يا دار :

[السمهري]

يا دار وين اللي بالأرواح نفديه
أبو ثمانٍ قل بالبيض حلياه

يا دار خشف الريم وينه غدا فيه
قولي لصبٍّ جا من البعد ينصاه

قالت وكن القلب برماح ترميه
خلك رحل يم البصر يم مرباه

رديت والمربى ذواريه تذريه
قلبي عقب عذب النبا مل دنياه

يا ليت عزرائيل جتني مراميه
واللحد ضم الجسم من قبل فرقاه

أقفى فؤادي والمحاديب تتليه
يوم الظعن قدام عيني تمطَّاه

راح الغضي والقلب بالترب ناسيه
هاتوا فتاين واحيوا اللي تمناه

وإن جا وليفي عقب طولة مساريه
والشيب من عقب النضارة تعلاه

قولي أبو بسام لا عاد ترجيه
مرباك ضم اليوم ناحل حناياه

حدر جدار الطين قبره تلاقيه
عند أثلة اللقيا لمن كان يهواه

أول رضيعٍ كلّ عينٍ تراعيه
واليوم حدر الترب والكل خلاه

غدا وحيدٍ دون خلٍّ يواسيه
غير الكفن وأعماله اللي بدنياه

[المعتفس]

ياهلا بشاعرنا الجديد
وماشاءالله على هكذا إبداع
تصوير ،جزالة، قوة معنى ،قافية جميلة

تشرفنا بوجود شاعر بحجمك بيننا وصح لسانك لين ترضى

دمت كما تحب

[السمهري]

أهلًا بالشاعر العذب المعتفس : مرورٌ أعذبَ من أنفاس الصَّبا إذا داعبتْ رياض الرُّبا .

[آلهيمانة]

صح السانك شاعرنا ،
ماشاء الله قصيده جداً جميله ،
سلمت حروفك ،

[السمهري]

الهيمانة : ممتنٌّ لعذب مروركِ .

[جنرال]

ماشاء الله تبارك الله ...
أبدعت ..
وصح لسانك ..وعلا شآنك ..
شعر جزل ورائع ..
أهلا بك أولا وأهلا بحروفك ...
تحيتي واحترامي ..

[عبير]

صح لسانك
ابيات جميلة

[السمهري]

العزيز جنرال : صح بدنك ، ومشكور على هالمرور العذب .

[السمهري]

عبير : صح بدنك ومشكورة على المرور العذب .

[سيدة الحرف]

ياهلا ولله
ياااالف هلا وغلا بالاستاذ عبد العزيز
الشاعر القدير
صاحب القلم الماسي
حياك الله
اما القصيده
تعجز حروفي عن الاشادة
سلم بنانك
ودي وباقة جوري

[السمهري]

الشاعرة المبدعة سيدة الحرف : مرورٌ تبلَّجتْ له الأسارير (رضي الله عنكِ ، وأسعدكِ) .