((راحت وخلتني على كف عفريت))

[القارظ العنزي]

راحت وخلتني على كف ... عفريت
ما لي صديق غيرها يلتفت ..... لي
من شافها تكفون قولوا لها .... ليت
يا ليتها ترجع ولو صار ........ قتلي
حضورها يضفي على القلب تثبيت
وغيابها حطم ذكايه ......... وفتلي
قولوا لها يا سيد الحرف ... والبيت
هات المعاني كلها وسيب .... ختلي
وين المشاكس يالغلا . والحواديت
هذي زراعة نبتها وذيك ...... شتلي
يا زين بدعك بالقوافي .... وتفتيت
تفتيت ردي بالقوافي ....... وشكلي
تعال وحرك قافنا قافنا ........ ميت
ودي نجدد ما كتبنا من ........ اللي
من اللي كتبنا سابق العهد .. لاجيت
ويسعد بنا اللي زار حفلك .. وحفلي

القارظ العنزي

[ابنة القمر]

طرح رائع ومفعم بالجمال والرقي..

يعطيك الف العافيه على هذا الطرح..
وسلمت اناملك المتألقه لروعة طرحها..
تقديري لك..

[القارظ العنزي]

تسلم روحك وقلبك الطيب
ابنة القمر دمت بود

[عبير]

صح لسانك
ابيات رائعه ،، بانتظار جديدك

[القارظ العنزي]

الروعة في مرورك العطر عبير

[عتب خرساء•]

الذهاب بدون سبب موجع
محير .، يتركك مابين حيره والم ، في بان
تبقى كما كنت في مشاعرك ام تهجر كما هجرت
شكرا لحرفك العظيم

[زيزفون]

صح لسانك واحساسك
ابيات جميلة

[القارظ العنزي]

صدقت فيما قلت عتب خرساء
طبت وطاب مرورك وحضورك العطر

[القارظ العنزي]

صحة روعاتك زيزفون
ومرورك العطر الاجمل

[رآنيا]

ابيات جميلة ومبدعة مِن شاعرنا المبدع القارظ
سلمت وسعدت وشكرًا لك

~

[القارظ العنزي]

الله يجمل حالك
ويسعدك اختي
رانيا دمت بود

[سيدة الحرف]

ياليت تضحكي الدنيا بعد. ياليت
وسود الليالي ياصاحبي بضحكلي

لكنها بكتني وخلت القلب.....ميت
وصارن ايامي من الهم...يسكبنلي

كل ماخبت ناري دارت عليها الزيت
وجروح حسبتها طابت..... فتحتلي

ياليت بس وش تنفع الحين. ياليت
والايام من مكاييل البلا......كيلتلي

وكل ما نويت اكتب للفرح.... بيت
القي الحوادث على الاحزان. نوتلي


تدري اني حاولت انسى.... وتمنيت
لقيت البلايا سبقتني....... وتمنتلي

القارظ العنزي
سلطان الحرف وسيد القوافي
صح لسانك
تقبل مروري كما هو

[القارظ العنزي]

صح السانك واعتلا شانك
يا بنت العدوان طبت وطا
ب مرورك وحضورك العطر