معلومه عني ....

[المعتفس]

جاي من دوام ١٢ ساعه وساعتين رايح جاي صاروا ١٤ ساعة
وعندي تمرين باور لفتنق وكيك بوكسنق الحين
لاللكسل والأعذار

[alwafa]

•'







أدش المنتدى من الفون ،
يوم اكتب ما انتبه و اطرش عقب اشوف اني يبت العيد ههههه :38:

[المهاجر]

‏��ـ
قد تفقد أشياء جميلة وتقول لا تعوض وقد تتفاجأ بأشياء أجمل تنسيك ما لا يعوض .. خزائن الله لا تنفذ فكن واثقاً بالله!
��مرحبا��

[رُوح]

صباح الخير :ff1 (156):

آخر مرة أنام بدون عشا
أحلامي صارت مدري كيف
ناس يتوحشون علي وأحاول أهديهم

> أقول شكله من تأثير الجوع صار عقلي يخربط :d

[alwafa]

•'












احب ادخل قسم الالعاب و العب حتى لو بروحيي ههههه ،
و اططفر و اطلع قرون لٌـ خلق الله و اروححح '


و اهم شي محد يزعل مني '
مول ما احببب ':n1:

[دائمًا عَزيز .]

إذا استمريت على هذا النظام ، أتوقع راح تتغير أشياء كثير في حياتِي من جميع النواحِي .

[YONA]

-


آنا عندي صبر يخليني أتحمل 10 سنين بس حزة لما أعترف لهُم إن هالشــي
ضايقني مُستحيل يصير عندي ذرة صبر أنطر الشخص الثاني يشرح لي أسبابه !

[المهاجر]

‏الصدق و الصراحة ، قد لا تُكسبك
الكثير من الناس ، لكن ستوفر لك
أفضلهم رغم قلتهم.

[المعتفس]

من سنين وانا أخطط اسرق صرافه
وكل ماانوي اخاف
ي شيخ يلعن ابو الجبن

[رُوح]

أنا أدور على كنزي المفقود من زمان وما لقيته
إذا حصلته بتكبر عليكم

الحين ما أقدر أتكبر وأنا ما عندي كنز 🙂



أمزح لا تصدقون :d

[المعتفس]

تأثير سبيس تون روووح
تعوذي من ابليس وادري انك من جد ماتمزحين

[رُوح]

قصدي أمزح ما بتكبر عليكم

أما الكنز محد يدري يمكن يكون عندي كنز ويمكن لا :d

[جلنار]

مجموعة انسان

(:

[رُوح]

لازم أنخطف عشان تصير قصة حياتي أسطورية وفيها أكشن
المشكلة ما يدرون أني أنا بكبري كنز :ff1 (171):

[نايف]

<<< يجهز نفسوو عشان يخطف الكنز :d
يامصيبتي ان كان طلع الكنز فالصو
وادخل السجن بلاش بلوشي :54:
ع الاقل معتفس لو دخل السجن سارق له صرافه
بس انا داخل على عمليه مو مضمونه :d

[رُوح]

في حل ثاني
أنخطف وتطلبون من أهلي ملايين
وبعدين نتقاسمها


> أخاف أهلي يقولون خذوها ما نبيها :d

[نايف]

مو هذي هي المصيبه روح
واقعد انا اغدي واعشي وابلش فيك :54:

[رُوح]

