لاتعتـذر ..

[عآزفّ النّآي]

لاتعتـذر مـا للهجـر منـك تبـريـر
صـدك بليـا ذنــب والله ظليـمـه

ماصار لـي بعـدك يفـوق اي تصويـر
تجـددت كـل الجـروح السليـمـه

بـعـدك لعـب بي هاجـسـي والتفاكـيـر
وقلبن جريح وروح صبــــن مهيمه

ماغيـر اسلـي خاطـري بالمشـاويـر
اروح وارجـع والهواجـس مقـيمـه

ياحبـي اللـي بيـن بيـض الغنـاديـر
لك في عروش الـقـلـب قـدر وقيمـه

ان كـان صـدك ماخـذك عنـي للغيـــر
روّح ولـو إن الخسايـر وخيــــمـه

وان كانهـا عنـي خـذتـك المـقـاديـر
فالعفـو عنـد المـقــدره فيـه شيمـه

يامرحبـا والـحـب كـلـه معـاذيـر
تشفـع لـك أيـام الغـرام الـقـديمـه

يـوم الهـوى ليا زارنـي منـك أعصيـر
أضم في صدري من أجلـك نسيمـه

واليوم اصبـــر خاطـر الوجـد تصبيـر
واقول صدك عقب وصلـك جريمـه

وإليا جـاك منـي ياهـوى البـال تـقـصيـر
مواقـفـي ويــاك والله عظيـمـه

صخرت لك مشاعـر الشـوق تصخيـر
وامطرتـك بحبـن تقـفـاه ديـمـه

وظــلـلـتـك بجفنـي وصـارت مسافـيـر
يـوم الغـلا بيـن النديـم ونديـمـه

واليـوم ماتنـفـع كثـيـر المحـاذيـر
تـفـاقمـت بيـن النفـوس الحشيمـه

عسى سنينـك روض عشـب ونواويـر
محـد لنفسـه يرتضـي بالهزيـمـه

إمـا تخاوينـي علـى الشـر والخـيـر
والا السلامـه منـك راس الغنيمـه







الشاعر / زايد المري

[hassan]

قصيدة راقية
سلمت يمينك

[عبير]

انتقاء مميز ابو ردن
يعطيك العافية

[عآزفّ النّآي]

شآكر لكم مروركم وردودكم

[أمَوآج آلشَرقَيهہْ♥]

كلمات جميله آحسنت الآختيار ..
سلمت يدينك وصح لسآن قآيلها ..


-

[عآزفّ النّآي]

شرفنـــي توآجـدك عبير في متصفحي

[رآنيا]

صح لسان شاعرها وناقلها ويعطيك العافية اخوي

~

[عآزفّ النّآي]

شآكر مرورك تنزآنيت