من بغى الفرقا لقى له عذر واسباب ودليل

من بغى الفرقا لقى له عذر واسباب ودليل

-








من بغى الفرقا لقى له عذر واسباب ودليل
خل عنك العذر والاسباب دام الحب ضاع

كان ودك بالفراق .. ابشر عسى عمرك طويل
لاتردد وانت لك كلمه ولك امر ٍ مطاع

لي عليك انّك تبّت بكلمة ٍ تشفي الغليل
ولك عليّ اني لأوّقف وقفة الرجل الشجاع

لاتجاملني مخافة قال مدري خوف قيل
عمر هرج الناس مايسمن ولايغني جياع

كان قصدك سر حبك .. اوعدك لأصبح بخيل
واحمل اسرارك معي للموووت قدر المستطاع

بس قلها ... قل ما احبك ... وابشر بصبر ٍ جميل
لاتحسب أني مثل من طبعهم لوي الذراع!

صاحبك ماهو كذا ياصاحب القد النحيل
صاحبك طبعه غريب وغربته غربه طباع

في الهوى مايقبل الحل الوسط ولا القليل
مثل ماهو لاشرى يشري .. ليامن باع باع

ثابت ٍ لو هي تميل الارض حدره ... مايميل
يدري ان الفقر ماهو عيب والدنيا متاع

ماعشق لذّة حياته كثر عشق المستحيل
ولا كره حتى مماته كثر كره الأنصياع

كم تعلّم من شديد البدو وش معنى الرحيل
وكم تعلّم من غروب الشمس وش معنى الوداع

وكم تعلّم من سحاب الصيف وش معنى الحصيل
وكم تعلّم من ليال البرد وش معنى الضياع

ايه انا هذا طريقي موحش .. وصعب .. وطويل
وانت لامنك تعبت .. العالم فجوجه وساع

اعتبرني في بداية سكّتك عابر سبيل
و رح وانا قلبي معك من وين وجّهت الشراع

يكفي اني لاانذكرت في سالفة عشّاق .. قيل:
عاشر احبابه شجاع .. وفارق احبابه شجاع

المعتفس ,أمَوآج آلشَرقَيهہْ♥ ,على مزاجي و 1 آخرون معجبون بهذا

عمر

الموضوع الأصلي: من بغى الفرقا لقى له عذر واسباب ودليل || الكاتب: عبير || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

lk fyn hgtvrh grn gi u`v ,hsfhf ,]gdg ,hsfhf

اعتبرني في بداية سكّتك عابر سبيل
و رح وانا قلبي معك من وين وجّهت الشراع

يكفي اني لاانذكرت في سالفة عشّاق .. قيل:
عاشر احبابه شجاع .. وفارق احبابه شجاع
العبيير
كلك ذووق اختيار
راقي دمتي

اختيار موفق عبير
صح لسان شاعرها وعلا شان ناقلتها

شكرًا لأطروحاتك المميزة
تقديري ..

اسمتعت بكلماتها

ودي لكــ

كلمات راقيه و جميله ..
صح لسان قايلها وسلمتي على النقل ..


-