^ أنا مو مصيبة 🙂




~~~

عاجبني لون الخط اللي أكتب فيه
هذا الذهبي أو مدري شو اسمه
وحطيت نفس اللون بتنسيق ملفي

كل فترة أحب لون معين وهالفترة عاجبني هذا
مدري ليش ! بس حلو التغيير :d

[نايف]

:54:
لحووول .. ماقلت انتي مصيبه
اقول طلعتي انا من الشغله بلوشي
وفوقها بلشان هي المصيبه


سيئ جدا في التخطيط لإجازاتي
خصوصا القصيره مااعرف ارتب اموري فيها
واخليها بظروفها زي ماتجي تجي

[رُوح]

^ أدري كنت أمزح 🤣




ناوية أخلص الكتاب اليوم دامني صاحية
> كل شوي تأجيل

[alwafa]

،’










أكتتب و ما أرد أقرا ,
اتوهق عقب
نص الحروفف آختفن ن , :98e1ef1e89:

أصلا عاديي ,

[المعتفس]

لازم لما اكل زيتون او عنب احب اسوي فيه حركة
ارميهم فوق وافتح فمي ويطيحون فيه <ياقدمك

[رُوح]

أفكر أصير رئيسة عصابة ونحتل العالم أنا وعصابتي
مدري شنو استفدت وأنا طيبة ومسالمة :ff1 (69):

جاري البحث عن أفراد العصابة :ff1 (236):

[المهاجر]

يزعجني من يدعي المثاليه.وهو

امعه

[رُوح]

توني أنتبه أن تاريخ تسجيلي مميز

تاريخ التسجيل
02-02-2022

حركااات والله :ff1 (171):
> ما كنت منتبهة

[alwafa]

•'









أعامل اي شخص مثل ما يعاملني ،:1533:

[على مزاجي]

شريت دجاج مفروم وبقدونس وفلفل بارد :ff1 (111):
وبصل وكوسه وسمبوسه :ff1 (32):
ومادري وش بعد:ff1 (211):

شكل الحشو حق رمــضان بدأ

[المهاجر]

ماحب رقدة العصر

[المعتفس]

طحت فجبن القريش
مع الصامولي وتسخنه في المايكرويف يطلع حريقه:23:
وانصحكم تخلونه من ضمن غذاكم اليومي
له فوائد كثيرة بس لا للإكثار منه

[YONA]

-


حاليـــاً : ميتـة يـــوع !

[رُوح]

أحب قصة الأرنب والسلحفاة
أحس السلحفاة نفسي مرات
يمكن أتأخر إذا حطيت شي في بالي وما أسويه بسرعة
بس ما أنساه ويبقى في بالي ولازم أسويه حتى لو تأخرت

[المهاجر]

ماتدخل بشؤن حد
ولااحب اكون سبب لجرح شخص
يممن اتعذب اكثر منه

[نايف]

الوجيه اللي شوفتها نكد احاول اتحاشاها :d

[خفايآ روح~••]

افقد نفسي اذا فقدت السيطرة .

[رُوح]

11:11

دايماً أصادف هالرقم بحياتي ومن فترة
كل مرة يطلع بوجهي


شكله وراه سر .. والله أعلم

[نايف]

صرت احب اللون الأصفر :72:

[المعتفس]

بتقلب نصراوي شكلك ^:m1:

[alwafa]

•'











احب دوام يوم الجمعـهه ،
خمس ساعات و ارجججع البيتتت ،
و خفيف مره يكون ،
:121:

[رُوح]

رقة أنثى تذكرني بوحدة كنت أعرفها بمنتدى
كانت تتكلم بمثل لهجتها
بس تقفل المنتدى واختفت 🥺



رقة أنثى
وراه لونتس قلب أبيض تسذا ؟ 😯



^

كيف اللهجة صح ولا ؟ :d

[المعتفس]

صح عليك ..روح :m1:
وطلعتي مثلي مركزة على لهجة رقة :m1:

[رُوح]

تعجبني هاللهجة وأحب أسمع كلامهم وأركز فيه
وكنت دايماً أحاول أتكلم نفس صديقتي
وأجيبها صح :d

معلومة عني
> أحب أتعلم اللهجات

[خفايآ روح~••]

كل اسبوع احجز فحص :)

[رِقة أُنثى]

رقة أنثى تذكرني بوحدة كنت أعرفها بمنتدى
كانت تتكلم بمثل لهجتها
بس تقفل المنتدى واختفت 🥺



رقة أنثى
وراه لونتس قلب أبيض تسذا ؟ 😯



^

كيف اللهجة صح ولا ؟ :d



هههههههههههههه ، وه ياملح اللي قلبت قصيميه :d
ياحلوتس ياروح تهبلين :82:


معلومه عني
- اذا اشتغلت احب اتقن الشي اللي اسويه

[نايف]

اكره المكابر اللي مايعترف بالغلط
وهو عارف تماما انه غلطان من راسه لرجله

[alwafa]

•'












أحب أكسر خشوم الي شايفين نفسهم
اتلذذ ههههه

[رُوح]

ودي أتعرف على دولفينة وتصير صديقتي
ليش ما يخترعون جهاز يساعد على التواصل مع الكائنات الثانية
من زمان أبي أفهم لغة الكائنات الثانية
مثل الدلافين و الطيور والقطط و الأسود

[جلنار]

مااحب ادقق على نفسي ولا على غيري
:58:

[رِقة أُنثى]

- قليلة التواصل مع الكل

[المعتفس]

ما انبسط الا اذا نفست

[المعتفس]

•'












أحب أكسر خشوم الي شايفين نفسهم
اتلذذ ههههه

:knlkfcjsl:<يقول اتحداك

[alwafa]

•'











تتحدى في شو ي حظي .!!!! :705:

[المعتفس]

^ماشفتيني الوح لك بخشمي :m1: ؟

[رُوح]

إذا كنت متواجدة بأي مكان فيه ناس
يعني مثلاً عرس أو عزيمة أو بأي مكان
أقعد أتأمل الناس وأنا ساكتة وأقول سبحان الله
كيف كل وحدة مختلفة عن الثانية
ولازم أشوف منو أحلى وحدة وإذا شفت وحدة حلوة
أقول بنفسي وااو جميلة حتى لو تكون طفلة > أقدر الجمال :d

بس لما ينتبهون لي أسوي نفسي يعني أني ما كنت أشوف
وأركز في شي ثاني وأصلاً ما دريت عنهم ومشغولة وما يهمني حد :54:


مدري أنتو مثلي ولا بس أنا :d

[لمعة الماسه]

احب انام الليل واصحى الفجر قمت السعاده
والسهر يجيب لي نفسيه

[رُوح]

والله أني ضيعتكم ما صرت أشوفكم
وين رحتوا ؟
كل حد مغير لونه 🙂

[خفايآ روح~••]

مأكله هواء صح :)

[رُوح]

:571::571::571:

^
أخيراً لقيتها هذي أم قرنين اللي تضحك
أحسها نفسي لما أضحك لازم أحط ايدي على فمي

كنت أحسبها مو موجودة ف القائمة

[خفايآ روح~••]

خمس ساعات ع فويس
لاعاده من فويس :ff1 (47):

[رُوح]

ما أحب الأماكن المغلقة والضيقة والمظلمة
أحب الأماكن الواسعة و المفتوحة
أو يكون في شبابيك في المكان والستاير مفتوحة
و ضوء الشمس يسيطر ع المكان

وحتى في الأثاث والديكور يعجبني اللون الأبيض
لما يكون مسيطر

[المهاجر]

لااحب نوم العصر

[أرجوك!]

يقولون نوم العصر الشياطين تتسلط عليك و خليك تنظف بيتهم :169:




عكس الراكد احب نومة العصر:169:

[المهاجر]

:توماس:
احب السفر الى مكه في هالاوقات ذي

[رِقة أُنثى]

مبطيه م رحت ل عرس :d

[خفايآ روح~••]

الحيرة تقتلني .

[نايف]

اذا قفلت معي حتى قراراتي تطلع مريس :ff1 (133):

[خفايآ روح~••]

كلي مريس :d

[نايف]

احب الناس اللي مشاركتني المريس
تعطيني امل في الحياه ان وضعي طبيعي:d

[خفايآ روح~••]

:54::54::54:


مو شرط
يمكن كلكم مضيعين الطاسه :54:

[نايف]

ذكرتيني :54:

[خفايآ روح~••]

ب وين حطيتها للطاسه :54:

[نايف]

لا ذكرتيني بطاري الطاسه :d

[خفايآ روح~••]

:54::54:
الله يخلف

[نايف]

اقابل السيئه بالحسنه :ff1 (71):

[خفايآ روح~••]

ي ولد هات الشيخ
فيه جني لطيف مستكن بمصيول :d

[نايف]

ماالتفت للعب على الاطراف
انا لعبي كذا ——————— طوالي :54:

[خفايآ روح~••]

هذا شعر والا لغز والا طلاسم والا شنو :54:
عجزت احدد ههههههههههههههه

[نايف]

ماقدرت اشرح
هاك تثقفي واعرفي طريقة لعبي :54:

https://youtube.com/shorts/inFAPW9tpC8?feature=share

[خفايآ روح~••]

لعب السدم والندم :54:


انتبه لا خشتك تلصق بالمرمى بس وتعرف الطوالي كيف :d

[نايف]

اذا عينت فيك وتذكرت لك حاجات كنت تنكبنا فيها
مااعطيك :54:

[المهاجر]

احب لعب الكره كثييره

[خفايآ روح~••]

:54:

[رُوح]

أفكر أدور بودي قارد
لازم عشان إذا صرت أميرة و فاحشة الثراء
ما يصير أمشي بدون حراسة بعدين يغتالوني الأشرار

لازم يكونون أقوياء جداً عشان يحمون الأميرة الأسطورية :542:

[نايف]

مااعرف انام اذا شايل هم مشوار لاصحيت :ff1 (137):

[alwafa]

•'







زعلي شييين ،
و اذا زعلت على شخص يعرف انه غالي عندي ،
لانّـي ما ازعل على اي شخص ،:90:

[المعتفس]

لما كنت صغير كان حواجبي متلاصقه
بس لما كبرت تفرقت

[رُوح]

أقول أني أخاف من أشياء وإذا جربتها
أكتشف أنها عادية وما تخوف ولاشي وأني أبالغ

وأطلع أشجع من اللي يقولون أنهم ما يخافون

[رِقة أُنثى]

سبحان الله مانيب صديقه للشاهي عادي اقعد شهر
وزياده م شربته ، من حزب القهوة :82:

- سالفه بريال :d

[نايف]

بدلت البشت الاصفر الله لايعيده :d

[رُوح]

الحمدلله زين بدلته كان باقي شوي وانعمي من الأصفر :356:




