الخوف من الشيخوخه

هلا شيخنا المعتفس #
انت رياضي ماشاء الله
يعني بتغلب الشباب لو عمرك ٥٥
لأن الرياضي جسمه يحافظ
على لياقته لسنوات طويله حتى بعد ٦٠
ماراح تروح لأن سن الهرم مع الصحه بيكون بعد ٩٠
~
انتبه من فخ الشيطان الملعون #
مثال عندك الاندرتيكر
تتوقع يغلبه شاب في العشرين
مستحيل لو عيال الحاره كلهم بيحشرهم
لأنه عضل وقوة عظام وبناء ومتانة عظام وصلابة
ومعارف قتاليه وسرعة الضربات وقوة الصد الجسماني
~
حتى عوامل التقدم بالعمر تآخذ وقت طووووويل لحتى تضعفه #
من الرياضه والمصارعه #

ماسمعت بن جدلان الله يرحمه يوم قال

الحاجه اللي تبرطم بالحجاج الضحوك
يغلط لها شايبن وقت الملاقى صبي


وأزيدك انا قرأت كتاب في الانترنت لكن نسيت اسمه
يتكلم عن مراحل العمر وتفصيلات كثيره بشكل عميق
يعني يعطي تصنيف لمراحل العمر #
يقول شباب الشيوخ يبدأ من ٦٥ الى ٧٥
يعني التغييرات على حسب الجسم لاعلاقة لها بالسن
لذلك مادمت رياضي لاتفكر بالضعف الا بعد ٧٥

يالبى اللي مصدق المصارعةومصدق ان اندر تيكر قوي
ترى اندر تيكر استعراضي وشفته يلعب تمرين الديد لفت بوزن ١٨٠ كلغ
هذا وزن تافه بالنسبة لي < ركز يعني ترى هو اقوى


يابعدي الا للعمر دور
من منتصف الثلاثينات ومابعدها يبدأ معدل بناء العضلات ينقص
وكلما كبر الشخص واقترب للشيخوخة زادت نسبة توقف نمو العضلات وخسارتها..هذا كلام علمي مثبت أخ وليد
وحتى عظامه ماعاد يصلح يمرنها بالاوزان الثقيلة اللي متعود عليها ولازم يخفف
ياطر جيبي تخيلتني بدنبل خمسه كيلو اللي يشيلونه البنات ويلعبون فيه بايسبس):
هذي اخرتي



إيه انا اقصد حتى لو اوصل عمر ٧٥ والا ١٠٠ ماودي انقص شي
اذا مازدت ماابغى انقص
بس النقص حاصل حاصل ولامفر
ووشكرا للتحفيز بس ترى الوضع عادي مهو مهول عندي لذي الدرجه
كلن يتمنى الصحة والعافية ويدعيبها مع انه يدري انها مهي دايمة

وصح لسان بن جدلان وصح ذوقك
دمت

وليد معجب بهذا

بالله لاتعصب وتسوي لي زي ابوي لما اتكلم على اندر تيكر واقوله المصارعه كذب

وليد معجب بهذا

المصارعه اكيد كذب وتمثيل:22
لكن مادام فيها تمثيل للدول اكيد فيها جزء حقيقي وتحدي من جد في القوة والصراع $
مثل الملاكمه # لكن اغلبها تمثيل
اللي اقصده انا ان اجسام المصارعين صح هم اقوياء جسديا
ولو مو اقوياء كان طلع لهم مهايطي وتصارع مع واحد فيهم وتعرف انت الشغب في شباب امريكا يخربون كل حفلة مصارعه #
مصارعه يعني مطارحه وتثبيت الخصم وهزيمته#
حتى جون سينا لما جا للرياض اعتقد كان واقف بالمطار وقفة متكبر وهو كافر بين المسلمين
لأنه محد باليد يقدر يسدحه ولو حصل وهجم واحد عليه بينطرح وينفضح المهاجم #
لأن جون سينا مصارع
كتلة عضلات كثافة عاليه للعظام ثقل ووزن الجسم
زايد فنون قتاليه يابانيه #
هم اقوياء جسديا واثبات العكس يحتاج لو مقطع واحد لرجل عادي يعتدي على مصارع ويغلبه اكيد ماااااافيه ابد#
تخيل اندرتيكر يمثل مصارعه سنوات يعني معقوله مافيه عربيد او مهايطي اعتدى عليه باليد وهو مشهور
مايعقل #
وحفلات المصارعه عندنا شاركوا فيها من السعوديه مصارعين ولااحد فاز فيها
مافاز الا الكافر المشهور عندهم في الغرب لانه فعلاً قوي
ولو كان عادي كان طلع له ورع وطرحه بالارض وأخذ حزام البطوله

المعتفس معجب بهذا

وهقتني يوم قلت يحز في خاطري
انا تحمست جالس اعطي تحفيز
ليتني ساكت هههههههههه

المعتفس معجب بهذا

والله انك ماانت بعيد عن أبوي ..الله يسعدك

وليد معجب بهذا