ساعدوني ابي حل

	المشاركة الأصلية كتبت بواسطة مشكلتي

	انا طبعي هادية جدا وباردة وكثير ناس يقولون انتي ماعندك احساس ولا تحسين بالشيء وكثير يضايقني هالكلام لاني احس بس ما ابينن ومن فترهه بسيطهه صرت ابكي على اتفه الاسباب ولا اتحمل شيء على طول اعصب واقول كلام بدون لاحس وفقدت كثير من الناس انا ماني عارفهه ايش فيني احد قالي عين بس ماتركت شيء ماسويته والا الحين على هالحالهه اعصب على اي شي واعصابي تلفانهه وابكي على اتفه الاسباب بليز ابي حل لمشكلتي ابي ارجع نفس قبل

ماعندك مشكله عشان تدورين لها حل!!
الامر مايتعدى كونه انك تعطين اراء الناس اكثر من اللازم
مجرد انه يضايقك كلامهم هذا يعكس كلامهم بكونك ماعندك احساس
والهدوء طبع وطبع حلو ومايعني ان الشخص بارد
لكن طبيعي تمر على الانسان اوقات يكون فيه هادي اكثر من اللازم
وهالشيء ممكن ينتج عن تراكمات الكبت وعدم الحديث مع الاخرين
وبرضوا مايحتاج تتكلمين في كل شي عند كل احد
لكن هذا كله قد يولد العصبيه المفاجئه وهذا امر طبيعي جداً
توكلي على الله قبل كل شيء وخلي ثقتك في نفسك كبيره
وتأكدي محد بهالدنيا كامل وكل الناس عندها عيوب وهذا حال الكل
لكن تقبلي نفسك كيف ماكنتي واللي تحبينه سويه وماعليك من احد
دام ماتضرين احد مانتي مجبوره تتعاملين مع الناس مثل مايطلبون منك
شوفي وين راحة بالك وامشي صوبها بدون اي اكتراث لأراء الاخرين
واكيد عارفه ان رضى الناس غاية لاتدرك
ارضي ربك ونفسك واللي لهم حق عليك والباقي لايهمونك
ترى الثقه فالنفس عند اللي مايعجبهم العجب يشوفونها غرور وعدم مبالاة
والشخص الطيب والمتواضع يشوفونه مغفل وضايع حظه
واعيد واكرر خلي راي الناس لايقدم فيك ولايأخر
حتى الاراء اللي في صالحك وتجيك من ناس يبون لك الخير
ماراح تغير منك شيء إلا اذا بين تغيرين من نفسك
والله يعينك وييسر امرك وتفائلي بالخير واتركي عنك التفكير السلبي
وابعدي عن كل شيء ممكن يسبب لك احباط او ضيقه
واعتذر عن الاطاله والله يجمع لك بين الأجر والتوفيق
تحياتي

سافانا ,I M NOT SORRY ,تعابير الصباح و 1 آخرون معجبون بهذا

رآنيا