لقاء مع مبدع - الجميلة الوفا

[وفاء غلاك]

السلام عليكم ورحمة الله وبركاته

تم اختيار الوفا لتكون اول ضيفة لنا في برنامج لقاء مع مبدع

المساحة مفتوحة لكم لطرح اسئلة تخص ابداعها وامكانياتها فقط دون التعمق بالاسئلة الشخصية

-

اسئلتنا لك alwafa;

اسمك

مواهبك

منذ متى بدأت بموهبتك

كيف تقيمين مستواك الان

هل لديك شيء تودين تحقيقه مِن خلال هذه الموهبة

شخص تعلمت منه وساعدك في صقل موهبتك

كيف تجدين نفسك بعد مرور خمس سنوات

ننتظر تفاعل الجميع معنا

-

سيغلق الموضوع يوم الاثنين القادم

[مسترٍيَحٍ آلُبآلُ]

ما شالله شخصية محبوبه من الجميع ورفيقة الدرب

اسئلتي
ويحد ساعات احس فيك كسل وفا مو وفا مال اول ما الأسباب

اثنين وش يجذبك بغلاك ماعي منتديات المفضله

ثلاثه هل يوجد مفاجأت برمضان من الوفا هالسنه

اربعه رايك بادارة غلاك وش العيوب والسلبيات

خمسه أعضاء ترجعين لهم نصيحه او فاقدتهم

وشكرا :86:

[سيدة الحرف]

حيا الله الاخت والصديقه الوفا
لك من اظمك نصيب
مبدعه بمعنى الكلمه

بسم الله نبدأ مابدي ازود عليك عيار الاسئله
همه كمشه تليق بالوفا

١...كيف تعرفت على المنتدى
٢..بماذا يتميز غلاك عن غيره
٣...باي قسم تجدين نفسك قادره على العطاء اكثر
٤....هل تحبين المطالعه
٥...باي المواضيع تحبين القرائه
٦..هل اوت من هواة الشعر
٧...كيف تتكون عندك الفكره قبل ان تبدأي بتصميم ما

اكتفي بهذا
وان صار وقت باذن الله لي عودة

لك ودي واكثر

[رآنيا]

وعليكم السلام ورحمة الله وبركاته

يا حيا الله مبدعتنا الوفا

بدون ضيافة عشان اذكرك ان بكرة صيام :d
وطبعا كل عام وانتِ بصحة وسلامة يارب

- كم موهبة تمتلكينها ؟
- منذ متى تصممين ؟
- هل الرَسِمْ هواية وحب ام تضييع وقت ؟
- مِن اي عمر بدأتي بالرسم ؟

ولي عودة

~

[نايف]

يا حيالله الشخصيه الجميله الوفا
هلا وغلا فيك
وعلى قولة رانيا ترحيب بدون ضيافه
بروفه لرمضان :d

————-
نبدأ في التصميم
————
- هل تعتبرين التصميم هوايه ام مكتسب ؟؟
بمعني هل لابد ان توجد الهوايه لتبدع
او يمكنك الابداع من خلال الممارسه
حتى لو افتقدت الهوايه في بداياتك .

- عندما ترغبين في عمل تصميم ..
هل تنجحين من اول مره في عمله
او تحتاجين للكثير من الوقت واعادة العمل
للوصول للشكل النهائي الذي يرضي ذائقتك ؟

- هل هناك شخص استفدتي منه في تعلّم التصميم ؟
او كان مجهود شخصي منك فقط

———-
نخرج من جو التصميم ..
———-
- ماهي الحياه المثاليه بالنسبه لك ؟

- عندما تكون الصراحه جارحه للشخص الاخر
هل لديك الجرأه على قولها ؟؟
او تميلين الى تلطيفها
او تتجاهلينها بشكل كامل

