كرسي الإعتراف الرمضاني مع أخي نايف

[الولهان عبدالله]

كرسي الإعتراف الرمضاني

السلام عليكم ورحمة الله وبركــــــــاته....
هـل هلالك رمضـان قـبل أيـام معدودات وراح يكــون فيهـ
كرسي الأعتراف
الطريقة نستضيـف ضيف على هذا الكـرسـي من أعضـاء منتدانا الغالي
الأسئلة وهـي
:
س1_ اسمك ؟؟
س2_كم عمرك؟؟
س3_رايك في رمضان هذي السنه ؟؟
س4_أذكر لنا قصة او موقف حدث لك في رمضان؟؟
س5_اكثر اكله تحبها في رمضاان ؟؟
س6- وش تفضل فطورك مع الاهل ولا برووحك ؟؟
س7ـ هل تدخلون المطبخ في رمضان؟؟أم تدعين العمل على امك و أخواتك؟؟
س8- كم مره ختمت القران ؟؟وعندك طريقه مناسبه تذكرها لنا نختم فيها القرآن باذن الله؟
س9- هالسنه ناوي تختم القران؟؟
س10_وش العصير أو المشروب اللي تحب تشربه في رمضان؟؟
س11_انت من الناس اللي يزيد وزنهم في رمضان؟؟
س12_تقضي النهار كله نوم ؟ أو عادي تقضيه وانت صاحي؟؟
س13_الصيام يتعبك؟؟
س14_تتابع المسلسلات الرمضانية؟؟
س15_تفرح برمضان أكثر أو بالعيد أكثر؟؟



ملاحظه :

[ كل عضو يكون من إختيآري , وبتكون مدة الاستضافه يومين اذا تأخر العضو ]

أرجو من الأعضاء تقديم أساله للعضو المرشح

طبعا العضو راح يجاوب على أسإلتي الموجودة في الاعلى ثم يجاوب على اسإلة الأعضاء

سيتم ترشيح عضو لكرسي الاعتراف كل يوم الساعة الرابعة او الخامسة عصرا

[الولهان عبدالله]

:75yh::ff1 (131):كل الشكر أقدمه لك اختي رانيا

[alwafa]

•'










يا هلا ب راعي البشت الازرق
يا عساه دايم ،




- شو شعورك و انت مشرف ...؟؟
- لو قالو لك اختار غير القسم الي عليه شو راح تختـار ...؟؟
- ليش ما تبي اتم على طول مشرف ...؟؟
- كيف رمضـان معاك....؟؟
- من بدايـةة رمضان لين الحين طبخت شي ..؟؟ بمان انك طباخ ....؟





لي رجعــهه

[نايف]

عليكم السلام ورحمة الله وبركاته
شكرا اخوي عبدالله
وسعيد بتواجدي معكم خلال هذه الاستضافه الجميله

‏ س1_ اسمك ؟؟
اظن مناحي ويدلعوني النوحي
وينادوني نايف :d

‏ س2_كم عمرك؟؟
الصبا ضاع من يدي وغزا الشيب مفرقي
ليت يايوم مولدي .. كنت يوما بلا غدِ
.
.
لقد بلغت من العمر عتياً يااولادي :ff1 (101):



س3_رايك في رمضان هذي السنه ؟


كباقي السنوات الماضيه
شهر خير ولا يأتي الا بخير
اسأل الله أن يعينني واياكم على صيامه وقيامه
ويكتبنا فيه من المقبولين وان يجعلنا من عتقائه
من النار



س4_أذكر لنا قصة او موقف حدث لك في رمضان؟؟


قبل العام وقت كان الحجر يبدأ من خمس المساء
دخل علي واحد قاطع اشاره قبل المغرب ومعي امي
واختي وشمعت فيه ودخلته في عمود الاشاره
وامي شمعت في القزاز واختي كانت ورا حضرت معنا
بين المراتب وهذاك طاح على وجهه على الدركسون
والايرباق منفتح بوجهه وامي جنبي ماسكه راسها
وساكته
انفضخ قلبي والله منا مشغول بأمي واختي
ومنا مشغول بذا اللي بلاني بعمره مدري مات
والا حي والا وش قصته .
لكن الحمدلله امي طلعت بصعروره صغيره بجبهتها:d
وذاك خذاله اغماءه بسيطه وصحي بعدها
دقيت على ولد عمي وجاب العزوه كلهم
اللي خذا امي واختي وراح يطمن عليهم المستشفى
ووداهم البيت واللي خاواني وتفطرنا على الرصيف
لين جاء نجم وعدت على خير الحمدلله



