روح من النور وكرسي الاعتراف

[الولهان عبدالله]

كرسي الإعتراف الرمضاني

السلام عليكم ورحمة الله وبركــــــــاته....
هـل هلالك رمضـان قـبل أيـام معدودات وراح يكــون فيهـ
كرسي الأعتراف
الطريقة نستضيـف ضيف على هذا الكـرسـي من أعضـاء منتدانا الغالي
الأسئلة وهـي
:
س1_ اسمك ؟؟
س2_كم عمرك؟؟
س3_رايك في رمضان هذي السنه ؟؟
س4_أذكر لنا قصة او موقف حدث لك في رمضان؟؟
س5_اكثر اكله تحبها في رمضاان ؟؟
س6- وش تفضل فطورك مع الاهل ولا برووحك ؟؟
س7ـ هل تدخلون المطبخ في رمضان؟؟أم تدعين العمل على امك و أخواتك؟؟
س8- كم مره ختمت القران ؟؟وعندك طريقه مناسبه تذكرها لنا نختم فيها القرآن باذن الله؟
س9- هالسنه ناوي تختم القران؟؟
س10_وش العصير أو المشروب اللي تحب تشربه في رمضان؟؟
س11_انت من الناس اللي يزيد وزنهم في رمضان؟؟
س12_تقضي النهار كله نوم ؟ أو عادي تقضيه وانت صاحي؟؟
س13_الصيام يتعبك؟؟
س14_تتابع المسلسلات الرمضانية؟؟
س15_تفرح برمضان أكثر أو بالعيد أكثر؟؟



ملاحظه :

[ كل عضو يكون من إختيآري , وبتكون مدة الاستضافه يومين اذا تأخر العضو ]

أرجو من الأعضاء تقديم أساله للعضو المرشح

طبعا العضو راح يجاوب على أسإلتي الموجودة في الاعلى ثم يجاوب على اسإلة الأعضاء

سيتم ترشيح عضو لكرسي الاعتراف كل يوم الساعة الرابعة او الخامسة عصرا

اليوم الأول لكرسي الرمضاني مع
روح من النور

[رُوح]

يسعد مساكم
وكل عام وأنتم بخير جمعياً
والله يتقبل منا ومنكم صالح الأعمال ✨


شكراً على اختياري واستضافتي عبدالله 😊

وإن شاء الله لي عودة للرد ع الأسئلة 👍🏻

وحياكم أستقبل أسئلتكم 💕

[رُوح]

بسم الله .. نبدأ الأجوبة 😊

س1_ اسمك ؟؟
روح بنت النور 💕
> أخاف أنخطف لو قلت إسمي الحقيقي :d


س2_كم عمرك؟؟
ثلاثينية
> بعدي في بداية الثلاثين 😇

س3_رايك في رمضان هذي السنه ؟؟
جميل الحمدلله
والجديد فيه أني عرفتكم
وعرفت ناس طيبين ف الواقع بعد ما كنت أعرفهم من قبل 😊
يعني هالسنة رمضاني مع ناس جدد وحلوين 👌🏻💕

س4_أذكر لنا قصة او موقف حدث لك في رمضان؟؟
أذكر كنا منتقلين لبيتنا الجديد في رمضان
وما كنا مسويين فطور لأن بعده ما كان في غاز
و قررنا نطلب من برى
وأنا وأختي الصغيرة كنا نفكر شو نبي نفطر وشو اللي فخاطرنا
بعدين صديق أخوي قال لأخوي فطوركم علينا
وهو اللي جاب الفطور كله وما طلبنا من برى
والأكل اللي جابه كله نفس اللي نحبه
ونفس الشي اللي كان ف خاطرنا أنا وأختي الصغيرة
كأنه يدري مع أنه ما يدري > جابه على ذوقنا 👍🏻

س5_اكثر اكله تحبها في رمضاان ؟؟
أكثر من أكله تعجبني يعني مافي شي محدد
بس أحب أي شي أسويه بنفسي

س6- وش تفضل فطورك مع الاهل ولا برووحك ؟؟
مع الأهل طبعاً وأحب لما نتجمع كلنا
لأن مو كلهم يكونون موجودين برمضان

س7ـ هل تدخلون المطبخ في رمضان؟؟أم تدعين العمل على امك و أخواتك؟؟
طبعاً نتعاون
والشغالة بعد تساعد
ومرات ما أسوي شي لأن خلاص يسوون عني
وما يكون في شي أسويه