- واخير هل الوفا شخصيه هادئه ام للعصبيه
النصيب الاكبر من شخصيتها ؟

واختم بتهنئتك بشهر رمضان المبارك
مبـارك علـيـكم الــشهر🌙
‏تقبل الله منا ومنكم الصيام والقيام
‏ومتعكم بالصحة والعافيـة
‏كل عام وانتم بخير

[alwafa]

•'











يعني سوتوها و اخترتونـيي صح ،:ff1 (101):
السموحـهه انشغلت شويي



احم خلونـي استلم سوال سوال ،
لي عوده ،

[alwafa]

اسمك
وفـاء

مواهبك

تصميم و الرسـم و احب سوالف تنسيق و ترتيب المكـان
و التصوير ،


منذ متى بدأت بموهبتك

الله يسلمج من قبل 11 سنةة تقريبـا كنت اصمم و جي و قفت فترة طويله
تقريبا من سنـةة رجعت اصمم و احس ضعت شوي و رجعت اتعلم و تعلمت و رجعت افضل من قبل بكثير '
طبعا مع الاستمرار ،

انا رجعت اصمم صح من دخلت هالمنتدى ،
رجعت افتح لاب و اصمم

كيف تقيمين مستواك الان

شوفي موهبتي مب مستمره عليها بشكل دايم '
بس بين فتره و فتره اصمم '
يعني لو تقارنين من سنه و الحين فرق بين الارض و السما
ما أحب اتم على حالي اابدع و طور نفسي
و اغير ما اتم على حالي موووول ،
" حطو في بالگم شغله شي ما استمريتو عليه ما راح يتطور و يتغير ابد ، مع الاستمرار تبدع و تتقن الشي "

هل لديك شيء تودين تحقيقه مِن خلال هذه الموهبة

ايه وديي اصير مصممه ،
يعني خاطري افتح اكاونت و اسوي فلاتر و تصاميم البطاقة للمناسبات و غيره '
بس الدوام ما مخلي لي وقت موول هع ،
بس باذن الله بي يوم


شخص تعلمت منه وساعدك في صقل موهبتك

للأمـانه رانيا الي احب تصاميمها و كانت تشجعنّـي ، ما قصرت وياي ، و أحب اتعلم من تصاميمها احاول اسوي نفسه لان يعجبني ذوقها و ادخل يوتيوب هههههه و اتعلم و صح 'ً اخ ممدوح و عادل و سبرانيو هذووول وايد تعلمت منهم ما كانو يقصرون في مواضيعهم ،
فاقدتهههم ربي يردهم بالسسلامةة

كيف تجدين نفسك بعد مرور خمس سنوات

جوفي يعتمد على اذا ما قطعت التصميم ،
اذا وقفت اغسلي ايدج مني ههههههه بس انا الحمدلله
حتى ف الفون مب راحمتـهه اي برنامج في تصميم و هذي السوالف تشوفيني انزل ،
بس للأمانه فوتوشوب ما في احلى منه ،












اشكرجج يالغلا على هالاسئلهه ،

[alwafa]

ما شالله شخصية محبوبه من الجميع ورفيقة الدرب

" تسلم من ذوقكك ي مستريح "


اسئلتي
ويحد ساعات احس فيك كسل وفا مو وفا مال اول ما الأسباب

هههههه افا كسوله مره وحده ،
ماني كسوله ،
بس فترة الي راحت كنت مضغوطه ف الشغل
في ما يمديني ادش مثل قبل ،
وانا وحده ما احب اقصر في شغل و احب حد يتكلم علي
عسب جي تشوف قل تواجدي ما عدت مثل قبل
الحين من احصل فرصه ادخل ،

اثنين وش يجذبك بغلاك ماعي منتديات المفضله


غلاك گل شي فيهم " اول شغله وجود رانيـا سبب الرئيسي و الاهم
هو له فضل كبير في جذب و تواجدي ،،
تواجدي احتصر هني
و اگتفيت