س5_اكثر اكله تحبها في رمضاان ؟؟


الصراحه مو من عشاق الطحن الكثير في النعمه
على سفرة رمضان مويا وتمر وحبة سمبوسه ان حصل
وكم ملعقة شوربه والحمدلله نعمه من فضل ربي


س6- وش تفضل فطورك مع الاهل ولا برووحك ؟؟


اكيد مع الاهل له طعم خاص



س7ـ هل تدخلون المطبخ في رمضان؟؟أم تدعين العمل على امك و أخواتك؟؟


الصراحه صرت اتجنب الدخول للمطبخ
في هذا الوقت العصيب لأنه لاحظت كل ماادخل
اجيب لنفسي مصيبه ياناقص عليهم شي
يبوني اروح اجيبه والا يكرشوني بحجة ان وجودي
داخل غرفة العمليات يسبب لهم ربكه واشغال
لذلك صرت اخذ وضعية السبات الشتوي بغرفتي
لين يقولون خلاص اذن المغرب وزال الخطر


س8- كم مره ختمت القران ؟؟وعندك طريقه مناسبه تذكرها لنا نختم فيها القرآن باذن الله؟

الى الآن احاول على الاقل ختمه ولو لمره واحده
بخطة قراءة عشرين صفحه في اليوم


س9- هالسنه ناوي تختم القران؟؟

ان شاءالله


س10_وش العصير أو المشروب اللي تحب تشربه في رمضان؟؟

الصراحه انا مدمن شراب التوت تونو وافضله كثير
على الفيمتوو


س11_انت من الناس اللي يزيد وزنهم في رمضان؟؟

يزيد على خفيف الحمدلله مو ذاك الشي الملاحظ


س12_تقضي النهار كله نوم ؟ أو عادي تقضيه وانت صاحي؟؟

لا طبعا دوام وترييحه العصريه ان صار
الا اذا كنت في اجازه احيان ادبغها
لثنتين بعد الظهر او حولها


س13_الصيام يتعبك؟؟

ابدا بالعكس ممتع جدا بالنسبه لي


س14_تتابع المسلسلات الرمضانية؟؟

في الغالب مايعرض بين المغرب والعشاء فقط


س15_تفرح برمضان أكثر أو بالعيد أكثر؟؟

رمضان اكثر صراحه احس ايامه الثلاثين
كلها عيد .

مع خالص الشكر والتقدير اخوي عبدالله

[نايف]

•'










يا هلا ب راعي البشت الازرق
يا عساه دايم ،




- شو شعورك و انت مشرف ...؟؟
- لو قالو لك اختار غير القسم الي عليه شو راح تختـار ...؟؟
- ليش ما تبي اتم على طول مشرف ...؟؟
- كيف رمضـان معاك....؟؟
- من بدايـةة رمضان لين الحين طبخت شي ..؟؟ بمان انك طباخ ....؟





لي رجعــهه






‏ يا هلا ب راعي البشت الازرق
يا عساه دايم ،
البقا ياصاحبة العبايه الموفي :d
وتدوم سعادتك يارب


- شو شعورك و انت مشرف ...؟؟

صراحه مو شعور شخصي
بقدر ماهو رغبه اني اقدم
وعلى قد امكاناتي البسيطه
بعض الشيء لهذا الصرح الجميل
الذي جمعنا على المحبه والأخوه
ولصاحبته اختنا الراقيه والجميله
خلقا وتعاملا رانيا
والتي تستحق من يقدم ولو شي بسيط
من اجلها في الفتره البسيطه اللي راح
اكون فيها في منصب الاشراف


