اليوم الأول من فعالية من الشاعر [الأرشيف]

عبير

05-20-2022, 04:07 PM

https://g-lk.com/up/do.php?img=13720

-

الجرح ماهو خـاطر شوي ويروق
الجرح حتى لو تشافى يعللك

واذاك متحمس متاهات وطروق
أنا تعبت أشـد حيلي وأحاولك

سماي ماشي شمس ورعود وبروق
والريح ماهبّت ولا يجري الفلك

والقلب ناشف بحر وشقوقه شقوق
وشلون بيكوّد سحاب ويبلّلك

ياظامي أنا أظما ومتشبع حروق
واذاك ظامي للمواصل أنا هلك

هلك ووقف في وجهي الأصل والذوق
والمجتمه والعرف والفقر وأهلك

متعومس وحزن النبلاء مرموق
يعني لو أحتاج لك ماجيت أسألك

اللي علي أشكي وأعاتبك برفوق
وأقولك ودي ماعاد أتـأملك

مـن دورة الأيام ياخوك مخـنوق
الوقت مشاني من السلك للسلك

أزل خطوه بس ما أزل منطوق
ولو صارت أبا أحب خشمك وأجاملك

يبقى البني آدم مجرد ومخلوق
ملك ولكن في الحقيقه بلا ملك

والناس عوق الناس والدرب مسبوق
تتعب على أشياء فـ الآخر ماهي بألك

كذاب قايل : كل مطرود ملحوق
سنين وأنا أطردك وأزريت لا أوصلك

كنّك تطيش وكني أدور فـي طوق
كل ماوصلت آخرك يطلع لي أولك

ياليت ما في خاطري شوق وفروق
ماكان حسيت ان أنا بس منك الك

الشوق ماهو رعشه وقبضة عروق
وماهو اللي من شينك فـ عينك يجمّلك

وماهو شعور يخالج الروح برفوق
ولا هو سحر ولا أدري والله شاقول الك

كنّه سحابة حلم وتطير بك فوق
وتطير ولا ودّك انها تنزلك

الشوق هذا والا أنا شوقي البوق
ماقد حصل في شوق هذي ولا تلك

تدري وش أسوّي الى أضناني الشوق
أسوي بعيوني كذا وأتخيّلك

وأقربّك واتوق .. واتوق .. واتوق
وأكثّرك وأحلف ما عاد أقـلّلك

وأصوّرك في الموق وتكبر على الموق
وتطيح مع دمعي على ايدي وأقبّلك

هذا غلاي اللي مع الدم مدقوق
ولا عاد تسأل عن شعوري بزعّلك

محبة ماهيب من طارف السوق
لو انك توكل .. كان والله لا آكلك

جيتك حقوق ورحت ماعندي حقوق
وان قلت ما أحبك أبجحد مواصلك

أحبك؟ ألا يابرب حالي وعوق
من كثر ماحبك أخاف اني أقتلك

[/COLOR]