ثلاثه هل يوجد مفاجأت برمضان من الوفا هالسنه

تبي الصراحـهه الخاطر كثير و ودي اسوي اشياء
بس الوقت هو الي ما مخليني في ححـالي بس باذن الله
ناويـهه اسوي شي '


اربعه رايك بادارة غلاك وش العيوب والسلبيات

ما عليهم كلام و خلاف ،
ينحطون على راس و في قلب ،
تواجدهم و بذلهم واضح

خمسه أعضاء ترجعين لهم نصيحه او فاقدتهم

فاقده ككككثير و ربيي
لو تدخل الاعضاء الي فاقدتهم في موضوع الاعضاء الي فاقدينهم
م يخلصون كثثثير و اللهي
اخاف اكتب اسم
و انسى حد

ربي يردگم بالسسلامـةة جد فاقدتهم ،





وشكرا :86:




شرفتنـي مستريح ،

[آلنـور]

اهلاً وفاء ,, يمديني اسأل صح !


- تجربة في حياتك ودك ترجعين تكررينها؟
- لنا مع الاحلام صولات و جولات , حلم تسعين تحققينه ؟ و هل هنا احلام تحققت , حكينا ؟
- ايش البرامج اللي تشتغلين عليها في التصميم ؟
- تعتبرين نفسك وصلت لطموحها , و الا في اشياْ ودك تتعلمينها ؟
- كثرت المواهب هل تسبب لك تشتت و الا عادي ؟
- موهبه عندك تسعين لتطويرها لتصبح على ارض الواقع ؟
- انتي رسامه ؟ .. اقرب رسمه لقلبك و ليه ؟
- متى بدأتي ترسمين ؟ و هل هي موهبة او تعلمتي الرسم ؟




لنا عودة إن كان في القريحة , مجال للأسئلة :10ل0:

[alwafa]

حيا الله الاخت والصديقه الوفا
لك من اظمك نصيب
مبدعه بمعنى الكلمه


الله يحيج و يبقيج يالغلا ،
تسلمين من ذوقج

بسم الله نبدأ مابدي ازود عليك عيار الاسئله
همه كمشه تليق بالوفا

نبدا خذي راحتج

1...كيف تعرفت على المنتدى

عن طريق رانـيا فديتها ،
هي الي دلتني على منتداها


2..بماذا يتميز غلاك عن غيره

يگفي وجود اداره جميلةةة مثل رانيا و مستريح ،
و غير استايل المنتدى الي يجذب
و غير تعاملهم معانا
و صح ما انسى الاعضاء الي هني ينوكلون من حلاوتهم
كامل و مكتمل و الكامل الله،
نقصه نشاطتنا ههههههه

3...باي قسم تجدين نفسك قادره على العطاء اكثر


التصوير و التصميم لو تشوفيني مطيحـهه فيهم و اذا ارجع ارجع اشارك
لو علي اسوي قسم تصوير باسمي هههههه >>> برا

4....هل تحبين المطالعه

للأسف لا موووول ما احب

5...باي المواضيع تحبين القرائه

ما أحب أقرى گثير و اذا فكرت اقرى
بتشوفيني قسم الخواطر من الاعضاء نفسهم و لا الشعر

6..هل اوت من هواة الشعر

ككككثير والله ، انجذب لشعر مدري ليه أحب اتعلم
خاطري اتعلم


7...كيف تتكون عندك الفكره قبل ان تبدأي بتصميم ما

والله الفكره تشطح مره وحده ،
امشي على المزاج تبين الصراحـهه لو مروقه تشوفيني اصمم على شي غزلي هههههه
واذا ضايقهه ادور النگد و اصمم حزين ،


اكتفي بهذا
وان صار وقت باذن الله لي عودة

لك ودي واكثر




حيـاج الله بأيي وقت سيدة الحرف ،
ارقب عودتج اذا حبيتي '

[alwafa]