~~~

من أمنياتي أني أبي أصير محققة
وتصير جريمة وأحل الألغاز وأكتشف القاتل

أذكر مرة حلمت أني اكتشفت جثة وخفت وتوترت
الله يستر
بس أتوقع من تأثير القصص

[المعتفس]

يوم مطوع ويوم زاحف
وياالله حسن الخاتمة

[نايف]

مااحب اللي اول مايكلمني يقول لي وينك
احس وراه مصيبه :d

[رُوح]

من فترة هربت من ناس لأنهم يبوني أهتم وأنا لا
وجيت أتخبى هنا عندكم
لحد يقولهم ويني
ما أحب اللي نظامهم حبينا غصب واهتمي غصب
لأنه هالشي تلقائي مو بكيفي

يخنقوني ودي أتضارب معاهم :d

[كيان]

انا انسانه يومي كله يعتمد على الطريقه اللي يصحوني فيها :118:

[نايف]

اذا حسيت بالنوم انام :d
والله والمعلومه اللي افرجت عنها الاستخبارات الامريكيه :54:

[رُوح]

كان دايماً سلاحي العصبية
والحين تطورت وصار سلاحي الصمت والنظرات الفتاكة :d

> ترى عادي تبكيهم النظرة

[3mjeed]

شخصيه بارده

[جنرال]

شخصية متفائلة والحمد الله ،،،

[رُوح]

أحب الورد بس مو عشان مسوية رومانسية ورقيقة
لا بس لأن أقدر الجمال بكل شي

الرومانسية عندي مو ورد ودباديب وكلام حلوو
ممكن أشكر الناس لما يهدوني وأقدر لطفهم بس مو جوي
أصلاً ف الواقع ما أعرف أقول كلمتين حلوين
خاصة الكلمات اللي مثل قلبي وعيني .. إلخ
> أحسها صعبة وحتى لو مجاملة ما أعرف

أصلاً محد قلبي إلا أنا :d

[3mjeed]

اكره نومة العصريه

بس بنام جاهز للاحلام الورديه هع

[خفايآ روح~••]

اليوم الفهاوه عاليه .

