توماس
03-31-2021, 10:43 PM
بصراحة ما ادري ليش انا هنا
فتحت الجهاز ابي اكتب ماادري وش اكتب
أناظر حولي ما ادري وش اسوي
الأكيد إن المخ وصل مرحلة إنه يرسل اشاراته والقلب هو الثاني يرسل اشاراته وباقي الأعضاء الحيوية لديها امتعاض من الوضع الراهن
البنكرياس محتج بشدة ويهدد انه يضرب عن العمل
والاثني عشر يقول ان ما لبيتوا مطالبنا راح اخلي الاكل يعترض مثل سفينة ايفيرقيفن بقناة السويس ويتسبب بكارثة هضمية عالمية
والقفص الصدري يقول لمتى وانا متحمل الحجاب الحاجز
الدم يقول سوف اخرج عن مسار الاوردة واسبب كارثة مثل كارثة قطارات سوهاج بمصر
لكن والعلم عند الله إن الحالة اللي امر فيها الان لا يمكن ترجمتها على الأوراق والكراسات ولكن قد نستطيع تسطير بعض ملامحها الواضحة لنا وكأني احس اني محتاج اتهاوش مع أفغاني متعافي من ذولاك حقين الفراش والموكيت ثم اصكه بكف كأقوى ما يكون الكف الخماسي الذي عرفته العرب قاطبــ تن
طبعا الافغاني ما يتحرك من مكانه والكف ولا يحرك فيه ساكن
الا اللهم إنه يتعرع ترعة صوتها عالي " يتجشأ " وتطلع ريحة التميس مع الفول اللي كان اكله الصباح وهذا مربط الفرس لأنها من قوة تأثيرها تتسبب بثقب طبقة الأوزون فما بالك بغشاء الجمجمة الرقيق
ثم يلتفت لي وهو معصب ثم يصكني بكف من كفوفهم المعتادة يفرمت فيه خلايا المخ خلية خلية ويرجعني إلى الاعدادات الافتراضية
أنا اغيّب لي خمس ثوان من هول الاصطدام الكوني الهائل ثم اول شي نسويه بعد الفرمته تطلع شاشة سوداء وفيها كتابة والاسطر بسرعة تطلع وتنزل ثم تعلق شوي وتدعس شوي وهكذا سطر وراء سطر وصفحة وراء صفحة
ثم يطلع صوت ليس صوت تشغيل الويندوز ولكن أنا ابدأ انطق ماما بابا
ثم يبدأ المخ يشتغل ويرسل الإشارات بالشكل المطلوب وكل الأعضاء تشتغل بتناغم رباني عجيب
تدرون ما ادري وش كتبت فوق ولا ادري وش خلاني اكتب أصلا
لكن ما أتوقع فيه اي فائدة من الموضوع
لكن اعتبروه فضفضة عاشق
او
اعتبروه هذيان شاعر
لا لا كبوة جواد احسن
أو أقول لكم،،،، لا تقرونه
أو خلوه تعبية فراغ على شان يزيد عدد مواضيع المنتدى
تدرون احسن شي لا تعلمون أحد اني انا اللي كتبته
بعدين تتأثر مكانتي الأدبية بين شعراء العالم العربي
وش يقول عني العقاد والمنفلوطي وأحمد شوقي رحمهم الله
لكن حلوة ان الواحد يطلق اصابعه على الكيبورد تسطر ما يمليه عليها المخ بدون مراجعة ولا تنقيح
فقط اكشط واربح
المهم احبكم
فتحت الجهاز ابي اكتب ماادري وش اكتب
أناظر حولي ما ادري وش اسوي
الأكيد إن المخ وصل مرحلة إنه يرسل اشاراته والقلب هو الثاني يرسل اشاراته وباقي الأعضاء الحيوية لديها امتعاض من الوضع الراهن
البنكرياس محتج بشدة ويهدد انه يضرب عن العمل
والاثني عشر يقول ان ما لبيتوا مطالبنا راح اخلي الاكل يعترض مثل سفينة ايفيرقيفن بقناة السويس ويتسبب بكارثة هضمية عالمية
والقفص الصدري يقول لمتى وانا متحمل الحجاب الحاجز
الدم يقول سوف اخرج عن مسار الاوردة واسبب كارثة مثل كارثة قطارات سوهاج بمصر
لكن والعلم عند الله إن الحالة اللي امر فيها الان لا يمكن ترجمتها على الأوراق والكراسات ولكن قد نستطيع تسطير بعض ملامحها الواضحة لنا وكأني احس اني محتاج اتهاوش مع أفغاني متعافي من ذولاك حقين الفراش والموكيت ثم اصكه بكف كأقوى ما يكون الكف الخماسي الذي عرفته العرب قاطبــ تن
طبعا الافغاني ما يتحرك من مكانه والكف ولا يحرك فيه ساكن
الا اللهم إنه يتعرع ترعة صوتها عالي " يتجشأ " وتطلع ريحة التميس مع الفول اللي كان اكله الصباح وهذا مربط الفرس لأنها من قوة تأثيرها تتسبب بثقب طبقة الأوزون فما بالك بغشاء الجمجمة الرقيق
ثم يلتفت لي وهو معصب ثم يصكني بكف من كفوفهم المعتادة يفرمت فيه خلايا المخ خلية خلية ويرجعني إلى الاعدادات الافتراضية
أنا اغيّب لي خمس ثوان من هول الاصطدام الكوني الهائل ثم اول شي نسويه بعد الفرمته تطلع شاشة سوداء وفيها كتابة والاسطر بسرعة تطلع وتنزل ثم تعلق شوي وتدعس شوي وهكذا سطر وراء سطر وصفحة وراء صفحة
ثم يطلع صوت ليس صوت تشغيل الويندوز ولكن أنا ابدأ انطق ماما بابا
ثم يبدأ المخ يشتغل ويرسل الإشارات بالشكل المطلوب وكل الأعضاء تشتغل بتناغم رباني عجيب
تدرون ما ادري وش كتبت فوق ولا ادري وش خلاني اكتب أصلا
لكن ما أتوقع فيه اي فائدة من الموضوع
لكن اعتبروه فضفضة عاشق
او
اعتبروه هذيان شاعر
لا لا كبوة جواد احسن
أو أقول لكم،،،، لا تقرونه
أو خلوه تعبية فراغ على شان يزيد عدد مواضيع المنتدى
تدرون احسن شي لا تعلمون أحد اني انا اللي كتبته
بعدين تتأثر مكانتي الأدبية بين شعراء العالم العربي
وش يقول عني العقاد والمنفلوطي وأحمد شوقي رحمهم الله
لكن حلوة ان الواحد يطلق اصابعه على الكيبورد تسطر ما يمليه عليها المخ بدون مراجعة ولا تنقيح
فقط اكشط واربح
المهم احبكم