وعليكم السلام ورحمة الله وبركاته

يا حيا الله مبدعتنا الوفا

بدون ضيافة عشان اذكرك ان بكرة صيام :d
وطبعا كل عام وانتِ بصحة وسلامة يارب



افا افا شوفيني ارد اخر الليل يعني يمديج تضيفيني ههههههه
و انتي بخير بصحـهه و سلامهه
ينعاد عليج و عندج توام و وحده منهم اسمها وفاء هههه كيفي


- كم موهبة تمتلكينها ؟

شوفي ي قلبي انا وحده م اتم على شي ههههه
يعني احب التصوير بشكل جنون و اصمم و ارسم و احب انسق و انظم
يعني كذا شي بس ما اتم عليهم لان ما يمدي لي ،

- منذ متى تصممين ؟

من سنين طويله و وقفت و من سنةة رجعت رجعه حلوه عقب ،
و مستمره للأن ،

- هل الرَسِمْ هواية وحب ام تضييع وقت ؟

هوايـةة كانت و بطلتها من سنين و ايني شوق ارجع له
بس اتكاسل و احيانا ما احصل وقت '

- مِن اي عمر بدأتي بالرسم ؟

الرسم من كنت صغيرة و انا أحب ارسم لين خلصت الدراسه
و وقفت كل شي ما قمت ارسم ،
و بعدها داومت ما حصل وقت ارسم ،
الرسم و التصميم يباله مزاج و وقت حتى انج تسوين شي ،


ولي عودة

~



نورتـي يالغلا
حياج الله و نرقب عودتج ج ،

[alwafa]

يا حيالله الشخصيه الجميله الوفا
هلا وغلا فيك
وعلى قولة رانيا ترحيب بدون ضيافه
بروفه لرمضان :d


اشكرك نايف برو ،
هلابك زووود
افا كلكم ضدي ترا ماهي شجاعةة ،
كانكم حاسين برد ف رمضان


————-
نبدأ في التصميم
————
- هل تعتبرين التصميم هوايه ام مكتسب ؟؟

هوايتي و عشقي الثاني ،

بمعني هل لابد ان توجد الهوايه لتبدع
او يمكنك الابداع من خلال الممارسه
حتى لو افتقدت الهوايه في بداياتك


شوف اي شي تستمر عليه راح تببدع في من الاگيد ،
الهوايه تعزيز و دعم و تشجعك داخليا تبدع
يعني رح يكون ابداع اقوى فقط
هذا مو يعني لازم تكون هوايه تبدع لا مع الاستمرار
يظهر ابداع و عادي يتحول لهوايهه


- عندما ترغبين في عمل تصميم ..
هل تنجحين من اول مره في عمله
او تحتاجين للكثير من الوقت واعادة العمل
للوصول للشكل النهائي الذي يرضي ذائقتك ؟

ادخل في صراعع مع نفسي والله ،
مب اي شي يعجبني احيانا اصمم اليوم ايلس ساعه و لا ساعتين
اوقف و اكمل ثاني يوم اغير اشياء كثيرة ههههه
انا ذوقي صعب حتى مع نفسي متعب لابعد حد و مدى
ياخذ وقت عني عسب جي ما ايلس اصمم كثير بين فتره و فتره



- هل هناك شخص استفدتي منه في تعلّم التصميم ؟
او كان مجهود شخصي منك فقط

الاثنين ، استفدت من رانيا اولا و كثثثثير عقب من ممدوح و عادل و سبرانيو
كانو ينزلون دروس و انا استغل و اتعلم و اطبق
ما قصرو
و كنت ادش يوتيوب وانستا اطالع افكارهم
يعني مكس ،


———-
نخرج من جو التصميم ..
———-



- ماهي الحياه المثاليه بالنسبه لك ؟

ما شفت الحياه المثاليه و لا في احس ،
بس اذا قلت المريحه بقول لك الصحـهه اذا كنت باكمل صحتك
و اهلك حولك معاك و متافهمين ،
هني اقدر اقول الحياه المريحـهه
محد مرتاح في الحياه لابد في شي يعرقل

