((اظفر بذات الدين يا مترب الإيد))

[القارظ العنزي]

يا بنت يوم العيد ساعة ..... نشوفك
ساعة نشوفك عندنا ساعة .... العيد
يا سعد حظ اللي يهوم .... ويحوفك
وان صاد مثلك بالعرب صيدته صيد
ياللي جمعت ي النسب في طيوفك
والمعدن اللي بالحسب يطلبه ... زيد
وحدة من اربع للنبي في .. وصوفك
فيك الديانة واضحة كنها ..... الحيد
وانا اعتقد هرج النبي في .. ظروفك
اظفر بذات الدين يا مترب ..... الإيد
حي الصبر صبر بجوفي .... وجوفك
من لا صبر ما يحتوي ترفة .... الغيد
يسعد صباحك يبتدي في .. حروفك
يسعد مساك اللي زهى سطعة الجيد
والحمد لله الفرج ......... ما يطوفك
قرب فرج همي وهمك مع ...... الليد
ارفع يدينك للولي مع ........ كفوفك
وارسل دموعك للولي .... بالتحاميد
ربك يخفف من همومي .... وخوفك
ربك رحيم ويغفر الذنب ...... ويزيد


القارظ العنزي

[رآنيا]

صح لسانك شاعرنا المبدع
ابيات جميلة كجمال حضورك

~

[آلهيمانة]

قواك الله شاعرنا

ابدعت ، نترقب يديدك

[القارظ العنزي]

صح بدنك وانت الاجمل رآنيا

[القارظ العنزي]

طبت وطاب مرورك الهيمانة

[جنرال]

صح لسانك يالآميرر ،،
قصيدة طيبة ،،،
سلمت ،،،

[القارظ العنزي]

وانت أطيب جنرال
صحة ايامك

[عبير]

صح لسانك على الابيات الجميله
سلمت ودام نبضك :رحيق:

[القارظ العنزي]

يسلم مرورك وحضورك العطر عبير