بـرج أيفلّ

[عآزفّ النّآي]

راسي يبي لك برج ايفل.. تطوله
لاصرت فوق البرج لاقيت.. راسي
..
رعديد ظن اني بجيه ..بسهوله
واصابع اليد الخبيثه ..سواسي
..
عقلك رسملك في كلامي طفوله
وانّي ابشرب مع رداك..انتكاسي
..
يومك لقيت الطود رافض..نزوله
صاحي لفعلك ماغلبه..النعاسي
..
حرب الخنى والكذب عندك..بطوله
ظنّك عظيم وقوتك فوق..باسي
..
لو هي جلاميدك تحدّر.. عجوله
كلّي رقا ثابت جبالي..رواسي
..
لاتحسب اني بنت وهله..جفوله
أرعب انا دنيا نوت..بافتراسي
..
منهو يجاود طيب فيني..ينوله
أعطيه قدره واحترامه..أساسي
..
مترفّعه عن ذا الحثاله..جهوله
ماشاقني تمثيل تحت..الكراسي
..
متنمره صايل بي الجوع ..صوله
إحذر نفوري انصحك..باحتراسي
..
كبري عداني مايظنك..ميوله
مثلك صغير ٍ مايثيره..حماسي
..
كانه يجي بعد الطفوله..كهوله
شرواك يمكن عارف ٍ وش ..أساسي
..
يمكن بقالي بآخر الحرب..جوله
إحفظ كلامي كانك اليوم..ناسي
..
شوف الأنوثه لاكساها..رجوله
مليون مثلك مايجيبون..راسي

/

الشاعرة / نواره
الإثنين مايو 12, 2008 3:51 pm

[عبير]

صح لسان قايلها
يعطيك العافية على الطرح

[رآنيا]

اختياراتك دائمًا رائعة وجميلة
سلمت اخوي ويعطيك العافية

~

[المعتفس]

فعلا أنوثة تكسوها رجولة

سلمت وصح ذوقك

[عمر]

ابيات رائعه واختيار جميل
شكرا لك

[مسترٍيَحٍ آلُبآلُ]

روووعه بارك الله فيك على النقل الرائع

[عآزفّ النّآي]

شآكر لكم مروركم وردودكم

[متأمل]

ً
ً

الله عليك يا مبدع
نقل موفق وينم عن احساس ملائكي


دمت مبدع ومتألق




تقديري


ِ

[عآزفّ النّآي]

شآكر لك متـأمل مرورك الأبآع