س8- كم مره ختمت القران ؟؟وعندك طريقه مناسبه تذكرها لنا نختم فيها القرآن باذن الله؟
ما أذكر ما حسبت كم مرة
بس برمضان غالباً أختمه مرة وحدة
أحاول كل يوم أقرأ جزء أو جزئين لين أختمه

س9- هالسنه ناوي تختم القران؟؟
نعم ، إن شاء الله

س10_وش العصير أو المشروب اللي تحب تشربه في رمضان؟؟
أكثر شي اللبن وعصير البرتقال

س11_انت من الناس اللي يزيد وزنهم في رمضان؟؟
لا ينقص شوي

س12_تقضي النهار كله نوم ؟ أو عادي تقضيه وانت صاحي؟؟
لا ما أحب أنام في النهار سواء في رمضان أو غيره
يعني نادراً أنام ف النهار يمكن لو كنت تعبانة فقط

س13_الصيام يتعبك؟؟
أول يومين أحس تعب شوي بس بعدين عادي أتعود

س14_تتابع المسلسلات الرمضانية؟؟
ما أتابع ولا شي
والمسلسلات الخليجية أحسها نكد
يمكن لو في شي يضحك أو شي مفيد أتابع بس واحد مو أكثر
لكن هالسنة بعدي ما فتحت التلفزيون

س15_تفرح برمضان أكثر أو بالعيد أكثر؟؟
رمضان له فرحته والعيد له فرحته


~

شكراً ع الأسئلة الحلوة 🌸✨

[المعتفس]

أجوبة رائعة


ماتسطلين بعد الإفطار؟
والرياضة متى وقتها فيومك ؟وأي نوع من الرياضة ؟
تروحين تصلين في المسجد التراويح والا البيت ؟

[متأمل]

أجوبة رائعة


ماتسطلين بعد الإفطار؟
والرياضة متى وقتها فيومك ؟وأي نوع من الرياضة ؟
تروحين تصلين في المسجد التراويح والا البيت ؟

التسطيل عندي والله :d
خلاص احسني منتهي
ولازم اخذ غطة قبل صلاة التراويح

>>> من قوة الصوم جاوب عن روح هههههه

المهم جاوبي يا اختاه هداك الله :)

ِ

[رُوح]

آهلين يالمعتفس

ماتسطلين بعد الإفطار؟
مرات مو دايماً
لازم أشرب لبن أكتيفيا عشان ما أسطل
أكتيفيا اللي بالخوخ حلو جربوه يمكن يعجبكم
لأنه مفيد وما أحس بشعور التخمة لو شربته
وبعد الفطور بساعة أو ساعتين أشرب شاي أو قهوة

والرياضة متى وقتها فيومك ؟وأي نوع من الرياضة ؟
في الأيام العادية الصبح أو بعد الظهر ف الجم
بس ساحبة ع الجم ومو ملتزمة ف الرياضة على طول
وأما نوع الرياضة كارديو ومقاومة أكثر شي مع أنه الجم فيه كل أنواع الرياضات
بس هذول أكثر شي

هالفترة برمضان بعد العشاء
المشي السريع أكثر شي و الجري مرات
والحين زودت النط
والمقاومة بس نادراً

تروحين تصلين في المسجد التراويح والا البيت ؟

في البيت وفي المسجد على حسب
وفي العشر الأواخر دايماً ألتزم بالصلاة ف المسجد
أحس أحلى ف المسجد لما كلنا نصلي و ندعي مع بعض


شكراً على أسئلتك
نورت ✨

[رُوح]

التسطيل عندي والله :d
خلاص احسني منتهي
ولازم اخذ غطة قبل صلاة التراويح

>>> من قوة الصوم جاوب عن روح هههههه

المهم جاوبي يا اختاه هداك الله :)

ِ

شكلك تكثر سمبوسة هههه

جاوبت
وين أسئلتك ؟ :d

وخلاص بروح أفطر أذن عندنا 😊

[متأمل]

https://www2.0zz0.com/2022/04/05/14/422272774.jpeg (https://www.0zz0.com)

[كيان]

مرحباً يارفاق

ماكثرت فطور عشان اركز معكم :84:

عطينا يا طويلة العمر حكمة تأمنين فيها ؟
وايش اول ثلاث اشياء تلفت انتباهك بأي شخص ؟
ايش الاشياء اللي ماتحبين تشاركينها مع احد ؟
تعتبرين نفسك عقلانية او عاطفيه ؟
ايش الشيء اللي اذا سويتيه يروح الوقت ماتحسين فيه ؟

اكتفي بهالقدر والله يقويك :رحيق:

[المعتفس]

باك

-أذكر إنك كنتي مترددة في إنك تفتحين مدونة بسبب تجربة سابقة لك فمنتدى آخر بحجة إنها سبق وسببت لي عداوات !
ممكن تكلمينا عن هالتجربة ؟

-أكثر طابع يغلب على روح طابع الحزن أو الفرح ؟

[رُوح]

مرحباً يارفاق
مراحب يا هلا
منورة كيان 🌸✨

ماكثرت فطور عشان اركز معكم
وأنا بعد ما كثرت عشان أركز في الأجوبة :d

عطينا يا طويلة العمر حكمة تأمنين فيها ؟
ليس كل ما يلمع ذهباً
وهالشي يخليني أتعمق وأكتشف كل شي بنفسي
خاصة الناس أحب أعرفهم بنفسي وما أعتمد على الظاهر
ولا على كلام الناس فقط
وايش اول ثلاث اشياء تلفت انتباهك بأي شخص ؟
من أول نظرة لازم أحس في قبول يعني لازم أشوف الشكل
إذا ما حسيت نفسي متقبلتهم أركض وأهرب على طول ههههه
ما أقدر أستحمل ناس ما أتقبلهم
بعدين الإبتسامة
والأسلوب اللطيف والتفهم والتوافق الفكري وهكذا

ايش الاشياء اللي ماتحبين تشاركينها مع احد ؟
تقريباً كل أشيائي الخاصة
مع أن أختي الصغيرة نشبة وتشاركني
بس هي عادي أطوف لها أما غيرها لا
ممكن أشتري لهم نفس الشي بس ما أعطيهم اللي يخصني

تعتبرين نفسك عقلانية او عاطفيه ؟
عقلانية أكثر ومتحكمة بعواطفي ومشاعري
مع أنه يحسوني عاطفية أكثر لأني خيالية بس مو صح

ايش الشيء اللي اذا سويتيه يروح الوقت ماتحسين فيه ؟
كل شي أحبه
مثلاً
التأمل والرسم والتصميم والمشي والقراءة
ومرات الطبخ وطبعاً الشوبنق أكيد :581:

اكتفي بهالقدر والله يقويك

أسئلتج حلوة وخفيفة
شكراً 🌸💕

[المعتفس]

سؤال أضيفه للأسئلة السابقة

حسيت اول ماجيتي للمنتدى كنتي تتجنبيني ..مدري كنتي ماخذه عني انطباع من نكي او صورتي والا كان توك جديده ومستحيه :m1:؟

ووش كان انطباعك الاول لما شفتي نكي وصورتي لن فيه ناس يكشون مني:m1:
مدري تعرفين معنى يكشون او لا :m1:
يعني تجيهم قشعريره ويحسون شعر جسمهم يوقف زي الشوك :m1:

[رُوح]

باك

ولكم باك .. منور من جديد 👍🏻

-أذكر إنك كنتي مترددة في إنك تفتحين مدونة بسبب تجربة سابقة لك فمنتدى آخر بحجة إنها سبق وسببت لي عداوات !
ممكن تكلمينا عن هالتجربة ؟
شوف أنا أحب أتكلم بعفوية و تلقائية وأقول رايي بصراحة
ومرات يكون كلامي مزح مو جد
وفي ناس جديين كثير ويدققون ويحللون ويفسرون الكلام على كيفهم
وغير عن المعنى اللي أقصده وعفويتي ما تتحمل الجدية الزايدة
أنا أتنرفز وأرد مرات وما أعرف أسكت ل هالسبب تصير عداوات
المهم السبب هو أنه مافي توافق وهالشي يضايقني وأحس بطاقة سلبية
وما أتحمس أكتب وأشارك

-أكثر طابع يغلب على روح طابع الحزن أو الفرح ؟
الفرح
أصلاً حتى لو حزينة صعب أي أحد يعرف
إلا الأذكياء اللي يتعمقون
لأن أنا ما أبين إلا لما أكتب وما أكتب إلا لما أشارك ف المنتدى
مثلاً بالمواضيع اللي مثل حالتك وشعورك وفضفضة وهكذا