- لو قالو لك اختار غير القسم الي عليه شو راح تختـار ...؟؟

يمكن قسم المطبخ مو لفنياتي وابداعاتي
بهذا المجال
بس حاب اصافق بكل القدور والصحون اللي فيه
في راس ام عنبر :54:


- ليش ما تبي اتم على طول مشرف ...؟؟

مااخفيك وفا بالنسبه لاعتقادي الشخصي
انه رانيا ماتحب تتجاهل احد يتواجد بأي
مجهود ولو بسيط في هذا المنتدى
وقد عرضت علي مهمة الاشراف مشكوره
ومنذ زمن طويل مضى
ولأني دائما حريص ان لا اخذل اي انسان
يضع ثقته في شخصي البسيط اعتذرت
عن الاشراف وقتها
ولنفس السبب انا الآن لا افضل الاستمرار
رانيا والمنتدى يستحقون تقديم الكثير
واخشى ان لا اكون الشخص الذي يستطيع
تقديم هذا الكثير .


- كيف رمضـان معاك....؟؟

الحمدلله تمام التمام ليت الشهور كلها رمضان
الشيء المتعب فيه الدوام بس :d


- من بدايـةة رمضان لين الحين طبخت شي ..؟؟ بمان انك طباخ ....؟

والله ياخوك كل مادخلت المطبخ زفتني الوالده
الله يحفظها مع مساعداتها
انا شخص مرحب فيه فقط اذا ناقصهم غرض
يبوني اجيبه :d
لذلك وحفظا لكرامتي صرت احاول ابعد
عن مسرح العمليات لين يجي وقت الهجوم :d

‏
لي رجعــهه
‏
مرحب فيك في اي وقت تحبين الله يسعدك

[آلهيمانة]

ي هلا و مرحبا بأخوي نايف ،
على حظك اني فاضيه و شفت انك فالكرسي

ف شسما هو نسال اساله عاديه
ولا اساله رمضانيه :98:


المهم ماعلي منكم بسال اي سؤال
كيفي يو نو ههههههه
:ff1 (4):


من هو أكثر شخص تأمنه على أسرارك ؟

اقرب شخص لك فالمنتدى ؟

قد مره ارتكبت جريمة او مخالفه القانون ؟

ما هي عيوب نايف ؟

انزين ليش مارديت على أول سؤالين
من سؤال الاخ الولهان وقاعد اتلف و ادور هههههههههه

[الولهان عبدالله]

ماشاء الله يانايف قصدي مناحي
إجابات مقنعة :094:
بديات الصوم كم كان عمرك
ابيك تعطيني وجهة نظرك الخاصة
في الذين يوزعون في الشوارع وعند وقت المغرب وجبة الإفطار على السيارات
واتمني لك التوفيق
سؤال المديرة الهيمانة مهم للغاية :094:

[مسترٍيَحٍ آلُبآلُ]

هلا والله بالزعيم الهلالي نايف استلم يالامير

هل لك طقوس معينه برمضان

عندك وقت تتابع مباريات الهلال

انت من الناس اللي يزيد وزنهم في رمضان؟؟

تقضي النهار كله نوم ؟ أو عادي تقضيه وانت صاحي؟؟

الصيام يتعبك؟؟

تتابع المسلسلات الرمضانية؟؟

فرح برمضان أكثر أو بالعيد أكثر؟؟

[نايف]

ي هلا و مرحبا بأخوي نايف ،
على حظك اني فاضيه و شفت انك فالكرسي

ف شسما هو نسال اساله عاديه
ولا اساله رمضانيه :98:


المهم ماعلي منكم بسال اي سؤال
كيفي يو نو ههههههه
:ff1 (4):


من هو أكثر شخص تأمنه على أسرارك ؟

اقرب شخص لك فالمنتدى ؟

قد مره ارتكبت جريمة او مخالفه القانون ؟

ما هي عيوب نايف ؟

انزين ليش مارديت على أول سؤالين
من سؤال الاخ الولهان وقاعد اتلف و ادور هههههههههه

ي هلا و مرحبا بأخوي نايف ،
على حظك اني فاضيه و شفت انك فالكرسي

هلابك زود هيومه
وممتن لحظي الاكثر توفيقا ان اسعدني
بمرورك من هنا :d


ف شسما هو نسال اساله عاديه
ولا اساله رمضانيه :98:


