((حتى القرايب قربوني بفيزة))

[القارظ العنزي]

يالصوم ما عينت ذيب لنا ....... غاب
وغابت معه يالصوم ناس ..... عزيزة
من عقبهم يالصوم عقلى غدا . وذاب
ما عاد اميز الوحش من ......... لزيزه
كل البشر عندي غدوا نوع واصحاب
حتى العدو ما عاد نفرق ........ رزيزة
توحدوا اصحابنا هم ....... والاجناب
حتى القرايب قربوني .......... بفيزة
ان ما دفعت قروش ناقف على الباب
ما فيهم اللي للقرايب ........... ركيزة
لا والله الا خاب ظني بهم ....... خاب
وصار الذهب يالصوم خارج .. حفيزة
كيف الذهب يا ناس تحول ..... تراب
ولا يسومه من بغاه ............. ابريزة
ياما غدا لي من المناعير ...... جلباب
ستر الصديق وبالمنايا ......... خزيزة
راحوا مع الاموات يا رب .... الارباب
تجعل لهم بالخير عندك ....... حويزة

القارظ العنزي

[آلهيمانة]

سلم قلمك ،
ابيات جميله ،


نرتقب جديدك

[القارظ العنزي]

مرورك الأجمل الهيمانة

[جنرال]

سلم لنا القلم والبنان والاحساس ...
صح لسانك ..وعلا شآآنك ..
شكري وتقديري ..

[القارظ العنزي]

يسلم عمرك جنرال
هذا من ذوقك
الراقي لاهنت

[رآنيا]

صح لسانك ع الابيات الجميلة وربي يسعدك ويعطيك العافية
~

[القارظ العنزي]

صحة روعاتك رآنيا
الله لا يهينك ويحفظ
غالينك ودمت بود