الحمدلله على اي الحياه نحن فيها ،

- عندما تكون الصراحه جارحه للشخص الاخر
هل لديك الجرأه على قولها ؟؟
او تميلين الى تلطيفها
او تتجاهلينها بشكل كامل

شوف بقول لك احيانا يطلب منا نجرح الشخص عسب يتعلم
حتى انه يصحح الشي الي فيه ،
يعني بعض الجرح يكون درس له و منه فايده لطرف الثاني
ما اتردد اني اقول يمكن ادور فرصه و اقول له
حتى انه يتغير ،

الجرح ما يلتام بسرعه ف ليش نجرح بقصد الصراحه
ما وراه فايده ،




- واخير هل الوفا شخصيه هادئه ام للعصبيه
النصيب الاكبر من شخصيتها ؟

و ليس اخرا ،
شوف انا هاديه و عصبيه يعتمد على الي حولي
و الي يتعامل معاي ،
هو يحدد انا كيف اكون معاه
و تطلع الشخصيه الي تناسبه من صوبي ،




واختم بتهنئتك بشهر رمضان المبارك
مبـارك علـيـكم الــشهر🌙
‏تقبل الله منا ومنكم الصيام والقيام
‏ومتعكم بالصحة والعافيـة
‏كل عام وانتم بخير


علينـا و عليكك ،
و مييين
و انت بخير بصحـةة و سلامهه



نورت نٌايف ،
اشكرك على هالطله ه '

[الجوري]

جميل

[عتب خرساء•]

شخصيه جدا رائعه
وفرفوشه
وكذلك فراشه تلاقونها ترفرف
تتمشي من قسم الا قسم ، بالالوانها الرائعه
واسلوبها وحروفه الجميله ،
ضيفه جدا خفيفة ظل كخفة وجودها

انا عندي سؤال
ليش تغيبين تغييبين تغييبين وبعدين تطلعين لنا
زي القمر في الشهر مره!
تتغلين !
ولا اشغال؟'

[alwafa]

اهلاً وفاء ,, يمديني اسأل صح !

هلابج زوود ، يمديج ي قلبي
و خذي راحتج و انطلقي



- تجربة في حياتك ودك ترجعين تكررينها؟

مابي أي تجربه في حياتـي أعيدها ابد ،
كل تجربه مريت فيها گان درس لي لحيـاتي القادمه '

هي سفرها ودي اعيدها و اتم فيها ، سفرتي للعمره
ودي تتكرر كل سنه و لو في السنه
مرتين هم راضيه
غير جي ما ودي شي يرجع يتكرر

- لنا مع الاحلام صولات و جولات , حلم تسعين تحققينه ؟

حاليا حلم أتمنٌى يتحقق ،
سعيت له گثير و وكلت أمري لله الحين '
الوضع شايفه انتي گيف '


و هل هنا احلام تحققت , حكينا ؟

أكثر حلم تعبنّـي أخذ ليسن " رخصة قياده "
بحگم العادات و التقاليد ممنوع و غيره تعرفون التفكير كيف
حاولت گثير لين ما غسلت أيدي من الموضوع ههههههه
و سبحـٌان جت الفرصـهه بنفسها و طبعا
استغليتها قبل لا يغيرون رايهم

- ايش البرامج اللي تشتغلين عليها في التصميم ؟

الله يسلمج اشتغل على فوتوشوب في لاب
اما الفون في برنامج المصمم و p ,


- تعتبرين نفسك وصلت لطموحها , و الا في اشياْ ودك تتعلمينها ؟

ما وصلت لشي ،
بالعگس گل يوم اتعلم شي في شيئ ،
ودي اتعلم و اعرف گل شي '

