة وباقي في الذاكره

2- منظمه الجوهرة ولا لا بحياتها غرفتها مقتناياتها ؟
مرات اكون منظمه ومرات فوضويه
ولكن يغلب علي اني اكون منظمه

3- قد انخذلتي واخر مره متى ؟

نعم انخذلت
يمكن كانت قبل سنه ونص

--

- ما هو أكثر إنجاز حققته وتشعر بالفخر اتجاهه؟
- عندما تشعر بالاكتئاب أو الحزن، كيف تخرج من هذه الحالة؟
- ما هو أكبر خطأ قمت بارتكابه في حياتك؟ وما هو الدرس الذي تعلمته من هذا الخطأ؟

مُختلف.

02-11-2023, 08:44 PM

- ما هو أكثر إنجاز حققته وتشعر بالفخر اتجاهه؟

كملت الجامعه وانا على رأس العمل وبعد تخرجي من الثانويه

ب8 سنوات التحقت بالجامعه واتخرجت 1440 انجاز افخر فيه صراحه يمكن يعتبر للجميع تافه لكن انا اراه انجاز :259:..

- عندما تشعر بالاكتئاب أو الحزن، كيف تخرج من هذه الحالة؟

اروح الاستراحه و اجلس مع الشباب وتفك كل الامور

او الف بسيارتي واسمع شيء جميل و اروق ..

- ما هو أكبر خطأ قمت بارتكابه في حياتك؟ وما هو الدرس الذي تعلمته من هذا الخطأ؟

الحمدلله انا حذر بطبيعتي لذا الاخطأ تكاد قليلة او منعدمه..
خطأ تدخلت بامور شخصية بين اختي وزوجها بس اصلحت الامر

بالحل السليم لكن حسيت اختي للحين زعلانه مني لان الحل ما عجبها لكن انا رايته سليم و لمصلحتها وقت الغضب الشخص عدوى نفسه لذا تجنبت رايها وسويت الشيء اللي لازم يصير ..
تعلمت اننا ناخذ الامور بهدوء و نختار المصلحه العامه السليمه ..

/

طيب

1- عندك فوبيا من شيء معين ؟
2- اكثر حكمه تؤمنين بها ؟
3- كل شخص له طقوس لروقان وش طقوسك ؟
4 - اقصى مدة تستغنين عن الجوال والنت من واقع تجربه ؟
5- متى يحس الانسان بالضعف وش يقويه ؟

..

سرآب

02-12-2023, 08:58 AM

1- عندك فوبيا من شيء معين ؟

عندي فوبيا من الاماكن الضيقة وفوبيا من الفيران :ff1 (204):

2- اكثر حكمه تؤمنين بها ؟

من الحكم

" كل ساق سيسقى بما سقى"

3- كل شخص له طقوس لروقان وش طقوسك ؟

مالي طقوس معينه اعيش لحظتي باللي فيها

4 - اقصى مدة تستغنين عن الجوال والنت من واقع تجربه ؟

للأمانة مااقدر استغني عن النت بشكل عام
ولكن اذا كنت اقرأ ومندمجه مستحيل اقرب النت او الجوال
اسبوع تقريبا

5- متى يحس الانسان بالضعف وش يقويه ؟

اذا كان عاجز ومابيده حيله
وبذات اذا تعبو اللي يحبوهم مايقدر يسوي شيء
اللي يقويه انه يكون قريب من ربه

سرآب

02-12-2023, 08:58 AM

صباح الخيرات
تفضل …

- ما هي الدعوة التي تدعو بها الله دائمًا ؟
- ما هي نقاط القوة في شخصيتك؟
- اختصر حياتك في كلمة واحدة؟
- هل تنازلت عن مبدأك في الحياة؟

مُختلف.

02-12-2023, 09:30 AM

صباح الانوار زاد فضلك ..

- ما هي الدعوة التي تدعو بها الله دائمًا ؟

افرجها من واسع فضلك ياكريم ..

- ما هي نقاط القوة في شخصيتك؟

التركيز العالي والصمت تجنب الاساءة اجبار الشخص المقابل على الاحترام ..

- اختصر حياتك في كلمة واحدة؟

جميله << رغم كل شيء ..