[رُوح]

https://encrypted-tbn0.gstatic.com/images?q=tbn:ANd9GcT8joNfTflzIdKvkly17UIkQG8Er4sCG 6uKb0-klDfCbMtQ_DHs&s

[مغترب]

قليل المجاملة

[رُوح]

ما أعرف أتعامل مع ناس مو شايفة شكلهم
لأن الملامح تبين كثير أشياء

[نغـم !]

_






اطيب ماخلق ربي .

[نايف]

أختار الكبرياء وسط الإنهيار

[كيان]

ما يختبر صبري كثير

[المهاجر]

عندما لااستطيع النوم
اذهب للبحرر
شعور جميل

[رُوح]

لا يناسبني النضج لازال قلبي يتصرف بشكل طفولي

[المهاجر]

ماحب التهاون في عملي

[رُوح]

شفت حلم أني اشتريت أيسكريم وعطيته لناس فالحلم
ما رضوا ياخذونه قالوا مانبي
ما أدري كيف يرفضون أيسكريمي > عطيتهم من قلبي والله 😭💔

من شفت الحلم وأنا متضايقة 🥺

[دائمًا عَزيز .]

ماشاء الله ( البريك عندي فوق الساعة ) :d

[رُوح]

دايماً كنت أقول ما أحب المشروبات الغازية وما أشربها إلا نادراً
بس مرة صار بخاطري أشتري الكولا لايت
مدري ليش
كان قبلها دمي ثقيل وما أضحك وحتى الضحكة مو من قلب
وكسلانة وما عندي طاقة
ولما صرت أشرب الكولا لايت صرت أضحك
وأحس بطاقة ونشاط
مدري شنو حاطين فيه
لازم أحلل مكوناته وأكتشف السر :d

بس أتوقع لأن فيه صوديوم
اللي أعرفه معدن الصوديوم مسؤول عن خفة الدم

و رب ضارة نافعة

[كيان]

اكثر انسانه تحاول تعدل نومها وماتعددل ابد:60501:

[المعتفس]

استمتع وانا اقرا ردود روح
فاله أم السبحه:m1:

[رُوح]