سؤال أضيفه للأسئلة السابقة
حسيت اول ماجيتي للمنتدى كنتي تتجنبيني ..مدري كنتي ماخذه عني انطباع من نكي او صورتي والا كان توك جديده ومستحيه ؟
لا ما كنت أتجنب أحد
بس حذرة بطبعي وما أندمج بسرعة
لازم أشوف أسلوب الناس معاي أول
بعدين أخذ وأعطي معاهم يعني أحتاج شوية وقت
بس والله أشوفني أندمجت معاكم بسرعة وأسرع من اللي عرفتهم قبل

ووش كان انطباعك الاول لما شفتي نكي وصورتي لن فيه ناس يكشون مني
مدري تعرفين معنى يكشون او لا
يعني تجيهم قشعريره ويحسون شعر جسمهم يوقف زي الشوك
إنطباع عادي جداً وبالعكس حسيت النك والرمزية مميزين
وغير عن المعتاد
وما كشيت ولا خفت ولا شي
بس حسبتك رسمي لما رديت على موضوعي
و بعدين لما شفت ردودك غير وبالعكس عفوي


شكراً على الأسئلة
وإذا في غيرهم .. حياك 😊

[مسترٍيَحٍ آلُبآلُ]

عضوة راقية وكرسي مميز بها

سريع سريع

ناديك المفضل <<< يارب الهلال :5_rateform:

واذا مالك بالكورة وش رياضتك المفضلة

كم ترتيبك بين اخوانك

موقف اثر في طفولتك ومازلت تتذكرينه

مستريح البال وش رايك فيه بالتفصيل الممل ههههه

روح من نور وش سر هالاسم

وسلامتك

[نايف]

مرور ترحيبي
باختنا الجميله في تواجدها ومشاركاتها وعفويتها
وحاب اسأل لو قررتي تطلبي من الشيف متأمل
مشرف قسم الطبخ بامكاناته العظيمه :ff1 (23):
يطبخ لك طبخه على الفطور
وش راح تطلبين يطبخ لك :d

[رُوح]

عضوة راقية وكرسي مميز بها
شكراً هذا من ذوقك

سريع سريع
ناديك المفضل <<< يارب الهلال
مو مشكلة بقول الهلال بما أن الأزرق لون من ألواني المفضلة
بس ترى ما أعرف شي بالكورة وما أشجع حد

واذا مالك بالكورة وش رياضتك المفضلة
ما عندي رياضة مفضلة كله عادي

كم ترتيبك بين اخوانك
الثانية وعندي أخ أكبر مني بسنة

موقف اثر في طفولتك ومازلت تتذكرينه
موقف حلو
أذكر طلبت شي من أبوي الله يرحمه
بس ما كان مقتنع وكنت أحاول أقنعه بكل الطرق بس ما أقتنع
بعدين استسلمت ورحت نمت
ولما صحيت الصبح كان واقف عند باب الغرفة ويكلم أمي
وطبعاً كنت أسمعه وهو ما يدري
وكان يسألها إذا زعلت ولا وقال لها عطيها اللي تبي
أنا هنا تأثرت لأنه وافق ورضى بس عشان ما أزعل مع أنه ما كان مقتنع
كان طيب وما يحب يزعلني حتى لو مو مقتنع ف النهاية يسوي اللي أبي
وأنا ما أحب أطلب أي شي إلا منه
لو من حد ثاني صعب . بس أطلب مرة ومستحيل أعيد الطلب أكثر من مرة
أحس كرامتي تتبعثر لكن أبوي غير وعادي


مستريح البال وش رايك فيه بالتفصيل الممل ههههه
راقي ما شاء الله وعندك أسلوب مختلف ومميز
وطيب و عفوي و أحس أنك اجتماعي
ومشتري راحة بالك ومطنش ومرهف الاحساس مثل لقبك
يعني تعرف نفسك زين
وبس
مدري شو أكتب بعد 😊

روح من نور وش سر هالاسم
مافي سر
بس أحب النور واخترت اسم فيه نور
كان في بالي روح مُشرقة بس حسيته مكرر
بعدين اخترت هذا

وسلامتك
الله يسلمك وشكراً على الأسئلة الحلوة
منور بتواجدك ✨

[رُوح]

