الشوق جاير

[الولهان عبدالله]

الشوق جاير .. وجور الشوق لعيونك
والحب بيّن .. بعيني .. يوم حبيتك

يا مبعد .. عناد قلبي .. مايعرفونك
حتى لو إني .. عزفت إسمك .. وغنيتك

ساندت صبري .. وراك .. وطاح من دونك
وجيتك .. وأنا لا بغيت الصدق ؟ .. ما جيتك

أهلكني الوجد.. وأنت أهلكت .. مفتونك
وعلمتني .. كيف أونّك .. لين .. ونّيتك

ياليتك .. تشيل دمعي .. في حِجر .. نونك
أو ليتك .. تردني عن قول يا ليتك

مابين سكر عنبك .. ولذع ليمونك
شربت مرّك على شانك .. وحلّيتك

تكفا .. فديتك .. شوي .. شوي .. على هونك
تراك غالي .. وأنا زوّدت .. وأغليتك

وإن شفت .. أهل بيتك المعمور .. يغلونك؟؟
شف قلبي .. أصدق غلا .. من كل أهل بيتك

لاتسمع الناس .. لو كانوا .. ينادونك
إسمع صدى صوت قلبي .. يوم ناديتك

قل سم.؟.. أو قل هلا.؟ أو قول .. يا عونك ؟
ما تدري إنك.. ليا ناديت.؟.. لبّيتك

لبيه .. لامن ضحكت .. وبانت سنونك
وأخفيت مبسمك .. بين أطراف جاكيتك

حبيتك بعقل .. لين أصبحت .. مجنونك
وذبحت .. شعري .. لأمل لقياك .. وأحييتك

متى على الله .. تضمّ.. عيونى .. عيونك؟؟
وأنشدك بالله قولّي .. ليش حبيتك؟؟

[عآزفّ النّآي]

ابيآت جزله وقافيه موزونه
صح لسانك وعلا شانك أخي الولهآن
أنتظآر جديدك .


أحترآمي وتقديري ،,

[alwafa]

•'







حبيتك بعقل .. لين أصبحت .. مجنونك



صح لسسانه
ابياته جميلةة



يعطيك العافيةة

[الولهان عبدالله]

اشكركم ع الحضور والتعليق

[أمَوآج آلشَرقَيهہْ♥]

قصيده جميله ..
صح لسآن قآيلها وشكرآ لك على الآختيار ..


-

[الولهان عبدالله]

اشكركم جميعا

[المعتفس]

ساندت صبري .. وراك .. وطاح من دونك
وجيتك .. وأنا لا بغيت الصدق ؟ .. ما جيتك


الله

ذوق كااااايف يالولهان

[الولهان عبدالله]

ربي يسعدك

[رآنيا]

ابيات رائع وطرح جميل
يعطيك العافية يارب

~

[الولهان عبدالله]

اشكرك يالغلا

[عبير]

ابيات شعرية رائعة
سلمت اناملك على الاختيار
بانتظار جديدك

[الولهان عبدالله]

اشكركم جميعا