مدري كيف ف المنتدى السوالف تطلع من نفسها
عكس الواقع
ومو أي أحد يسمع سوالفي وأكون هادية أغلب الوقت 😊

~~~



من فترة لقيت أوراق مشكوك فيها
احتفظت فيها بظرف ومدري شنو أسوي فيها 🤔

شكلي في الحلقة الأخيرة من قصتي بطلع مسحورة
وبروح عند شيخ يقرأ علي 🤣

[خفايآ روح~••]

قايمه من أمس الظهر
وهلا بالفصلان :qqb007:

[لمعة الماسه]

لقيت مخلوقه مثلي
هاديه في الواقع
ومهبوله في الافتراضي
ماانا قلت لكم شخصيات عندي
ههههههههه
لبى يا روح النور

[خفايآ روح~••]

الوسواس أشتغل هسى :ff1 (220):

[رِقة أُنثى]

- اتنرفز من اللي يقلدون غيرهم بكل صغيره وكبيره.

[رُوح]

تدربت ع السواقة قبل سنين ونجحت في الاختبار الأول
بس الاختبار الأخير ما نجحت فيه
كنت أغلط بأشياء تافهة مع أني كنت أعرف أسوق
بس لما يكون حد مركز معاي أتوتر وألخبط وأنسى
وغير أنه أحس عندي فوبيا
لأن مرة كان بيصر حادث وأنا مع أخوي وشكله بعده مأثر

الحين عندي كتاب السواقة قاعدة أذاكر منه
بسوق وستندمون :542:

أصلاً السواقة سهلة بس الشارع والناس المتهورين اللي يخوفون
أنا سواقتي هادية ومؤدبة ما أحب أخالف بس أسرع شوي :d

[المهاجر]

لاحب الانتظار ابدا

[رُوح]

قلبي طاح من الخوف قبل شوي
بنت اختي انقفلت عليها السيارة والمفتاح داخل
وهي على الكرسي المخصص للأطفال
وعمرها صغير ما تفهم شي 🥺

أختي قلبت الدنيا وتصيح وخايفة
آخر شي بنتها فتحت الباب من نفسها
سبحان الله مدري كيف عرفت تفتحه

والحمدلله على سلامتها
خوفتنا 🥲

[خفايآ روح~••]

هاديه بس لايحوشك :)

[المهاجر]

احب الجلوس في البيت
واخرج على مزاجي انا
لاعلى مزاج غيري

[كيان]

حدسي دائماً في محَله

[رُوح]

كنت أبي أسوي تصميم خيالي
بس ما لقيت الصور اللي أحتاجها للتصميم
المشكلة مابي صور عادية
إلا أبي نفس الصور اللي فبالي
بس بعدي ما لقيت :ff1 (92):

بقعد أدور اليوم:ff1 (236):
لازم يصير نفس اللي ف بالي

[زهرآء]

الحاسه السادسه تشتغل:60517:

[غربة روح]

أحب الأكل

[المعتفس]

طول يومي وانا احس بخمول وكسل
ولما جا وقت النوم حسيت بنشاط
قراااااده

[لمعة الماسه]

هههههههه


احب السهر
وجسمي يحب النهار

وصراعات بين النوم والسهر

[رِقة أُنثى]

- ذوقي صعب مايجوز لي اي شي .

[كيان]

امشي بمزاجي واستغبي كثير لين يطفح الكيل ثم اجيب
الاولي والتالي

[رُوح]

جربت كل الحلول عشان أنام مثل الناس والعالم
بس ولا شي نفع
شكلي بسوي دراسة عميقة ومتعمقة
وأحاول أكتشف الحل
وإذا لقيت العلاج ببيعه وأصير مليونيرة :ff1 (20):

[المعتفس]

أحب اتفرج فصحون الزباين وهم ياكلون في المطاعم
ي شيخ شوي وادخل مع اللقمه بفمه هع
خصوصا المطاعم الجديده علي ..عشان اعرف وش الاكل الحلو
بس فيه ناس نفسيات يفكروني باحسدهم والا ابيهم يعزموني

[خفايآ روح~••]

اذا بطيتها بطيتها جد
مَ عندي بريك يَ حسن :)

[لمعة الماسه]

باقي اتعرف على نفسي وما راح افهمني ابد

[alwafa]

•'













مزاجـيي صعب ،:1044:

[رُوح]

عصبت وأنا أصمم ع الفوتوشوب
أول مرة أصمم بعد انقطاع سنين
وأحسه متغير البرنامج لخبطني
المقاسات مدري كيف !
خلصت التصميم بس الجودة مع عجبتني 🥺

و تعبت كثيير 😭💔💔

[رُوح]

معلومة ما تعرفونها
أحب صور الأطفال وأحب أتأملها
> دايماً إذا شفت صورة حلوة أحفظها عندي 😇

وحتى بالرمزيات أفضل صور الأطفال 😊🌸

[المعتفس]

التزم بوعدي مع الناس
وماألتزم بوعدي مع نفسي
مالت علي

[كيان]

اذا ما السع نفسي وانا افيّر شععري ما اطلع انا :591::591:

[رُوح]

فجأة صار على بالي أتعشى ريوق
سويت صمون مع شوية زبدة وعسل
المفروض أن العسل مفيد
وأنا أحس معدتي بتتقطع منه :d

هذي نتيجة التخبيص :ff1 (59):

[alwafa]

•'










ما احب اشتغل مراقبٌــهہ على حد ابدد الا شخص هههههههہ :058e8b09:،
كل واحد مسوول عن تصرفـاتهہ ،

[خفايآ روح~••]

مواصله وبواصل وحواصل :qqb009:

[رِقة أُنثى]

- ينرفزني صوت المنبه من جوال أي احد
واتنرفز زياده لارن ومحد قام يسكره

[رُوح]

قاعدة أشوف لوحات الرسام " جاكسون بولوك"
كل لوحاته تعتمد على التخبيص واللعب بالألوان
أحب اللعب بالألوان
عنده لوحة باعها ب أكثر من 100 مليون
بس أحس ألوانها مملة وكئيبة مدري ليش غالية هالكثر ! :ff1 (71):
في ناس تخبيصهم أحلى

ودي أجرب أرسم مثل هاللوحات يمكن يطلع تخبيصي حلو

[المعتفس]

ماحب امشي جنب الحيط

[رُوح]

خلصت لوحتي المعفوسة :d

يمكن أحطها بموضوع الصور

[رُوح]

إبداعاتي تطلع على حسب المزاج
ومرات بالصدفة يطلع الشي حلو
لأني مرات أسوي أشياء كارثية مافيها إبداع
والناس يسلكون لي وأدري أنهم يجاملون

بس ترى أنا أضحك على كوارثي :d

[alwafa]

•,












فـي اجازه ،
و احس مقصره في حق المنتدى :1044:

[رُوح]

أضفت إضاءة للرمزية
كانت باهتة
ما أرتاح لأي شي مافي إضاءة ومظلم

[أرجوك!]

اكره الزحمه

[رِقة أُنثى]

- صايره كل م اطفش اروح اتأملني :223:

[على مزاجي]

اليومين اللي راحو كانت اكويــزات مفاجــئه

:12144:

[رُوح]

آخر اكتشافاتي الزعفران يجيب النوم
ويعالج الأرق صدقوني > من تجربة
وحتى القهوة ما صارت تأثر

خلاص بخترع علاج يحتوي على الزعفران
بعدين ببيعه وأصير مليونيرة :3m:


لو سمحتوا ممنوع سرقة أفكاري الخطيرة :542:

[العيوق]

كيف الطريقه بليييز ^

> تدور شي ينومها هههههههه

[رُوح]

مدري بس اليوم طالبين الغدا من برى
والرز كان فيه زعفران
من وقت الغدا وأنا دايخة وفيني نوم
وحسيت أنه من الزعفران

وسويت بحث في قوقل طلع صدق مفيد للأرق
و مكتوب سوو زعفران بالحليب واشربوه قبل النوم وبس
أهم شي يكون الزعفران أصلي

~~

معلومة عني

أحب أدقق في أي آكله وأعرف مكوناتها

[خفايآ روح~••]

العز للنفس واجب والحيا سنه
‏وانا يديني من الثنتين مليانه .

[المعتفس]

اطيب شرير

[خفايآ روح~••]

فيني نوم العالمين

[أميرة الغيم]

عندي اجازة

[أميرة الغيم]

جاي بخاطري ببتزا

[alwafa]

•'









صار لي ثلاث اسابيع اعانيي ،
هو حساسيه و لا شو ،
متعبني والله
و مالي خاطر اروح افحص و اشوف

[أرجوك!]

اعصب بقوه:601:

[خفايآ روح~••]

أحب أستغبي .

[أرجوك!]

ماحب احد يقولي سوي كذا او كذا

[نايف]

ماحبش اسأل حد في خصوصياته

[الجوهرة]

أحب الالوان الفاقعه :d

[نايف]

الله يفقع مرارة ابليس :54:

[الجوهرة]

^


امين يارب :74:

[الحنونه]

احب انعزللل

[أرجوك!]

اكره ثقالة الدم

[رِقة أُنثى]

احب السينابون وتويكس وبريك
:82:

[رُوح]

قبل يومين تعبت فجأة
نفسيتي صارت شينة وكنت متكسرة من التعب
حسيت أنه فيتامين دال ناقص
وفعلاً لما خذته صرت زينة

ما كنت حابة أشارك وأنا مو رايقة
والحمدلله الحين صرت رايقة :d


شكراً لكل من اهتم وسأل عني أو تذكرني 😇💕

[نايف]

عمري ماقدرت اضبط وقت نومي

[شروق]

احب النوم :onion_gifs_emoticon

[نايف]

لا أُحب الحديث مع شخص
يجعلني في حالة مستمره من الحذر

[جلنار]

التعبير شي اساسي عندي

سواء مع نفسي او غيري

[نايف]

اول مره اكتشف اني اتحسس من الخوخ :131:

[الحنونه]

عنيييده مره

[عبير]

صرت بيتوتية :354:

[كيان]

مععدل ساعات نومي قليل مره

[رُوح]

إنسانة أدقق على نفسي كثير
وأحاول أعرف سبب مشاكلي

الحمدلله اليوم اكتشفت شي ما كنت أعرفه
وكان يسبب لي إرهاق وتعب


أحس كأني اكتشفت الذرة :d

[كيان]

^

شعور حلو تعدلين شيء كان يتعبك
ربي يبععد عنك التعب ويزيدك من فضله :رحيق:


اذا مسكت شغله ما ارتاح لين اخلصها

[المعتفس]

الحمدلله ع السلامة روح

معلومة عني انا في إجازة الحين ل٢٠ رمضان

[رُوح]

اللهم آمين .. تسلمين كيان 💕

والله يسلمك معتفس