آهلين نايف

مرور ترحيبي
باختنا الجميله في تواجدها ومشاركاتها وعفويتها
شكراً على الترحيب الجميل
كلك ذوق 😊✨

وحاب اسأل لو قررتي تطلبي من الشيف متأمل
مشرف قسم الطبخ بامكاناته العظيمه
يطبخ لك طبخه على الفطور
وش راح تطلبين يطبخ لك


شفته كاتب أنه يعرف يسوي كبسة
خلاص بطلب منه يسوي كبسة
ودي أعرف كيف شكل كبسته حلوة ولا :d ؟


وبس

شكراً على السؤال الحلو
منور ✨

[متأمل]

اولا لا تلتفتين للطاقية مستريح :5_rateform:
وده يقلبنا كلنا طواقي مثله :d

ثانياً متى قلت اعرف للكبسة >>> جحدها :ff1 (5):

ثالثاً السلام عليكو >>> :109 توه يتذكر يسلم

[رُوح]

اولا لا تلتفتين للطاقية مستريح :5_rateform:
وده يقلبنا كلنا طواقي مثله :d

ثانياً متى قلت اعرف للكبسة >>> جحدها :ff1 (5):

ثالثاً السلام عليكو >>> :109 توه يتذكر يسلم

أولاً .. شو يعني طاقية
ترى ما فهمت شي !

وثانياً : - نبي كبسة مالي شغل
ولا سوي لنا بسبوسة مو تقول سهلة >> شفتك تقول سهلة :d

>> إلا تبي تدبسه بالمطبخ غصب هههه

وثالثاً : وعليكم السلام ورحمة الله


منور ✨

[الولهان عبدالله]

ماشاء الله
إجابات مقنعة وصريحه
:8_rateform::8_rateform:

[الولهان عبدالله]

هل اتخذت قرار ثم ندمتي عليه
سر نحاجك ماهو

[رُوح]

هل اتخذت قرار ثم ندمتي عليه
سر نحاجك ماهو


- الحمدلله مافي قرار ندمت عليه لأني ما أحب أتسرع في قراراتي

- سر نجاحي الدعاء والإصرار
إذا نجحت في شي أكون قبلها
حددت اللي أبي وركزت عليه ودعيت كثير
أهم شي ما أستسلم حتى لو ما صار اللي أبيه بسرعة
وبس

شكراً على الأسئلة ✨

[متأمل]

أولاً .. شو يعني طاقية
ترى ما فهمت شي !

وثانياً : - نبي كبسة مالي شغل
ولا سوي لنا بسبوسة مو تقول سهلة >> شفتك تقول سهلة :d

>> إلا تبي تدبسه بالمطبخ غصب هههه

وثالثاً : وعليكم السلام ورحمة الله


منور ✨

ههههههه طاقية يعني طاقه لكن بالتصغير :d
واذا ما فهمتي اسألي نايف او اي هلالي
كسبة ايش يا بت :ff1 (50):
قلت لك ما اعرف شي >>> لازال صامل على الجحدان
والبسبوسة قلت من باب اشجعكم
لاني عارفكم كسالى :41fe3244:

وش يعني منور :d

[رُوح]

ههههههه طاقية يعني طاقه لكن بالتصغير :d
واذا ما فهمتي اسألي نايف او اي هلالي
كسبة ايش يا بت :ff1 (50):
قلت لك ما اعرف شي >>> لازال صامل على الجحدان
والبسبوسة قلت من باب اشجعكم
لاني عارفكم كسالى :41fe3244:

وش يعني منور :d
والله ما فهمت

فقدت الأمل فيك خلاص لا تسوي شي
>> ودي أقول لرانيا تعاقبك وتخليك تنزل لنا طبخة غصب :d

منور
يعني لقد أنرت الموضوع بتواجدك أيها المتأمل

> قلتها من باب الذوق ترى 🙂

[متأمل]

والله ما فهمت

فقدت الأمل فيك خلاص لا تسوي شي
>> ودي أقول لرانيا تعاقبك وتخليك تنزل لنا طبخة غصب :d

منور
يعني لقد أنرت الموضوع بتواجدك أيها المتأمل

> قلتها من باب الذوق ترى 🙂

اقول افقدي الامل بقوة :d
وترا اللي تستفزعين فيها ما عندها ما عند جدتي
امزح ههههههههه >>> خاف تحتفل فيه :161:

اها اجل منور الموضوع
قلت يمكن شايفتني عمود كهرباء :d

[رُوح]

اقول افقدي الامل بقوة :d
وترا اللي تستفزعين فيها ما عندها ما عند جدتي
امزح ههههههههه >>> خاف تحتفل فيه :161:

اها اجل منور الموضوع
قلت يمكن شايفتني عمود كهرباء :d

رانيا تعالي شوفيه يحش فيج 🙂


حتى الناس ينورون
مو بس عامود الكهرباء :ff1 (55):

[متأمل]

لا حول :619:
ريحينا من ام شباصات
ترا ما تصدق باي شي
:60517:

[رُوح]

لا حول :619:
ريحينا من ام شباصات
ترا ما تصدق باي شي
:60517:

:341:

[متأمل]

الظاهر راح استخدم صلاحياتي
واصبغك :97:

[رُوح]

الظاهر راح استخدم صلاحياتي
واصبغك :97:

:583:

بردها لك لو صبغتني
وبسوي فريق يوقف معاي بعد :d

لا تقلب الموضوع سوالف الحين تجي رانيا وتصبغك
حط أسئلة لو عندك 🙂

[متأمل]

:583:

بردها لك لو صبغتني
وبسوي فريق يوقف معاي بعد :d

لا تقلب الموضوع سوالف الحين تجي رانيا وتصبغك
حط أسئلة لو عندك 🙂

اي والله صح :ff1 (121):

خلاص توبه :m196:

[نبض غلاك]

صباحك ورد
منوره الكرسي
ايش الوقت المفضل الك في رمضان.
:150:

[الولهان عبدالله]

رجعنا من جديد :gif_02_34:
مالاكله المفضلة لديك ع الفطور وكذلك السحور

[رآنيا]

اقول افقدي الامل بقوة :d
وترا اللي تستفزعين فيها ما عندها ما عند جدتي
امزح ههههههههه >>> خاف تحتفل فيه :161:

اها اجل منور الموضوع
قلت يمكن شايفتني عمود كهرباء :d

رانيا تعالي شوفيه يحش فيج 🙂


حتى الناس ينورون
مو بس عامود الكهرباء :ff1 (55):



المشكلة على كثر ماياكلها على راسه مايتوب :d

-

روح منورة كرسي الاعتراف
خبرينا كيف وصلتي هنا ؟
اش يميز غلاك عن باقي المنتديات ؟
ايش ينقص غلاك عن باقي المنتديات ؟
اشياء ودك تكون موجودة هنا ؟

بس

~

[رُوح]

صباحك ورد
منوره الكرسي
ايش الوقت المفضل الك في رمضان.
:150:

مساء الخير يا هلا 💕

الوقت المفضل من بعد الفطور لين أذان الفجر
لأن قبلها يكون مخي مقفل :d


شكراً على السؤال 🌸

[رُوح]

رجعنا من جديد :gif_02_34:
مالاكله المفضلة لديك ع الفطور وكذلك السحور

أهلاً عبد الله

الأكلة المفضلة في الفطور
أكثر شي أحب لقيماتي بس ما أسويها إلا مرتين أو ثلاثة ف رمضان
ما ينفع كل يوم لقيمات
وبعد الشوربة والسمبوسة وبعد أحب الثريد و الهريس والأكلات الشعبية بشكل عام


وفي السحور
سحوري يكون خفيف غالباً مرات أتسحر موزة فقط مع ماي
والتمر وممكن الشوفان مع الحليب


شكراً على السؤال ✨

[رُوح]

آهلين مديرتنا الحلوة رانيا :d

المشكلة على كثر ماياكلها على راسه مايتوب
هههههه أنا أقول خلووه عادي يسوي جوو ف المنتدى :d



روح منورة كرسي الاعتراف
تسلمين هذا نورج 💕

خبرينا كيف وصلتي هنا ؟
وصلت عن طريق قوقل ما وصلتني دعوة ولا شي كنت أبحث ولقيت هالمنتدى بالصدفة
والصدفة الثانية الحلوة أني لقيت طقاقة أم عنبر هنا وهي كانت معاي فالمنتدى الأول

اش يميز غلاك عن باقي المنتديات ؟
أنتِ
> مديرة كلج حركات ومميزة :d :157:

الصراحة اللي يميز غلاك
أول شي الإدارة طبعاً
أحلى إدارة شفتها وأحسكم قريبين من الأعضاء وتسمعونهم وتهتمون لكلامهم وهالشي حلو
وبعد الهدوء اللي في المنتدى عجبني وأنه مافي مشاكل عكس المنتديات الثانية
هنا حتى مشاكلكم ومضارباتكم حلوة وتضحك ما تنرفز
والأعضاء أحسهم مألوفين وكلهم مبدعين ما شاء الله عليهم وأحس في بينهم تفاهم

ايش ينقص غلاك عن باقي المنتديات ؟
اشياء ودك تكون موجودة هنا ؟
حالياً مافي شي ببالي كل شي أبيه موجود الحمدلله
بس شي واحد فقط أتمنى يكون موجود
وهو أيقونة تصغير الصور
بتسهلون علينا كثير لو أضفتوها 👍🏻

وبس

شكراً على التواجد و الأسئلة الحلوة 😊🌸

[أميرة الغيم]

لو حطوك وزير التعليم
بتعطبنا اجازة برمضان؟

[رُوح]

لو حطوك وزير التعليم
بتعطبنا اجازة برمضان؟

آهلين سماء

بشوف رايي الأكثرية
إذا أكثرهم يبوون إجازة بعطيهم إجازة
وين المشكلة 😊!

أهم شي بعد الإجازة يرجعون متحمسين ونشيطين
مو كسلانين

إذا رجعوا كسلانين بغير رايي 🙂


شكراً على السؤال 🌸💕

[متأمل]

سؤال يسدح نفسه :507:

لهجتك تختلف عن باقي احبابنا في الامارات
ولولا انك ذكرتي بانك اماراتية ضنيتك سعودية
فما السر في ذلك ؟

[أميرة الغيم]

لنها كانت بمواقع كثير سعودية
تعلمت اللهجه
ههههههه وحده ملقوووفة :dcb7:
تجاوب

[رُوح]

سؤال يسدح نفسه :507:

لهجتك تختلف عن باقي احبابنا في الامارات
ولولا انك ذكرتي بانك اماراتية ضنيتك سعودية
فما السر في ذلك ؟

لازم أحكي قصة حياتي عشان تفهم :d

شوف أول شي أنا أبوي الله يرحمه كان أصله عماني
بس عاش عمره في الإمارات
وأمي الله يرحمها كانت مو إماراتية ولا عربية
أمي أصلها من الهند
بس عاشت عمرها في الإمارات وكانت تتكلم عربي عادي
> أدري ما توقعتوا هالشي بس هذي الحقيقة =)

المهم أني من عرفت نفسي وأنا إماراتية
ولهجة قبيلتنا تختلف عن اللهجة الإماراتية
وحتى مو نفس اللهجة العمانية غير شوي
لأن اللهجات تختلف حتى لو بنفس الدولة
مثلكم أنتو السعوديين عندكم لهجات مختلفة

يعني في البيت مع أهلي أتكلم بلهجة غير
ومع الناس أتكلم باللهجة الإماراتية اللي تعرفونها

وفي المنتدى غير وصرت أتكلم سعودي
لأني مشاركة ف منتدى سعودي من فترة طويلة
وانعديت منكم وصرت لا إرادياً أتكلم مثلكم
حتى هنا ب هالمنتدى مرات أقلب سعودية بعدين أنتبه للكلام

وأصلاً أحب أتعلم لهجات مختلفة يعني عادي :d

ف ل هالسبب تحس أن لهجتي غير
> مكس خرافي وصعب ما تحصلون مثلي اثنين ههههه

وبس =)

[رُوح]

لنها كانت بمواقع كثير سعودية
تعلمت اللهجه
ههههههه وحده ملقوووفة :dcb7:
تجاوب

صح سماء ذكية ما شاء الله عليج هههه

بس ترى المنتديات اللي شاركت فيها اثنين فقط
وبعدين شاركت هنا

الأول هو اللي طولت فيه كثير
وتعلمت اللهجة منه
وبس 😊

[الولهان عبدالله]

ماشاء لله عليك ياروح من نور
فعلا إجابتك تدل ع مدي صراحتك
اشكرك من كل قلبي

[الولهان عبدالله]

ويغلق الموضوع وبالتوفيق مع القادم
اخي نايف