المهم ماعلي منكم بسال اي سؤال
كيفي يو نو ههههههه
:ff1 (4):

ابد شرقي وغربي واسألي على كيفك
حاضرين الله يسعدك :92:

من هو أكثر شخص تأمنه على أسرارك ؟
احد اولاد عمي بنفس عمري هو الصديق
والاخو والقريب المقرب والمؤتمن على حياتي قبل اسراري


اقرب شخص لك فالمنتدى ؟

كشخص اميل للحياه الاجتماعيه بشكل كبير
اشعر بالقرب والانتماء لكثير من الاعضاء هنا
واخشى ان اذكر بعضهم وانسى البعض الآخر
لذلك دعي الأمر بدون تحديد اسماء :d
فتحديد الاسماء ايضا قد يفتح باب التأويل :d

قد مره ارتكبت جريمة او مخالفه القانون ؟
لا ان اشاءالله :16g7:
يادوب مخالفتي للقانون محصوره في العم ساهر
وكفايه خالص :d

ما هي عيوب نايف ؟
مزاجي - وغير منظم في كثير من امور حياتي

انزين ليش مارديت على أول سؤالين
من سؤال الاخ الولهان وقاعد اتلف و ادور هههههههههه
بالعكس رديت بس ماذكرت مناسبة الاسم :d
بالنسبه لمناحي
هذا الاسم صرفته لي امي الله يحفظها
اذا تذكرون مسلسل سكتم بكتم حق
فايز المالكي (مناحي)
وحسن عسيري (الشيخ مدحت )
هذي امي وقت الحجر برمضان حق كورونا
من كثر ماجبنالها الهم انا واخوي
وهي كل يوم مبتلشه فينا تصحينا للفطور
وباليالله نقوم .
فصارت كل يوم قبل الفطور تقول لخواتي
صحوا مناحي والشيخ مدحت فقعوا مرارتي
الله يصلحهم :54:
اما العمر وما ادراك مالعمر ياابنتي
فقد لمحت لكم واخبرتكم بمايدل عليه :5_rateform:
ربما بلغت الستين او السبعين .. لايهم الرقم
المهم ان تدعوا لي يااولادي ان اوفق في
تكوين مستقبلي ..
وان اكمل نصف ديني مع حسناء لم يجود الزمان بمثلها :d
وارزق جحافل من البنين والبنات يحملون
عني اعباء الحياه قبل ان ابلغ الثمانين او التسعين
وفي روايه عن العمر رواها لي والداي حفظهم الله
اني كنت فال خير عليهم وحضرت معهم
فوز السعوديه بكأس آسيا 96 :d

[متأمل]

ً
ً

ما شاء الله نيوف متربع على كرسي الاعتراف :d

سؤال :
ايهم اقرب لمعدتك
الفطور او السحور ؟

هل انت ممن ينام بعد الفطور
يعني تاخذ غطة قبل الصلاة ؟

احب اكلة رمضانية عندك ؟

وش رايك في دوام رمضان
بالنسبة للطلاب ؟

هل انت من النوع
اللي يحب يلعب كرة طايرة في رمضان ومتى ؟

كم رمضانات افطرت فيهم ؟ :76:


وين راح تقضي العيد ؟ :ff1 (208):


هل عندك نية تسوي انقلاب على الادارة
وتحتل المنتدى ؟ :139:



ِ

[نايف]

ماشاء الله يانايف قصدي مناحي
إجابات مقنعة :094:
بديات الصوم كم كان عمرك
ابيك تعطيني وجهة نظرك الخاصة
في الذين يوزعون في الشوارع وعند وقت المغرب وجبة الإفطار على السيارات
واتمني لك التوفيق
سؤال المديرة الهيمانة مهم للغاية :094:


ماشاء الله يانايف قصدي مناحي
إجابات مقنعة :094:

اهلا اهلا بالشيخ مدحت
من ذوقك الله يسعدك

بديات الصوم كم كان عمرك
صراحه مااذكر على وجه التحديد
لكن تقدر تقول من اول ابتدائي تقريبا
وانا في ود وتقارب مع رمضان مرات للظهر
ومرات قبل ومرات بعد
لين وصلت للنهائي :d