~~~~


معلومة عني
متهورة شوي بس ما تدرون
أقعد أجرب أشياء من حب الاكتشاف اللي عندي
وأطيح مريضة وأدور حل وهكذا
ولا أتوب كل مرة أخبص وجيب العيد بنفسي
كم مرة كنت بقتل نفسي بكل براءة بدون ما أدري

لما أختفي وأصير هادية اعرفوا أني مسوية مصيبة :d

[كيان]

^
هذي العاده بالذات اشتغلي عليها وغيريها:84::84:


قاعده اجاهد اعدل نومي :ff1 (80):

[دائمًا عَزيز .]

أصير فكاهي مع الناس اللي علاقتي معهم يوم واحد :d

[رُوح]

ما أصدق شعوري مرات لما أختار الناس
أخاف يكون كذبي مو حقيقي

وأقول ياليت لو أختار الناس صح مثل ما أختار كتبي
> من أول نظرة أختار الكتاب الصح اللي يناسبني

[كيان]

ما اتحمل الجمعات واصوات الناس لوقت طويل

[المهاجر]

معلوومه عني
انا دائما لااسكت اذا لاحظت
شئ غلط واهاجم ولاافتكر
حتى لوكانت نهايتي عادي
جدا

[ندى الصباح]

احب الهدوء والعزلة

[نايف]

احب الحياه الملخبطه
عجزت اصير زي الناس المنظمين في حياتهم :92:

[رُوح]

طلعنا أنا وطقاقة أم عنبر نعرف بعض من زمان
وما كنا ندري > أمس درينا
والله من البداية قلت تشبه فلانة
نفس الأسلوب ونفس الروح بس النك نيم والرمزية شككوني

بس طلعت هي نفسها اللي أعرفها وكانت في بالي وأتذكرها

ما شاء الله يا كثر الصُدف الحلوة بحياتي :d

[نايف]

