((ذكرى الغلا))

[القارظ العنزي]

يا طيب ربع ودعونا على .. الطيب
ويا شين ناس بالردا ........ ودعونا
ذكرى الغلا تهديك طيب المعازيب
وذكرى القلا تنسيك ناس .... نسونا
ناس حميناهم بوقت ..... اللواهيب
يا للاسف وشلون هم .. . ما حمونا
لكن عزايه فوق روس ... المراقيب
اطلع لذكرى من لقيت ....... ولقونا
يوم اتذكر جلسة الشيب . والذيب
جلسة وفاهم يوم احتجت وعطونا
مرحوم يا نطاح وجه .... المطاليب
نطاح وجه القوم يوم ...... اطلبونا
مرحوم يا ذباح حرش ... العراقيب
كوما سنام لضيوفكم ...... تنحرونا
والا الردي ذكراه عيب ... ورا عيب
والعين تكره شلته لو ........... لفونا


القارظ العنزي

[رآنيا]

صح لسانك شاعرنا المبدع
الله يقويك ويعطيك العافية

~

[القارظ العنزي]

صح بدنك رآنيا
والابداع في طلتك
البهية على متصفحي
المتواضع

[جنرال]

صح لسانك ،،، وسلم قلمك ،،
مبدع دوم ماشاء الله ،،،
لاحرمنا الله كلماتك ،،
دمت بخير ،،، وشكري وتقديري ،،

[القارظ العنزي]

صح بدنك جنرال
لا حرمنا ذوقك الراقي
ومرورك العطر

[سيدة الحرف]

ان كان الطيب ضيف حنا له معازيب
ومن طيبنا نكرم الاطياب...اليا لفونا

ونجود فوق جود الاجاويد... ونزيد
ولا ننسى ناس ن بالخير....يذكرونا

ولو جيتنا يالعنزي نكرمك بالي تريد
لا نقصر عن اكرام من...... يكرمونا

هاذي عاداتنا ماهو علينا....... جديد
نشتري ود ناس دون الكل اشترونا

الشاعر العذب
القارظ العنزي
صح لسانك
هاذي مجاراه ومشاكسه
اتمنى ان تتقبلها بصدر رحب

ودي وجنائن الزنبق

[القارظ العنزي]

يا مرحبا بالطيب وايقونة الطيب
يا مرحبا باللي لفوا ..... يشكرونا
انا ادري انك بنت ذيب ولد ذيب
وانا ادري انك خير من .. يذكرونا
يالترف زين الطبع ابن . الاجاويد
تراك غالي لو تغيب ...... الضعونا
نطوي على شانك بعيد الجراهيد
ونغلب على شانك من ... غالبونا
ولا همنا يالترف ما يحمل . البيد
ما دام ان امثالكم ...... يحتوونا
عز الله ان الطيب فيكم . تراديد
ما كنك الا من قرايب ...... ابونا

[عتب خرساء•]

صح لسانك اخوى
ابدعت واتقنت وماقصرت

[آلهيمانة]

بيض الله وجهك شاعرنا


لاهنت ،

[القارظ العنزي]

صح بدنك عتب خرساء

[القارظ العنزي]

ووجهك ابيض الهيمانة

[عبير]

صح لسانك
ابيات جميله

[القارظ العنزي]

صح بدنك عبير