((عرش الهوى طاح واركانه))

[القارظ العنزي]

الروح بالترف . .. هيمانة
مير البلا مادري ..... عني
عينه كوتني مع ... السانه
ومبيسمه كيف .... يفتني
هزت لي القلب ... شيهانة
بنت الوحش صيدها فني
عرش الهوى طاح واركانه
ما ينفعه قول ..... متمني
بنت سرينا على ..... شانه
من شانها جيت ... متعني
هي منوتي شوفة .. فلانة
كان السعد قام في . ظني
قلبي سكن وسط . عنوانه
والعشق يا ناس . يسكني
هو سيد البيت .. واخوانه
يامر وينهى ..... ومتهني
من شافها قال لي .. عانه
هذا حبيبك ... يا منجني
ما لوم قارظ ..... وخلانه
مير البلا الترف ... غابني

القارظ العنزي

[آلهيمانة]

صح السانك يالشاعر ،

قلبي سكن وسط . عنوانه
والعشق يا ناس . يسكني

ي ويلي الكلمات مميزه
سلمت يمناك ،


،:lo2:

[خآبت ظنوٰني]

ما شاء الله عليك شاعرنا
دومك مبدع ..عندك قلم مميز و بوح مبدع

يعطيك العافيه ..و صح منطوقكك
تحياتي لك

[القارظ العنزي]

صحة روعاتك الهيمانة
اشكر اختيارك يالذوق
حماك الله من الويل
والويلات لاعدمناك

[القارظ العنزي]

الابداع في مرورك
خابت ظنوني
حفظك الباري تعالى

[سيدة الحرف]

وليفي ياحلو.... لسانه
كلامه ياناس.... جنني

بايع الدنيا على... شانه
وجايه بشوقي ..متعني

قلبي ونبضاته ..والحانه
ترقص لوجوده.....وتغني

ساري مع دمه... بشريانه
وهو ساري بدمي وساكني

لو يوصل يكفيني.. حنانه
ولو يهجر برضه...عاجبني


❤️
القارظ العنزي شاعر غلاك

صح لسانك
تقبل مروري كما هو

[القارظ العنزي]

النفس يالترف ..... طربانة
دامك على طول .... متهني
ياللي ملكتي بنا ...... خانة
الروح من عقبك ..... توني
ونفسي على الشوق ولهانة
لكن بلايه ما هو ...... مني

صح السانك سيدة الحرف

[عزة رجل]

صح لسانك يا مبدع
ولا يلحقك ملام

سلمت يداك يالقارظ

[القارظ العنزي]

صح بدنك عزة رجل
هذا بس من لطفك

[رآنيا]

سلم المداد الذهبي السكب شاعرنا المبدع

~

[القارظ العنزي]

يسلم عمرك رانيا

[المعتفس]

صح لسانك
هجينية رائعة

[القارظ العنزي]

صح بدنك المعتفس وانت الروعة

[نجم ضاوي]

مسكين يا عاشق فلانه
حبيبك أمس . . تلفني


اعطاني اسمه وعنوانه
وهو . . للوعد مستني


تقول لشوفي عطشانه
القارظ ما يوم حننني


غشيم الحب .. بألوانه
ما عرف كيف يوصلني


يا ممبع الفن واوطانه
خلك دوم قريب مني


عطني الحب وتحنانه
اسلوبك يانجم يعجبني


سمعني القاف بأوزانه
واعذب الاشعار سمعني


ههههههه صح لسانك يا شاعر .. غلاك .. الاول ...
انت رائع بأسلوبك الراقي وقصائدك العذبه والعفويه ...
اتعبت القلوب العاشقه يا .. صديقي ..

... لا خلا ولا عدم ...

[القارظ العنزي]

الكافر ما يعرف .. ديانة
يسرق الاحباب . ويدبي
يروح يدبدب مع فلانة
اللي عن العشق ماتخبي
من باعنا نقطع .. السانه
يا نجم ضاوي أي وربي
كم واحد شفت معطانه
غازلت عشقه جاء يلبي
ابليس يلعب ..... بخلانه
والله يعجز .... ما يلعبي
خلك من الحب واجنانه
تعال عندي ..... وتنحبي
الحب قارظ رفع .. شانه
والا انت شيبة تقل شبي
ما لك على عشقنا اميانه
لا تكفر يالقرم ... بالربي

[سيدة الحرف]

ههههههههههه
وربي المنتدى الي يخلا منكم انتو الاتنين
ماهوب منتدى
صح لسانك يابوضاوي صح لسانك يافتى عنزه
ربي ما يحرمني منكم ومن قوافيكم الي تشرح البال وتسر الخاطر

دمتم بود

[القارظ العنزي]

صح بدنك سيدة الحرف
طبت وطاب مرورك وحضورك
جميلة انت بكلك وذوقك الراقي
ما ننحرم من عطوفة الباشا