((مبروك يا فرعون تكتيك هامان))

[القارظ العنزي]

شفت الهوى وقلوبهن لابو ..... .سلمان
يبون مسعود العامري ........ ما يبوني
اظني يا مسعود ضيعت ......... عنوان
ضيعت عنوان الهوى ......... واتركوني
مبروك يا فرعون تكتيك ......... هامان
وزيرك اللي ما يخيب .......... ظنوني
ضيعتني وضيعت عمري ...... بشيطان
شيطانكم يالذيب حطم ......... فنوني
كنت احسب اني طيب القلب وانسان
لكن كفرت بطيبتي .......... واعذروني
خلاص انا هاجرت ما ريد ........ غزلان
غزلانكم ما ربعوا مع ............. مزوني
ياما ذرفت الدمع بخدود....... الاوجان
لاجل العذارى عذبتني ........... عيوني
كم ليلة من اجلهن بت ........... سهران
وافرح اليامريتهن .............. هرجوني
واليوم قالوا صف بالبعد ....... يا فلان
اياك وضاوي حولنا ............ ما تموني
الضاوي ضو قلوبنا وخوش ....... فنان
ما شفت قيفانه سحر .......... علقوني
والا انت قافك عندنا سم ......... ديبان
ما فيه مثل القاف الضاوي ..... جنوني
ما لومهن لو ربعن يم ............. جيزان
سمعن هروج ابليس ..... ما يسمعوني
وانا بقيت بساحة العشق ....... حيران
طرشان زفة والملا ........... يرقصوني

القارظ العنزي

[عبير]

صح لسانك القارظ العنزي
بانتظار جديدك

[المعتفس]

ابداع يالقارظ

صح لسانك وسلم نبضك

[رآنيا]

صح لسانك شاعرنا المبدع القارظ
ولا حرمنا مِن جديدك

~

[القارظ العنزي]

صحة روعاتك عبير
ربي يخليك

[القارظ العنزي]

يسلم عمرك المعتفس
سعدنا بوجودك لاهنت

[القارظ العنزي]

صح بدنك رآنيا
سعدنا بتواجدك