- كثرت المواهب هل تسبب لك تشتت و الا عادي ؟

لا مب تشتت ابد بالعكس گل واحد له شي معين و لو تلاحضين تقريبا كلهم متقاربين من بعض '
يعني تحسين في شبه اشوي ،

- موهبه عندك تسعين لتطويرها لتصبح على ارض الواقع ؟

الرسم الي وقفتها من سنيين و لازلت واقفـهه
ما احس شبه ميته عندي ،

- انتي رسامه ؟ .. اقرب رسمه لقلبك و ليه ؟

اتمنى اكون رسامـهه والله '
بس تركته من زمان

ما عندي ولا رسمـهه يوم گنت ارسم ايام الدراسه
كانو ياخذونها مني و ما عندي شي حاليا
الا في ذكرياتي محتفظه فيها هع '

- متى بدأتي ترسمين ؟ و هل هي موهبة او تعلمتي الرسم ؟

قولي هل مازلتي ترسمين ....!
موهبتي كانت '
موقف من سنين و ما قمت ارسم ابد

لنا عودة إن كان في القريحة , مجال للأسئلة :10ل0:



حيـاج الله النور نورتي فديتتج
اسعدنّـي تواجدت ححيل

[alwafa]

شخصيه جدا رائعه
وفرفوشه
وكذلك فراشه تلاقونها ترفرف
تتمشي من قسم الا قسم ، بالالوانها الرائعه
واسلوبها وحروفه الجميله ،
ضيفه جدا خفيفة ظل كخفة وجودها


تسليمن يالغلا كلج ذذوق
و كلامج شرف لي


انا عندي سؤال
ليش تغيبين تغييبين تغييبين وبعدين تطلعين لنا
زي القمر في الشهر مره!
تتغلين !
ولا اشغال؟'



تبين الصراحـهه اغلبها اششغـال
و من ضغط الشغل ارجع البيت اخلص اموووري احس
مالي خلق امسك الفون و لا لاب

طول يومي شغل ع كمبيوتر ادور الراحه
ومن احصل فرصه ادخل ،

ولا انتو مالنا غنى عنكم م ،
نشتاق لكم مليون







نورتي ي الغلا
اسعدنٍي حضورج و سوالج

[.. إستغراب !]

‏‏
•
.

ما أكثر الإستضافات العابرة
التي تمُرُ مرور الكرام ،
تحمل داخلها ردود ذات حدود !

أما أنتِ هُنا فَ ردودكِ مُشعّة كَ الضوء المُنير
تحملُ في طياتها الهدوء وقليلٌ من ألم
تصرخين بِ صمت وتضحكين بِ هدوء
أنتِ شجرة مُثمرة وفاؤها دائم العطاء..،

وفاء :87:

مُنذُ أن إلتقيتُ بكِ في السابق
علمتُ أنكِ مرآة تعكس شخصية البشر
وتُظهريّ أجمل ما لديهم ..

تحية تمتد من جذور قلبك
لِ تسقي خلايا روحك بِ الفرح والسرور ..

،

أولاً :-

ما هو مستقبل اللذة التي تطغى علينا ونطلب المزيد ؟

ثانياً :-

" فكيّ قيود الصمت وتحدثي بِ ما يجول في خاطرك "

ثالثاً :-

ما رأيك في إنسان وماذا يحتاج لِ يُشرق من جديد ؟

رابعاً وأخيراً :-

هل تمكن منكِ الملل مع الإنشغال في أسباب الغياب ؟

" عُذراً على الإطالة ، وشُكراً لكم " :87:

‏.

[alwafa]

‏‏
•
.

ما أكثر الإستضافات العابرة
التي تمُرُ مرور الكرام ،
تحمل داخلها ردود ذات حدود !