تضيع مني خطط الفركه من الدوام لا احتجتها :d

[رُوح]

ما أحب أحد يهاوشني حتى لو بينهم وبين نفسهم
قلبي رهيف ما يتحمل
وما أعرف أنام لما توصلني مشاعر سلبية

[جلنار]

نفسي في مناقيش بالزعتر واللبنة

[الجوهرة]

يضحكني الشخص اللي ماخذ انطباع خطأ عني
احاول اثبته له :d

[جلنار]

بشرد من بكرة قدر الامكان

:702:
:702: :m196:

[المعتفس]

لافكرت فشي احب انتف شعري
بس مو من فوق
من عند اذني عشان اتألم اكثر

[جلنار]

احب ادخل عرض بدون محد يفهمني السالفة:سمو:

[لمعة الماسه]

فاقده الشغف في كل شي:(

[alwafa]

•'












راحت بالي فوق كل شي ،:ff1 (57):

[رُوح]

في أشياء في الحياة الناس يشوفونها عادية وطبيعية
بس أنا لا وترى مو غرور بس كذا ما أتقبل
أحسها مدري كيف
مع أني ما أتكلم ولا أبين وأتصرف كأنه عادي

مرات أقول ليتني انخلقت ملاك أحسن
يا حظ الملائكة

المهم خلوني ساكتة أحسن
أخاف تنتحرون من طريقة تفكيري :d

[المعتفس]

ياحظ الملائكة ف إيييش بالضبط
عشان افهمك وارد عليك ؟:d

[رُوح]

^ الابتسامة ما تطمن :98:

يا حظهم بكل شي
أحس عالمهم أجمل من عالم البشر :d

[المعتفس]

على بالي بتقولين ياحظهم لانهم مايتعذبون في الاخرة ولا في الدنيا
اثاريك بس نفسك تعيشين فعالمهم

ماودك تروحين ترسمين اخر رسمة نزلتها وفا وتتركين عنك هالسوالف
اللي بتجننك :d

[رُوح]

حتى في هالشي يا حظهم

لا ما برسمها الحين
بخلص الرواية اللي ما خلصتها :ff1 (236):
بعدين برسم ورد :155:

ورسمة المسابقة نخليها ل بعدين عادي في وقت


ويمكن فجأة أقرر أنزل مدونة فيها سوالفي
بس لحد يتحمس ترى يمكن مو أكيد :ff1 (103):

[المعتفس]

ياالله ننتظرك
عاد ماجت فكرة المدونة فراسك الا بعد ماحذفت مدونتي:m1:

[رُوح]

والله من أسبوع فكرت أنزل مدونة
وكل شوي أغير رايي

وبعد ليش حذفتها

كنت مقررة أترك غروري أمس وأتواضع
و أعلق على مدونتك وأقول رايي بس خلاص مالك نصيب
راحت عليك هههه

ترى جربت الجبنة على رايك وحتى العسل واستفدت
شكراً ويعطيك العافية ولو أنها متأخرة :d

[المعتفس]

شويات واسافر

[المعتفس]

والله من أسبوع فكرت أنزل مدونة
وكل شوي أغير رايي

وبعد ليش حذفتها

كنت مقررة أترك غروري أمس وأتواضع
و أعلق على مدونتك وأقول رايي بس خلاص مالك نصيب
راحت عليك هههه

ترى جربت الجبنة على رايك وحتى العسل واستفدت
شكراً ويعطيك العافية ولو أنها متأخرة :d

اها توي ادري انك تدخليها

وبالعافية عليك

وايه انا خبرة فهالامور وماقول شي الا بعد تجارب عديدة
واستفيدي مني:d

ويالله استأذنك

[alwafa]

•'











اعطي كل شخص على جوه ،:595:

[متأمل]

ً
ً
نفسيه وشين .. يعني لا احد يقرب مني :109:


ِ

[رِقة أُنثى]

- انا إنسانه لن أتكرر ، ادري إنكم عارفين
بس حبيت أذكركم :ff1 (25): :d

[alwafa]

•'









من النوع الي ما انسى ابد ،
و يتم الشي في بـالي '
بذات الي يتكلم من ورايي و مسوي نفسه طيب قداميي ،:ff1 (63):

[رُوح]

أحب أقرأ وأنا أمشي
تمرين للعقل وتمرين للجسد
إثنين في واحد
و عشان أوفر الوقت

بس والله ينفع
و أركز وأفهم وأندمج مع الكتاب عادي :d

ما أحب الجلوس لفترة طويلة أمل بسرعة :ff1 (59):

[جلنار]

اللهم الجنة
وكل عمل يقربنا اليها

[نايف]

احيان ادور الشي وهو معاي
مثلا ادور نظارتي الشمسيه وانا مشقلبها فوق راسي :38:

[رُوح]

موش على بعضي اليوم
شكلي كثرت قهوة وضرتني
الله يستر 😅

إذا مت تصدقوا عني وادعولي وكذا
لا تنسون صديقتكم الوفية 🥲


وعادي بزوركم في أحلامكم وأسلم عليكم لا تحزنوا :d

[رُوح]

