المساعد الشخصي الرقمي

مشاهدة النسخة كاملة : ((يا حيف يا ناعم الريشة))

القارظ العنزي
04-10-2021, 09:10 AM
يا خاين الملح .. والعيشة
يا ناكر الود ...... والعشرة
خيشتني خوش تخييشة
وانا صريح على .. الفطرة
غشيتني وغلطتي طيشة
والمؤمن يسلم عقب كفره
يا حيف يا ناعم . الريشة
يا حيف يا فاسد .. الفكرة
شوشت بالقلب . تشويشة
عيشتني بالهوى .... سكرة
ما ينفع ابليس ... تجييشه
شيطانكم انقطع ... سحره
الكهرباء تفتقد ...... فيشه
وصباحكم يفتقد .. فجره
هديتك عندنا ....... خيشة
ما لك والالماس ... والدرة

القارظ العنزي
آلهيمانة
04-10-2021, 09:24 AM
،

قصيدة فالصميم ،
دليل الغضب الشديد :ff1 (198):

ماعليك زود شاعرنا ،
سيدة الحرف
04-10-2021, 09:39 AM
يالقارظ حرقت. ... الفيشه
جاي تهاوش من على بكره

ياخي هاذي ماهي...عيشه
شيطانك كل يوم.....بفكره

تجي تعكرنا.... . بخربيشه
وتترك بين ظلوعي...جمره

اما تترك ....... هالخرميشه
وتكتب حروفك....بالفطره

والا اشيلك........ بخيشه
واحطك بوادي......جفره


حيالله القارظ
اتمنى تتقبل مشاكستي
وتتحملني

سلام

هههههه

ودي وباقة جوري
القارظ العنزي
04-10-2021, 09:43 AM
الروح يا بنت ....... هيمانه
مع اللي عذبت ...... روحي
هيمن على القلب .. واركانه
وزاد الهوى شوق وجروحي

طبت وطاب مرورك وحضورك
العطر أيتها الهيمانة الراقية
القارظ العنزي
04-10-2021, 09:51 AM
يا سيد الحرف . يا فيشه
لا تلعب بالقاف . يالخفرة
قافك روشني .. بترويشة
غسلني وضيع .... الخبرة
وش ذنبي شلتني بخيشة
وعيشتني ليش بالحسرة
وانتم غلاكم نبت .. ريشه
والقلب لاجلك شهر كفره
يا ليتني من عرب . بيشة
ولا يوم فكرت .. بالجفرة
نجم ضاوي
04-10-2021, 09:57 AM
يا قهوجي قرب لي الشيشه
جراك مزبوط .. على حجره


أفتح باب .. وافتح . دريشه
وشاهي منعنش . على جمره


يضرب الحب .. وذي العيشه
دام العمر . يمشي على قدره


القارظ ضرب واختلت الريشه
بينه وبين .. الجنون . شعره


القارظ .. باقي على . طيشه
وباقي على الضياع . والنعره


قفلت معي .. منه .. ابشيشه
ماء راكد .. ما . . ارى .. قعره


مره يحب فاتن ومره درويشه
مثل الزير في الحب والدشره



صح اسانك يا .. القارظ من اروع ما قرات لك ...
بسلم الشعور والاحساس المرهف ...

... لا خلا ولا عدم ...
خآبت ظنوٰني
04-10-2021, 10:43 AM
ما ششاء الله ع القلم المميز
ابدعت ششاعرنا
بوحك جميل
يعطيك العافيه

تحياتي لك
القارظ العنزي
04-10-2021, 12:20 PM
يا نجمنا القاف .. تحشيشة
يطرب هل الذوق والجسرة
من حشش بقاف مع شيشة
تلقى الحلا بطارف . البشرة
والا الشنب كنه ..... الريشة
والكشرة تقرب تبي الكشرة
واللي ما غنت .... دراويشه
تلقى حياته غدت ... حسرة
القارظ العنزي
04-10-2021, 12:22 PM
هلا بالغالية خابت ظنوني
مرورك هو التميز نفسه
لاعدمناك ولا شلت يمناك
رآنيا
04-11-2021, 04:31 AM
وش ذنبي شلتني بخيشة

اضحكني هذا السطر :d
صح لسانك شاعرنا وسلم نبض قلمك

~
القارظ العنزي
04-11-2021, 04:53 AM
صحة انفاسك رانيا
يسعدني أن تجدي
بين سطوري ما يضحكك
حفظك الباري سيدتي