- هل تنازلت عن مبدأك في الحياة؟

الحمدلله عمري ما تنازلت عن مبدأ والله لا يمتحني بمثل هالشيء

بعض الاحيان التنازل ابتلاء ..

/

طيب

1- هل الجوهرة حنونه على اللي حولها بالمنزل بالاصدقاء المقربين بمعنى هل تعتبرين ملجأ لهم في اي انكسار او ماشابه ..
2- خطأ سويتيه وندمتي وكان قبل كم ..
3-الجوهرة تعتبر نفسها ناضجه بما يكفي ولا باقي لها ..
4- وش حققتي من احلام واهداف وامنيات ..

..

سرآب

02-12-2023, 09:53 AM

1- هل الجوهرة حنونه على اللي حولها بالمنزل بالاصدقاء المقربين بمعنى هل تعتبرين ملجأ
لهم في اي انكسار او ماشابه ..
حنونه بالفعل مااحتاج اثبت هالشيء بالكلام
الحمدلله اعتبر الشخص اللي الناس تاخذ راحتها معه بدون ماتندم
على كلمه قالتها او فضفضه طلعت عندي
ومثل مايسموني اللي يعرفوني صدق الام
وتأكد اي شخص يحتاجني بيحصلني قدامه
فالحمدلله

2- خطأ سويتيه وندمتي وكان قبل كم ..
اخطائي كثيره للأمانة ومافيه مجال للندم في حياتي
لاني اتعلم من كل خطأ طحت فيه
لكن الخطأ اللي مازلت اتعلم منه الان
اني مااعطي الاشخاص اي حجم فوق حجمها الطبيعي

3-الجوهرة تعتبر نفسها ناضجه بما يكفي ولا باقي لها ..
اعتقد التجارب والمواقف اللي مريب فيها كفيله انها تخليني ناضجة نوعا ما
ولكن مازلت اشوف اني احتاج انضج وانضج وانضج

4- وش حققتي من احلام واهداف وامنيات ..
الحمدلله حققت لانفسي اسم في مجالي
كان واحد من احلامي اني اكون اخصائية وتحقق الحمدلله
الاحلام كثيره ماتخلص كل ماتحقق شيء
ترجع تحلم من جديد
الحمدلله على هالنعمه :85:

طيب يامشاري
اخيراً

- كلمة لمختلف ( مشاري ) صادقه من قلبك لنفسك ؟
- كلمة اخيرة لي ؟

مُختلف.

02-12-2023, 01:24 PM

- كلمة لمختلف ( مشاري ) صادقه من قلبك لنفسك ؟

وصلت مرحله كويسه جدا يامشاري حاول ما تتراجع

عيش كما انت بكل ثقه وطيبه وعفويه

ودع ما في القلوب لاصحاب القلوب ..

- كلمة اخيرة لي ؟

انتي انضج واقوى شخصيه لفتت انتباهي مزجتي الاتزان بالمزح بالروح الحلوه بالطيبه مريح المزح معكي

استمري كما انتي وفقكي الله

وجبر خاطرك دائما وحقق احلامك كما تحبين ..

/

طيب اخر اسألتي

1- مختلف او مشاري وش عيوبه اللي لاحظتيها وبدون مجامله ما ابي مميزات وكيف ممكن يعدلها ؟

اخيرا انا استمتعت كثيرا بالنقاش مع الاخت الجوهرة
ورأية جانب كبير من الفكر العالي والاتزان

شكرا للجميع على المتابعه والتعليق والايكات
بلو شكرا على الاستضافه الجميله وان شاء الله نالت الاستحسان

تحياتي كونوا بخير :رحيق: ..

سرآب

02-12-2023, 02:27 PM

1- مختلف او مشاري وش عيوبه اللي لاحظتيها وبدون مجامله ما ابي مميزات وكيف ممكن يعدلها ؟

للأمانة شخصيتك ماعليها كلام
شخص محترم مؤدب
تعرف وش يطلع منك
وتفكر قبل ماترد وهذا شيء كويس

ماشفت للحين اي عيوب تحتاج تغيرها
غير انك مستفز :426:

يعطيك الف عافيه مشاري المختلف
استمتعت معك باللقاء
وشكراً بلو الجميلة على الاستضافه

استودعتكم الله