- تجي نشرب شآي ،، ويحسدنآ الرآيح والجاي

[حُـور]

-




- HOOR
- SA~ ALKHOBAR
- BORN IN 97
- MarrieD & MOMMY

- أحب آلحريّة والحيآة بدون قيُود و آلقهوة و آلأجوآء العآئلية
- إجتمآعية و عندي طعش مليون شخصيّة تطلع حسب آلمود و آلشخص

كِذآ أحب تكُون مقدمة مدونتي عشآن نكون وآضحين ،،

متى فتحت آلمدونة و ليش ؟

آلخميس - 28 جمآدى الأول ~
12:35 آخر آلليل ( وقت روقآني )
ليش لأني ببسآطة مرة مروقة الآن
وفيني طآقة سوآلف و حبيت تكون في مسآحة خآصة فيني ~
أفضفض و أسولف و أقتبس ( يمكن ) بس الآكيد إني بسولف فيهآ وآتحلطم :43:


بآي ّ :10:

[حُـور]

-

لا دقيقة مو بآي أنا فتحتهآ آلحين عشآن بسولف ..
جتني يومين أنا فيهآ ( نفسيّة ) وأحس محتآحة أبعد عن جوّ
آلبيت و المسؤوليآت و و
عآد جت طلعة آليوم بوقتهآ مررررة آحس روحي آنغسلت بمآي يصقع آلعظم
رجعت آلبيت وآحس روحي خفيييييفة ريشة وقلبي فرآشآت
لآ و هدوء شفت آلكل نآيم رحت أبوّسهم كلهم بس بشويش طبعًا
عشآن م يقعد آحد فيهم وأصفقه كف ينيمه مرة ثآنية :ff1 (41):

حبيبيني هم وآلله بس آحيان ودنآ وقت خآص فينآ و في صديقآتنآ
نرجع آيام مضت :82: ربي لآ يحرمني منهم :82: :82:

آلحين بآي بروح ألعب .

[حُـور]

-

مآفي شيء يسعد قد شوفة الآهل والحبآيب :82: :434:
يوم سعيد ومليآن طآقة إيجآبية ع آلرغم بدآيته كآنت صُدآع
بس سويت خطتي آلمعتادة آني أنام مرة ثآنية لو نص سآعة كذآ
تروق مخّي وتطير صدآعي :d

وبكذآ نقول خلص جدول الـ ثلآث أيآم آلجميلة ع خير :ff1 (91):
وبكرآ آلسبت ي كرهي للسبت
يوم تقضيَة أشغال واستعداد لـ بدآية الأسبوع حرفيًا مايُحتسب ضمن الويكند

كِيف كآن ويكندكم ي حلوين .. ؟؟؟

[حُـور]

-

آليوم ماكان ودي أطلع فيه بس مآشاء الله آلفعاليات مستمرّة
رآيحين حق وحدة بنتهآ توهآ طآلعة من عملية ي عمري هي عمرهآ 4 سنوآت
آفف تقطع قلبي عليهآ من جد آلدنيا ماترحم :(
و في وحدة معنآ بنفس آلجلسة حكت قصة وفآة بنتهآ قبل سنتين توفت
وأحس أوفففففف ّ أوف إنشحنت طآقة سلبية أبي أنفّه شوي
يآرب لا تفجعنآ ف غآلي يارب يارب

آلحمدلله خلصت آموري كلهآ من الظهر كنّي أدري إني بطلع فآلليل
ولا كآن توترت آكثر .

آلحين رجعت آلبيت و روقت *بس مآشربت قهوة*
هزؤوني صديقآتي ع إدمآني لهآ وأنا حامل مرة خطر علي ّ
مدري متى بعرف مصلحتي ،، بس حبيتني وأنأ مطيعة ومآشربت
شربت عصير تآنج :d

كيفني ويآك زوين ؟ :d

[حُـور]

https://g.top4top.io/p_255085wy90.jpeg (https://top4top.io/)


آللي م جربت هآلكيكة خسرآآآآآآنة
آيسكريم مو كيك تجنن من آكثر الكيكآت آللي آعيد طلبهآ
إسمها : بلو فلفت
مع قهوة سعوديّة أصلية آيباه :82:

[حُـور]

~

.

هيّ بسمتك سآحرة .. ولآ عيوني عآشقة :82: ؟

-


مسآء آلحب زوآر مدونتي آلأعزآء
شكرًا لكم ع الكلآم آللطيف واللآيكز :82: :82: :ff1 (3):

[حُـور]

~

.
.
.

بُونجووور :372: :82:
تخيّلوآ آليوم ع آساس إني بنآم 10 ونص
وشوفة عينكم للحيني صآحية كأنّي جني
عآد في أسباب أولًا طلع زوجي مخطط ع مسرحيّة نشآهدهآ
ومآقال لي عنها إلا متأخر واستحيت فيه قلت يلآ ماعليه
هنآ بديت آصحصح وأروّق و فجأة إشتغلت شرآرة آلرسم فيني
بنآت خوالي اقترحوآ نتحدى بعض بـ رسمة عشآن يرجع لنآ آلشغف
وكلنآ قلنا قدآم عاد شفت رسومآتهم وحسيت أعلن إنسحآبي أشرف لي خخخ :d
بعدين قلت يا مرآ ، هي تسلية آكثر من إنها شيء لازم تنجزينه
بورّيكم رسمتي ، موعد آعلان النتايج نهآية هالآسبوع يعني في مجآل إني أعيدهآ لو حبيت

https://j.top4top.io/p_2551wf2vp0.jpeg (https://top4top.io/)

شرآيكم ؟ هذآ ككاشي مخفُوس :d


إيه وبعدين رحنآ ننام و جلست آتصفح الانستآ
كآن يطلع بـ وجهي حمّص كذآ حق مطعم فطور
وخلآص آلشهوة وصلت ترليون آلف بالذات متعشين آلمغرب
قمت وآلله زبطت لي حمص و بطآطس مقلي و كولآ :d
وآلحين مصحصحة ترليونين طبعًا مدري وش يصحيني آلصباح آلله يعين

[حُـور]

-

https://i.top4top.io/p_2552je1s80.jpeg (https://top4top.io/)


آنتوا تنحطوا ع آلجرح يبرى :82:
آحبكم :82: :82: :رحيق:

[حُـور]

-

جآلسة أمر بفترة عصيبة
مشآعري ملخبطة وآحس كل شي حولي قآعد يضغطني من جهة
قلق ، توتّر ، خوف ، تصرفآت غير محسوبة ، أنا مش أنا
بـ يدي أعجل بهالفترة وأخليهآ تروح بسرعة
بس شي دآخلي يقول لي لآ إصبري .. و شي يقُول خلصي وريحي وارتاحي !