أما أنتِ هُنا فَ ردودكِ مُشعّة كَ الضوء المُنير
تحملُ في طياتها الهدوء وقليلٌ من ألم
تصرخين بِ صمت وتضحكين بِ هدوء
أنتِ شجرة مُثمرة وفاؤها دائم العطاء..،

وفاء :87:

مُنذُ أن إلتقيتُ بكِ في السابق
علمتُ أنكِ مرآة تعكس شخصية البشر
وتُظهريّ أجمل ما لديهم ..

تحية تمتد من جذور قلبك
لِ تسقي خلايا روحك بِ الفرح والسرور ..

،


أحرجتنٌي ب كلامك الصراحـهه
مدري وين اودي ويهي ،:539:
كلامك شرف لي
اكثر شي يجذني طريقةة كتابتك







أولاً :-

ما هو مستقبل اللذة التي تطغى علينا ونطلب المزيد ؟



المستقبل محتاج اشياء كثيره حتى تصير '
الظروف هي الي تتحكم فيه و احيانا تغلب عليه '
ماكو مستقبل حاليـا ':01:

ثانياً :-

" فكيّ قيود الصمت وتحدثي بِ ما يجول في خاطرك "

خلني في قيودي راضيه فيـهه '
طبعي كتوم و الي في خاطري يتم ما يطلع عن سهل ،
واذا طلع اطلعه بطريقه بحيث محد يعرف من أكون حتى
لان ما احب حد ينظر لي بنظرة شفقه و غيره ،




ثالثاً :-

ما رأيك في إنسان وماذا يحتاج لِ يُشرق من جديد ؟

انسـان ي انسـان
انت شخصية تميل للغموض كثيرا
و تحب العزله و صح مدري لييش تحب الوحده '
بس تعطي امل '
وضعيةة الصامت مدري لي فيه '
كتاباتك تجذبني حييل ' متابعه لك بصمت هههه


تحتاج تغير طشونه تصير اجتماعي اشوي
تطلع من جو الوحده '
ترجع لنا بكتابات الجمييلة ي بخييل


الدنيـا يومين وش ماخذين من الوحده ...!
غير الحزن و ذكريات و الم

اطلق م في قلبك و امرح :97:

'



رابعاً وأخيراً :-

هل تمكن منكِ الملل مع الإنشغال في أسباب الغياب ؟

ايه اشوي '
من امل ادخل العب لودو ههههههه '

و صح ما احب ادخل المنتدى و اكون مقصره في وجودي
لازم افجر المنتدى مشاركات هههه
ولا ما ادخل '
حركات ادخل و اثبت وجودي بصمت ما احبو ابد



" عُذراً على الإطالة ، وشُكراً لكم " :87:

‏.


•'



ليتك طولت ،
استمتعت باسالتك حييل ،
حياك الله

[جنرال]

أهلا بأختنا الطيبة ...الوفا ...
ماعندي أسئلة ..
ولا أزيد على ماقالوا الأخوان والأخوات ...
وهم شهداء الله في أرضه ...
أختنا الوفا شخصية طيبة ومرموقة وزاهية ...
صاحبة الظل الخفيف والحضور الجميل ...
أسعدك الباريء ووفقك ...
تقبلي مروري المتواضع ..
وشكري وتقديري ..

[alwafa]

أهلا بأختنا الطيبة ...الوفا ...
ماعندي أسئلة ..
ولا أزيد على ماقالوا الأخوان والأخوات ...
وهم شهداء الله في أرضه ...
أختنا الوفا شخصية طيبة ومرموقة وزاهية ...
صاحبة الظل الخفيف والحضور الجميل ...
أسعدك الباريء ووفقك ...
تقبلي مروري المتواضع ..
وشكري وتقديري ..

•'







يكفي مرورك أخ جنرال ،
زاد نور الموضوع

تشرفت ،

[وفاء غلاك]

اشكر لك وقتك الذي استمتعنا فيه معك
والف شكر لاجاباتك الجميلة
رغم اننا نسينا ان نسلط الضوء على موهبتك في التصوير

يضاف لك 200 مشاركة

يغلق الموضوع :10ل0: