سواليف قروشه

مساء الخير
عندي موعد من البارح جايب لي مغص
مو خوف منه او وش بيصير فيه
لا من الاستشاري اللي بقابله ونفسه الخايسه
دفش وينتف نتف يخليك تتمنى محد معك من الفشله
بس الحمدلله ماقابلته قالوا بكرا بعد ماتكتمل فحوصاتك

المهم حولوني للتنويم وانا قاعده بأمان الله الا عامل النظافه داخل الغرفه
انصدمت من متى العمال يدخلون عندنا !
ولا معلمينهم الادب عين تنظف فالارض وعين يقز فيني
استنكرت الوضع الغريب علي ومن الطنقره
اخذ قاروره الماء وارميها عليه ماابيها تضربه بس بخوفه
جات في وجهه ويضيق خاطري فوق ضيقته

وتجي عامله هنديه تهاوش مدري وش تقول
بس واضح انها معصبه حيل
سكت قلت خليها تاخذ حق المسكين اللي ضربته
بس زودتها ماباقي غير تمد يدها
طالعت حولي مافي شي ارميها فيه الا كرتون مناديل وارميها
بس ركزت انه يجي من جنبها
قالت مجنونه مجنونه وهجت

يازين مستشفياتنا الحكوميه ثقة وراحه واحترام
بس مع ازمة كورونا اضطريت اتابع فالخاص
واغلب المستشفيات الخاصه الى الطريق المنحدر
قبل كذا اللي سوالي تخطيط القلب ممرض اصغر مني كان مو كبري
ماادري كل هذا قله في العنصر النسائي او ياهمي تطور

يلا عن اذنكم بلبس عبايتي ونقابي وارقد ..

عبدالله ,المعتفس ,رآنيا و 6 آخرون معجبون بهذا

مستحيل ,الحر الأشقر ,عبير ,ابن الهيثم ,طقاقة أم عنبر ,خفايآ روح~••

ياجماعه عندي حافظه طعام صغيره
كل ماطاحت عيني عليها فطست ضحك
ماادري سالفتها تستاهل كل هالضحك
والا انا فاصله من السهر وقله النوم
المهم اليوم بدري ع الساعه 10 جابها ابونواف
يقول سويت لك كبسه زغاليل تأكلين اصابعك وراها
الرومانسيه عنده تصيح بالزاويه


كل اللي دعوا لي بالتقييم الله يسلمكم يارب
ولايجيكم بآس:1g21::1g21:

عبدالله ,المعتفس ,رآنيا و 7 آخرون معجبون بهذا

مستحيل ,ابن الهيثم ,الحر الأشقر ,ســاره ,خفايآ روح~•• ,عبير ,طقاقة أم عنبر

صباحكم 2021
الحمدلله على سلامة الوصول ياحلوين
يارب تكون سنة خفيفة لطيفة ظريفة علينا وعليكم
امي لازالت منخرشه من الاحداث والاخبار السيئه اللي تتابعها
كل ماجبنا طاري السنة الجديدة قالت
يالله انك تخارجنا منها وتكفينا تواليها

عبدالله ,المعتفس ,رآنيا و 3 آخرون معجبون بهذا

مستحيل ,عبير ,ابن الهيثم

السلام عليكم
شلونكم شخباركم؟
من زمااان عنكم ي خي
وش مسوين مع البرد ؟
زرقت رجولكم والا مازرقت
الاسبوع اللي راح نزل ثلج قوي
ومن الفرحه ابوي واعمامي قلبوها دحه الساعه 2 ف الليل في راس علقان
لبست فروتين يالله امشي منها وماحسيت بالبرد
بس تجمدت رجولي ويديني واول مرا اصدق عميمه يوم تقول رجولي زرقت < دلاله على قوة البرد :m196:
اما وجهي ماحسيت فيه ابد غير بالاخير يوم بغى ينقطع
صدق والله انشد بشكل غريب وخشمي راح كنه خشم مهرج
جلست يوم كامل اغسله بماء دافي خفت يجيني ابووجه زي بنت عمي

عبدالله ,عبير ,alwafa و 6 آخرون معجبون بهذا

المعتفس ,آلنـور ,رآنيا ,مستحيل ,ابن الهيثم ,طقاقة أم عنبر

صباح الخير ياعرب
امس الصبح الحمدلله ياااارب نمت نومه عنيفه بعد معاناة لايام مع القلق والارق والله قالوها لازان نومك زان يومك صحيت المغرب رايقة ومغير اتبوسم ورجعت اخذت غفوه ف الليل وصحيت
وتقهويت ومخمخت وبراسي سوالف بس مدري القى اللي صاحي بهالوقت



المهم قبل يومين جاء غبار قوي بجدة وعميمه دايما تقول الغبار يايجيب حشرات يايشيلها
وصدق والله المغرب لعبت مع نواف بالحوش ودخلنا
وانا اسولف مع البنات بالجوال اشوف في ظهره هذا الجندب الاسود المزعج وادق الخادمه جنبي ابيها تشوف وتتصرف قبل يطير علينا كان تصرخ وتنحاش وانا انحاش وراها ونواف جاء داعس ورانا
قفلنا الباب عنه وجلس يصيح ياعمري
قلت له ارجع الصاله وانا بجي الحين وطلعت بشويش بطالع للصرصور لقيته جنب الطاوله
وجبت سطل مويه وحطيته فوقه ورجعنا للصالة
غفلت عن نواف وشال السطل وجلس الصرصور يطير
هنا وهناك واعلنت حاله الاستنفار
دقيت ع ابونواف وكان مشغول قال اقطع شغلي عشان صرصور! :582:
ودقيت ع امي وهي بالديره وهاوشتني قالت والله لو قريبه لحطه بظهرك :eferhews:
حاولت بالخدامه خايفه:619:
قلت مالي غير نواف ناظرته وعطيته الشبشب قلت ان كبير مثل بابا روح اذبحه قال لا انا صغير شوفي وقام يمتر نفسه
قلت انت ذيب تخوفه قال كذبه انا ورع
قلت انت ورع بطل يذبحه ويرميه برا
نفخ نفسه وطلع قلت يارب مايكون هياط
طول وكل شوي اكلمه وش سوا ويقولي صبر صبر
فالاخير دخل علينا وهو شايله بيده
صرخت عليه بفهمه انو غلط انخرش ورماه وقام يطير
وسرى الليل وحنا ماسرينا:1_rateform:


للان مقفلة عليه بالمجلس مدري متى احد يطلعه

عبدالله ,رآنيا ,ابن الهيثم و 3 آخرون معجبون بهذا

عبير ,طقاقة أم عنبر ,المعتفس

التعليقات

والله اني قوية بس بعيد عن الحشرات والزواحف والا باقي الكائنات مقدور عليها
حتى الصبح رحت استراحتنا برا جده فيها حيوانات كثيره كلمن اشترى شي حطها فيها
المهم اول مادخلت جاء كلب اخوي مسسسرع
عرفت انه مهايطي مثل صاحبه
رميته بحجر وقلت له هيه ترامب انقلع مكانك
بنفس سرعته لف ورجع مكانه

اما نواف هالبزر مو بسيط ترا
مرا دخل علي وهو لابس قميص ومنكس الطاقيه قال جوعان ابي اكل صحي
قلت له شنو اكل صحي ؟ قال رز ودجاج وحمضيات
قلت له مين اشترى لك الثوب والطاقيه قال خالوو
خربه اخوي

عبدالله ,رآنيا ,ابن الهيثم و 1 آخرون معجبون بهذا

المعتفس