مو معودة نفسي على أجواء الصيف أبداً
طول الوقت داخل ومشغلة المكيف حتى ف الشتاء مرات أشغله
أحب البراد ولما الهواء البارد يلفح وجهي وكذا

ل هالسبب صرت ما أتحمل الحر أبداً
لو أطلع فالشمس شوي أحس دوخة والدنيا تظلم
أشوف كل شي أسود
وما أقدر أتنفس صح

[جلنار]

مكسرة والله مرا

[طُليْطل]

فيني نوم اهل الكهف بس اعرف نفسي ساعتين واصحى

[alwafa]

•'











ما انسى بسرعه ،
ماهو حقد ابد ، الي ينكسر ما ينجبر يبقى معلم ،

[الجوهرة]

‏أندم في كل مرة أجعل فيها أحدهم يعرفني أكثر من اللازم

[رِقة أُنثى]

مسويه معمول لذيذ واحس فخوره بنفسي :ff1 (131):
والحين قاعده اتقهوى عليه :61::eq-33:

[رُوح]

رقة اعزميني :1114:

معلومة عني
> أحب المعمول :d

[متأمل]

رقة اعزميني :1114:

معلومة عني
> أحب المعمول :d

معلومة عني ما احب المعمول :98:

[دائمًا عَزيز .]

معلومة عني ما احب المعمول :98:

لأنك ما جربت معمول المذاق الحجازي :d

[رِقة أُنثى]

رقة اعزميني :1114:

معلومة عني
> أحب المعمول :d


ابشري احطتس بعيوني بس تعالي :82:
تراي مطرفه الباب لتس لا تبطين :d

[متأمل]

لأنك ما جربت معمول المذاق الحجازي :d

هههههه خلاص ذقت الصبغات الحجازيه وتوبه منهم :d
اصلا صرت ما احب اسم الحجاز :542:
بس انت نفسك ذقت المعمول الحجازي ؟

[رُوح]

معلومة عني ما احب المعمول :98:

لا تحبه
نخاف تخلصه عنا لو حبيته :d

ابشري احطتس بعيوني بس تعالي :82:
تراي مطرفه الباب لتس لا تبطين :d

وه يا زين الذوق بس :مؤثر:
تسلمين يا جميلة :157::157:

الحين جاية :d

[متأمل]

لا تحبه
نخاف تخلصه عنا لو حبيته :d



وه يا زين الذوق بس :مؤثر:
تسلمين يا جميلة :157::157:

الحين جاية :d

ولا في امل احبه :d
اكلي واشبعي وانتي مرتاحه :1100:

[رُوح]

‎^ إن شاء الله

------



خاطري ف عصير توت مثلج
حب الطفولة هذا
كنت مدمنة عليه وآخر شي مرضت بسببه

بس بعده يعجبني 🥲

[alwafa]

•'









أحب أكون حُره ،
ما يربطني شي ابد لا شغل و لا شيي ،:706:

[نغـم !]

_






ما احب نومة العصر
ولو اني ميتة نعاس بس اقاوم

[alwafa]

•'









اسكت مره مرتين ثالثـهه تكون انفـجار ، :572:

[كيان]

اصبر وامشّي وامشّي وامشّي
ثم اقبعها وكيف ماتجي تجي :ff1 (55)::ff1 (55):

[لمعة الماسه]

النفسيه دمار

[جلنار]

أعرف قيمه نفسي
.

[الجوهرة]

مافيه مجال للفرص عندي :80:

[الجوهرة]

الشيء المؤكَّد دائمًا، أنني انهض.

[متأمل]

ودي اعلق بس اخاف المخبرين :d

[رُوح]

لاحظت مرات اللي يكونون أشرار مع غيري
يكونون طيبين معاي
ل هالسبب أحب أجرب بنفسي
وما أحكم من كلام الناس

وبس :d

[الجوهرة]

لاحظت مرات اللي يكونون أشرار مع غيري
يكونون طيبين معاي
ل هالسبب أحب أجرب بنفسي
وما أحكم من كلام الناس

وبس :d

صدقيني الشرير شرير
مايتغير مثل متأمل مثلاً :d

[متأمل]

صدقيني الشرير شرير
مايتغير مثل متأمل مثلاً :d

سبحان الله القلوب عند بعضها
دايم الاشرار عارفين اسرار بعض :d

[الجوهرة]

سبحان الله القلوب عند بعضها
دايم الاشرار عارفين اسرار بعض :d

متى قلت اني طيبه بالله :32:

انا شريره من عرفتني :d

[رُوح]

ما أقصد هالنوع
في ناس طيبين مع الطيبين
لكن شريرين مع الأشرار

هذا اللي النوع اللي أقصده
طبعاً اللي يشوفهم يحسبهم أشرار حقيقين


معلومة عني

دخت خلاص فيني نوم :1114:

[متأمل]

متى قلت اني طيبه بالله :32:

انا شريره من عرفتني :d

احد قال عنك طيبة
اتحداك تجيبين احد قال عنك طيبة :d
شريرة من يومك

[الجوهرة]

احد قال عنك طيبة
اتحداك تجيبين احد قال عنك طيبة :d
شريرة من يومك

احسن :32:

كذا الامور تمام :bb29: