((يا غلاكم يا غلاكم يا غلاكم))

[القارظ العنزي]

يا غلاكم يا غلاكم ..... يا غلاكم
لولا شيء معتمد يسكن . ذراكم
الهوى والعشق في نسمة هواكم
اتحفونا بنسمة الحب .... العذية

وصلوها فكرتي يمكن ... تجيني
يمكن تذكر حالتي يمكن . تعيني
خلي اللي بالعرب دايم . فطيني
من بنات البادية واهل .. الحمية

مجتمعنا اجمعوا بين ...... البرايا
بين العاشق والغلا وبين الصبايا
ذكروها بحبنا جاب ........ المنايا
والله يعلم حالتي رب ..... البربة

عذبتني جادل توه ....... صغيرة
تستحي من كلمتي لو هي بريرة
واستحي من لبسها دايم ستيرة
الحلا في سترها ذيك ... الصبية

بالله هاتوا الخبر عنها .... وردوا
عودوا ليه بالخبر عنها .. وعدوا
هم يبوني والا راحوا . ما يردوا
ويل حالي عقبهم صارت . ردية

انتظر وابا انتظر منكم .. خباره
والا افطرنا قبل فطره ياخسارة
ثم نولع من سبايبها ...... زقارة
واحرق روح عقبهم والله شقية

القارظ العنزي

[آلهيمانة]

سلمت اناملك شاعرنا ،

لاهان قلمك ،


يديدك العافيه ،

[القارظ العنزي]

يعافيك ربي ويرضيك
الهيمانة حفظك الباري

[سيدة الحرف]

ياغلاكم.. ياغلاكم.. .. ياغلاكم
ذابت شرايين القلب من جفاكم
ليتنا نسعد ساعة ن في...لقاكم
وتصبح الحياه بعد الحزن هنيه

وصل سلامي ياهوى...للاحباب
وقلهم القمر من سمانا..... غاب
يارسول الشوق عجل. بالجواب
صعبه حالتي لا تتاخر..... عليه

وصله حنيني بالله......يا حمام
وقله الي بسويه بقلبي... حرام
عيوني سهرانه ما ذاقت.. منام
وقله هجر الغوالي اكبر...خطيه

[مَشاعل]

صح لسانك
ابيات جميله

لاهنت

[القارظ العنزي]

ما هجرتك يا هوى البال ما صار
رحت على سوق بها بن .. وبهار
ودموع عيني عقبك صب مدرار
والله خطية فعلكم بي ... خطية

يا بنت ابوها فعلكم ظلم وجور
يا سيد الخفرات يا سيد الحور
تعالوا ارحموا شوق .... مضرور
وانتم سبب ضره وانت القضية

صح السانك سيدة الحرف صح كلك

[القارظ العنزي]

صح بدنك غرام الورد وانت الاجمل

[جنرال]

تسلم يا الأمير ...
وصح لسانك وعلا شآنك ..
على هالأبيات الجميلة ...
لا هنت ..
كل الشكر والتقدير لك ..

[القارظ العنزي]

يسلم عمرك لاهنت جنرال
هذا بس من تواضعك الجم

[عتب خرساء•]

صح لسانكم كلكم
ابدعتوا
سلمت ايدايكم ماقصرتوا

[القارظ العنزي]

تسلم روحك عتب خرساء

[نايف]

صح لسانك شاعرنا
سكن الجمال الحروف
وتوشحت الكلمه بروعة المعنى
يعطيك العافيه

[القارظ العنزي]

صح بدنك نايف لاهنت
على طيب المرور والتقييم
المميز من شخص متميز

[نجم ضاوي]

يا غلاكم يا .. غلاكم يا غلاكم
ذاب قلبي .. في بسمة شفاكم
عايش أيامي . . اتمنى . لقاكم
وا حسافه .. للذي ينسى خويه


من عرفتك يا الغلا إنتي هوايه
يا شقايه يا جروحي ويا دوايه
يابداية رحلتي . وإنتي النهايه
إنتي نظر . عيني شوفه وضيه


اعترف إني . بك عاشق ومغرم
ياعسى وقت عرفتك فيه يسلم
وإنت . . بحالتي .. تدري وتعلم
يا بعد روح النجم ويا بعد حيه


ليته .. صاحبي . . يدري بحالي
كان أنا في هم . او كنت سالي
ليته يدري بس .. باللي جرالي
كان عاف عيشته . وعاف ميه


صح لسانك يا .. القارظ ..
قصيده جميله وكلمات عذبه ...
راقت لي جدآ جدآ ...

... لا خلا ولا عدم ...

[القارظ العنزي]

صح بدنك ابو ضاوي
والله يبارك فيك وبالقصيدة
اللي ردتك لنا مرة ثانية واتحفتنا
بطلتك البهية وطاروقك الأخاذ الراقي
لاهنت ولا هان حضورك الجميل