ابيك تعطيني وجهة نظرك الخاصة
في الذين يوزعون في الشوارع وعند وقت المغرب وجبة الإفطار على السيارات
فعل خير من رجال خير يتنافسون فيه
طمعا في الأجر والثواب
اسأل الله ان يجزيهم جميل صنعهم
يقول صلى الله عليه وسلم
من فطر صائماً كان له مثل أجره
غير أنه لا ينقص من أجر الصائم شيئاً"
كما يعتبر مساعده للصائمين على عدم الاستعجال
في الوصول لمنازلهم وبالتالي الحفاظ على سلامتهم
من الحوادث لاسمح الله
وكذلك يعبر عن صوره جميله ومشرقه من صور
التكافل الاجتماعي



واتمني لك التوفيق

شكرا وفقنا الله واياك استاذي لما يحب ويرضى
سؤال المديرة الهيمانة مهم للغاية :094:
تم التوضيح والتفصيل لسعادة فخامة حضرة المووديره

[خفايآ روح~••]

هلا هلا بنويف
رفيز الحلوه والمره والملعنه
طحت ومحد سمى عليك :d:11:





انتظرني
وانتظر اسئلتي اللطيفه اللزيزة :d:11:

[متأمل]

هلا هلا بنويف
رفيز الحلوه والمره والملعنه
طحت ومحد سمى عليك :d:11:





انتظرني
وانتظر اسئلتي الطيفه اللزيزة :d:11:

عز الله جتك اللي تعرفك زين :d

بس خليك شنب وورينا شطارتك وكذا >>> ما يحرش احد :ff1 (26):

[الولهان عبدالله]

:75yh: كل باقات ورد لك نوووويف :70:

[نايف]

هلا والله بالزعيم الهلالي نايف استلم يالامير

هل لك طقوس معينه برمضان

عندك وقت تتابع مباريات الهلال

انت من الناس اللي يزيد وزنهم في رمضان؟؟

تقضي النهار كله نوم ؟ أو عادي تقضيه وانت صاحي؟؟

الصيام يتعبك؟؟

تتابع المسلسلات الرمضانية؟؟

فرح برمضان أكثر أو بالعيد أكثر؟؟

هلا والله بالزعيم الهلالي نايف استلم يالامير

- هلا بك زود يابعد راسي

هل لك طقوس معينه برمضان
- ابد والله دوام ترييحه - بالعصر - فطور -
فرفره احيان بالليل مع اخوياي
اما طلعنا الاستراحه والا رحنا النادي
ولو اني مشطب على النادي للحين بذا الرمضان :d

عندك وقت تتابع مباريات الهلال
- الا مباريات الهلال لو مافي وقت اخترعلها وقت غصب

انت من الناس اللي يزيد وزنهم في رمضان؟؟
- زياده طفيفه في الغالب احاول ماافتح المجال كثير
لطلبات الكرشه المصونه :d

تقضي النهار كله نوم ؟ أو عادي تقضيه وانت صاحي؟؟
- لا ابدا من فتره طويله يمكن ذا رمضان الثالث
تغير روتين النوم في رمضان مع الدوام للاسف
وصار يمر اغلب اليوم صاحي مع بعض الغطات
قبل وبعد الدوام

الصيام يتعبك؟؟
-لا ابدا مستمتع فيه جدا

تتابع المسلسلات الرمضانية؟؟

- فقط مايعرض بين المغرب والعشاء
والباقي اتفرغ له في شاهد بعد رمضان :d

فرح برمضان أكثر أو بالعيد أكثر؟؟
- صراحه رمضان اكثر احس ايامه كلها عيد

شرفتني بمرورك ياغالي

[نايف]

ً
ً

ما شاء الله نيوف متربع على كرسي الاعتراف :d

سؤال :
ايهم اقرب لمعدتك
الفطور او السحور ؟

هل انت ممن ينام بعد الفطور
يعني تاخذ غطة قبل الصلاة ؟

احب اكلة رمضانية عندك ؟

وش رايك في دوام رمضان
بالنسبة للطلاب ؟

هل انت من النوع
اللي يحب يلعب كرة طايرة في رمضان ومتى ؟

كم رمضانات افطرت فيهم ؟ :76:


وين راح تقضي العيد ؟ :ff1 (208):


هل عندك نية تسوي انقلاب على الادارة
وتحتل المنتدى ؟ :139:



ِ


‏ ما شاء الله نيوف متربع على كرسي الاعتراف

‏
ايه والله ياخوك متربع
والكرسي يتهزهز مو مريحني بالمره
احس راح تجيني مصيبه من وراه :54:

‏ سؤال :
ايهم اقرب لمعدتك
الفطور او السحور ؟
يمكن الفطور :d
وعلى الخفيف بعد
اما السحور مو حريص عليه كثير


‏ هل انت ممن ينام بعد الفطور
يعني تاخذ غطة قبل الصلاة ؟
نهائيا
احس لو نمت ماصليت :d

‏ وش رايك في دوام رمضان
بالنسبة للطلاب ؟
برأيي مجرد اشغال للطلبه واولياء امورهم
لا اقل ولا اكثر

‏ احب اكلة رمضانية عندك ؟
الاكلات الخفيفه سمبوسه شوربه فطاير
زي كذا مااميل للاكل الثقيل

‏ هل انت من النوع
اللي يحب يلعب كرة طايرة في رمضان ومتى ؟
جدا
الاسبوع ذا رحنا رتبنا الوضع بالاستراحه
وان شاءالله من الاسبوع الجاي تبدأ الفعاليات
وبالعاده نبدأ الساعه 10 ونص 11 كذا
لمين 12:30 وحده

‏ كم رمضانات افطرت فيهم ؟

‏
مااذكر صراحه من بلغت 10 سنين كذا اني افطرت

‏ وين راح تقضي العيد ؟

‏
الى الحين محليا
في الغالب يكون بالاستراحه
مافي وقت للسفريات

‏ هل عندك نية تسوي انقلاب على الادارة
وتحتل المنتدى ؟

‏

ياخي انت فضيحه :d
احد يقدر يقول اعترافات خطيره زي كذا هنا :d


شرفت ونورت حبيب قلبي
ولا تفتح علينا العيون المغمضه :d

[نايف]

هلا هلا بنويف
رفيز الحلوه والمره والملعنه
طحت ومحد سمى عليك :d:11:





انتظرني
وانتظر اسئلتي اللطيفه اللزيزة :d:11:

بصوت ابو طلال الحمراني
وهني كانت الصدمه .. اهلا .. وسهلا :d

•
•
هلا هلا خفخف
تو مانورت الاستضافه
وانّكَب كرسي الاعتراف باللي عليه :54:

انا اقول اديتي الواجب وسلمتي الله يحفظك
ماله داعي تشغلين روحك بالاسئله :d

المهم اذا مالقيتيني موجود سلميهم للي بعدي :54:

[نايف]

عز الله جتك اللي تعرفك زين :d

بس خليك شنب وورينا شطارتك وكذا >>> ما يحرش احد :ff1 (26):

كن بالقرب ياصديقي :d
هذي اللي مااقدر عليها لوحدي
تتربط الشياطين كلها برمضان
ويقعدون هي وشيطانها مركوزين :54:

[نايف]

:75yh: كل باقات ورد لك نوووويف :70:

تسلم ابو عابد
كلك ذوق ياغالي

المهم متى النحشه من الكرسي :d

[متأمل]

كن بالقرب ياصديقي :d
هذي اللي مااقدر عليها لوحدي
تتربط الشياطين كلها برمضان
ويقعدون هي وشيطانها مركوزين :54:

افا عليك :d
ابشر ‏بي وانا اخوك
المهم نشوف وش عندها
ثم تجيها الهجمة المرتدة :ff1 (38):

[الولهان عبدالله]

اخي نايف
كل الأعضاء يرودنك ع الكرسي

[الولهان عبدالله]

ان شاءالله ابشر
وتم إغلاق الكرسي
وكانت إجابات ممتعة وصريحة وسعدت باستضافك