المعتفس
09-21-2021, 02:28 AM
..
إستشير القلب دامك تشعر انك مستشار
ولا تظن عْيوني ابْدا غير عينك تستشير
لا تحسب اني اراوغ او امانع اي قرار
دام حبك بي خيالي خل يصير اللي يصير
والقناع اللي لبسته مايغير هالمسار
كل واحد في غرامه يمتلك قلب وضمير
جيت لك موت وتحدي.. لوتبي جيت انتحار
المهم ابقى عشانك دام حبك بي خطير
كيفها عيونك حبيبي لو تناظر بإحتقار
دام انا بعينك حقيره اعشقك يااعظم حقير
خلها تطول المسافه ما أمل الانتظار
دام اشوفك في خيالي عاشقٍ ماله نظير
ودامها صارت تحدي ما احب لعب الصغار
وابتدي اقنع عيوني بس تشوفك هي غير
واعلن سيوف التحدي وارفعك فوق الكبار
وكل شامخ في طريقك اجبره يبقى صغير
وساحة الشعر بمداها تصبح لعينك قطار
كلها تهون لقصيدك بس تهنى بالمسير
دوم انا ابقى قويه .. بس احس بالإنكسار
تدري وش يعني شموخ داخله يبقى كسير؟؟
تدري وش يعني عظيم ..تشعره بالإنهيار؟؟
تدري وش يعني غرام مابه انسان يغير ؟؟
تدري وش يعني حبيب ..راح عنك واستدار؟؟
تدري وش يعني بروده يشعلك نار السعير؟؟
كلها تهون لعيونك وأشعر اني بانتصار
وامسك النار بيديني ولا أفكر بالمصير
دامك الموت الحقيقي يا حلاة الإحتضار
تزرع الشوك بطريقي امشي واتخيل حرير
التحدي هو غرامي ولا أعرف الإنحدار
ولذة السكر هوايه تخجل الوضع المرير
شفتني كيف انتهي بك شفتني يا احلى مرار
لجلك اجبر هالمربع يا عذابي يستدير
ولجلك عيون البرايا كلها مني تغار
وكل ما سافر مدينه خافقي لعينك سفير
تمطر الدنيا غيوم برقها يضوي شرار
والصحاري كنها وردة وسط الغدير
والمسافه لو بعيده ما أمل الإختصار
ما تهم الجاذبيه دام انا لعينك اطير
كلهم قالوا غريبه .. وين عقلك كيف طار؟؟
قلت انا للي خذاني وابتعد عني كثير
يستشير الكون لكن ما يفيد المستشار
هو بعد نظرة عيوني .. له عيون يستشير؟؟
للشاعره : ولاء عواد
إستشير القلب دامك تشعر انك مستشار
ولا تظن عْيوني ابْدا غير عينك تستشير
لا تحسب اني اراوغ او امانع اي قرار
دام حبك بي خيالي خل يصير اللي يصير
والقناع اللي لبسته مايغير هالمسار
كل واحد في غرامه يمتلك قلب وضمير
جيت لك موت وتحدي.. لوتبي جيت انتحار
المهم ابقى عشانك دام حبك بي خطير
كيفها عيونك حبيبي لو تناظر بإحتقار
دام انا بعينك حقيره اعشقك يااعظم حقير
خلها تطول المسافه ما أمل الانتظار
دام اشوفك في خيالي عاشقٍ ماله نظير
ودامها صارت تحدي ما احب لعب الصغار
وابتدي اقنع عيوني بس تشوفك هي غير
واعلن سيوف التحدي وارفعك فوق الكبار
وكل شامخ في طريقك اجبره يبقى صغير
وساحة الشعر بمداها تصبح لعينك قطار
كلها تهون لقصيدك بس تهنى بالمسير
دوم انا ابقى قويه .. بس احس بالإنكسار
تدري وش يعني شموخ داخله يبقى كسير؟؟
تدري وش يعني عظيم ..تشعره بالإنهيار؟؟
تدري وش يعني غرام مابه انسان يغير ؟؟
تدري وش يعني حبيب ..راح عنك واستدار؟؟
تدري وش يعني بروده يشعلك نار السعير؟؟
كلها تهون لعيونك وأشعر اني بانتصار
وامسك النار بيديني ولا أفكر بالمصير
دامك الموت الحقيقي يا حلاة الإحتضار
تزرع الشوك بطريقي امشي واتخيل حرير
التحدي هو غرامي ولا أعرف الإنحدار
ولذة السكر هوايه تخجل الوضع المرير
شفتني كيف انتهي بك شفتني يا احلى مرار
لجلك اجبر هالمربع يا عذابي يستدير
ولجلك عيون البرايا كلها مني تغار
وكل ما سافر مدينه خافقي لعينك سفير
تمطر الدنيا غيوم برقها يضوي شرار
والصحاري كنها وردة وسط الغدير
والمسافه لو بعيده ما أمل الإختصار
ما تهم الجاذبيه دام انا لعينك اطير
كلهم قالوا غريبه .. وين عقلك كيف طار؟؟
قلت انا للي خذاني وابتعد عني كثير
يستشير الكون لكن ما يفيد المستشار
هو بعد نظرة عيوني .. له عيون يستشير؟؟
للشاعره : ولاء عواد