... يا سيدي القارظ ...

[نجم ضاوي]

رساله إلي اخوي الشاعر .. القارظ العنزي ...

... يقول : نجم ضاوي ...


يا سيدي القارظ ترى الصدق منجاه
مع إللي .. بمحاني صدركم ساكنيني


إن كان ودك يالخوي نسوق لها الجاه
ما نخرج . . إلا .. إثنينكم راضييني


وإن كان ودك .. تطلق الونه .. وآلاه
تشمت على نفسك عواذل حاسديني


ماودي . . إن الهجر . . يطول مجراه
ويموت قلبك . . بحسرته .. مرتيني


والهجر . . لو طول طريقه ومنحاه
ضاعت علوم الحب وقل الحنيني


إما تراعي الحب او من الحب بلياه
واترك . . علوم الحب . . للعارفيني


داري حبيبك . . في حليه .. وسياه
خابرك .. يا القارظ .. من الفاطنيني


وسلامة الجميع ...

بقلمي شاعر الأنين .. نجم ضاوي ..

حصريه لمنتدى .. مجتمع غلاك ..

[آلهيمانة]

يستاهل اخونا القارظ
صصح السانك ،

ابيات رائعه ،
لاهان قلمك ،

[الجوري]

روعه

[شو]

قلم مميز
الله يعطيك العافيه
ختم

[عبير]

صح لسانك ابدعت نجم ضاوي
بانتظار جديدك

[جنرال]

صح لسانك وعلا شانك ،،،
أبيات رائعة ،،،
ويستاهل الآمير القارظ ،،،
شكري وتقديري ،،

[القارظ العنزي]

اهلا هلا بك يالغلا ....... يالقراباة
انت الوفي دايم وذرب .. اليميني
عند اللوازم حاضر عزوة ... وجاه
وانا ادري انك باللوازم ..... تعيني
وانا بلايه اللي عمري ...... حلاياه
توه صغير ويفتهم لي .... فطيني
ينشد وينشد وين ابويه وويلاه
والله ما لومه في ظروفه ضنيني
والله ما لومه في سؤاله وشكواه
شي صعيب يالصديق .. العويني
المعذرة في قافنا ولونه ...... الآه
هذي ظروفي قلتها ..... والونيني