... احتقر دمعي في عيني ...

... احتقر دمعي في عيني ...

ويش يفيد الحكي وياك .. بس لو إني .. حكيت
احتقر دمعي في عيني .. نعل ابوه .. الاحتقار


انتظرت الشوق يوفي .. مثل ما انا . قد وفيت
انتظرت وطال صبري .. ياهو صعب .. الانتظار


اشتكي منك عليك .. ولك يا ليتي .. ما اشتكيت
عشت في شكي وظنوني مدري مني ويش صار


كل ماعندي عطيتك وانت قول لي ويش عطيت
من فعولك صرت هياف . على حدود .. الإنهيار


سنين . . وأنا بعذابك .. ومن عذابي ما اكتفيت
عرفت .. تكسر غروري .. بفن راقي .. واقتدار


ارتضيت .. الذل منك .. وانت طيبي .. مارتضيت
ما الومك .. لمت قلبي . . يوم اخطى .. الاختيار


ما رحمني .. يوم جيته . . منكسر له .. وانحنيت
وارتجي .. وسط الحنايا . . قلب يرضى الاعتذار


باع ودي .. وكل حبي . . بعد ماله .. قد شريت
حطم إحساسي وشعوري . . بالحكم والظلم جار


عايش بضيقه وحيره .. وطول عمري .. ماهتنيت
أظهر الضحكه .. وجوفي .. تشتعل .. داخله نار


صحيح . . عايش حياتي . . لكن الخفاق . . مييت
صارت احلامي حطام . . وكل ما حولي . . دمار


كانك .. اخترت الفراق . . من حياتي .. ما بقيت
روح في دربك .. مدامك .. وحدك اخترت المسار


الله اكبر . . يا وفايه . . بالخيانه .. قد . . جزيت
غلطتي . . وادفع ثمنها . . هذا حالي . . بختصار


... وسلامتكم ...

بقلمي .. اخوكم الشاعر .. نجم ضاوي ..

الموضوع الأصلي: ... احتقر دمعي في عيني ... || الكاتب: نجم ضاوي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

>>> hpjrv ]lud td udkd

صح السانك يا مبدع لاهنت
على جنال الحرف والفكر

صحيح اني أبعدت عنك لكن ابد ما...نسيت
تطري على بالي حيييل وتشتعل بقلبي. . نار

يا غلاتي من رحلت وانا لحضه.... ..ماهتنيت
ما بودي افارق لكن الزمن ع قلبي... ..... جار

يعلم الله اني صادق وبقلبك ...... . ما تسليت
ولو قالو حبيت غيرك وانسيتك ابد.... .ماصار

قالولي باعك قلتلهم انا غلاه......... . اشتريت
والله اني في غيابه عايش حياتي........ مرار

تطيح الناس بالحب وانا بحبي......... ارتقيت
بانين لك في خفوقي من الغلا قصور... وانهار

احترامي
الشاعر القدير
نجم ضاوي
صح لسانك مدد بلا عدد
قصيده من أروع ماقرأت
حاولت أجاريها خانتني حروفي
اتمنى ان تتقبل مروري. اعتذاري عن تقصيري

احترامي
كانت هنا (منار)
***احلام عابره***

صح لسانك ماشاء الله

استمتع جدًا بقصائدكم ومجاراة الشعراء معكم
انت رائع جدًا اخوي نجم
واحلام تستحق الترقية لجمال حضورها وابداعها
الله يسعدك ويعطيك العافية
تقديري و 1000 نقطة

~

صح لسانك
ابيات جزله من راعي الجزلة
شكرا على جمال ماقدمت