كتمت الآه في صدري ودفنت همومي والاحزان

[سيدة الحرف]

كتمت الآه في صدري ودفنت همومي.والأحزان
اتبسم في وجيه الناس وانا من داخلي مجروح

يبان بظاهري هادي وبقلبي يشتعل........بركان
اعيش بعالمي الوحده جسد قد غادرته.. الروح

رسمتك صوره بالخاطر ورحت ادور.....العنوان
ويسالوني واقول بخير وتنزف بالحنايا. جروح

تعال قبل يشب الشوق والخافي بصدري يبان
مهما يداري المشتاق عيونه بالحنين......تبوح

حبيبي انت مهما تغيب على قلبي اعز.. انسان
غلاتك بالحنايا تزيد وبانيلك بشوقي...صروح

حبيبي لا تعذبني تراني لشوفتك ........ ولهان
متى بتعود يالغالي وشذى عطرك بجوي يفوح

🌙🌙بقلمي🌙🌙

❤️❤️منار❤️❤️
♥️سيدة الحرف❤️

[آلهيمانة]

،

الله يبعد الحزن و الضيق
عن الجميع ،
قويتي يالشاعره ،

صح قلمج ،
ولاهنتي

[القارظ العنزي]

كم مرة وانا اكتب لك ولكن بلا ...... .... عنوان
غيرت عنوانك الاصلي تركتني بالملا ... مجروح
خلاص يكفي لا تعاتب ترى العتب صعيب احيان
واللي فيني كافيني وعقلي دايم ......... بسروح
ارجوك خفف اللهجة يكفي زعل مع ... الكفران
والا ما سامح عالجفوة ولا عاد اقول انا مسموح
فطن ترى خلق الله تطلب من ربها ....... الغفران
انا اطلب منكم نتسامح ونتعاهد يا جميل الروح

مشاكسة متواضعة ومجاراة ارجو ان تليق بجنابكم
سيدة الحرف

[عتب خرساء•]

صح لسانك
ويعطيك الف عافيه يارب

[جنرال]

صح لسانك ،،، سيدة الحرف
وفقك الله وأبعد عنا وعنك كل ضيقة وحزن
شكري وتقديري ،،

[رآنيا]

صح لسانك وسلم نبض قلمك يالغلا
ودمت بخير

~

[السمهري]

رسمتك صوره بالخاطر ورحت ادور.....العنوان
ويسالوني واقول بخير وتنزف بالحنايا. جروح

تعال قبل يشب الشوق والخافي بصدري يبان
مهما يداري المشتاق عيونه بالحنين......تبوح


الشاعرة المبدعة سيدة الحرف : أخذتِ من جعبة الإبداع ، أعذبها معنى ، وأرقها لفظًا ، وأصدقها عاطفة (أبدعتِ وأمتعتِ) .

[عبير]

صح لسانك
ابيات جميله