04-15-2021, 02:57 AM | #199 |
|
رد: حكــاية قصيــرة ❥
و بدأ العد التنازلي و تنتهي اجازتي ..
الصراحه ما ودي ارجع اداوم , الايام كذا حلوة , لكن هذي هي الحياة , كذا احاول اقنع نفسي و اقول لها مو حلوة الحياة تمشي على وتيرة وحدة لازم تتقلب و تتغير مجرياتها , صح هي اسبوعين بس كانت جميلة جداً , استغليتها بكل الاشكال , بدايه من قبل رمضان و تجهيزات رمضان , ثانياً في حاجة جالسه اشتغل عليها للآن و ان شاْالله الله يتممها لي , كذا ارجع اداوم و انا مسويه فورمات لمخي حتى عن معلومات الشغل ,, حرفياً نسيت كل شي شهرين و اخذ اجازه ثانيه <- لعبه هي خخ بس الحين جالسه افكر فيها , هل اخليها اسبوعين مع اجازة الحج و الا اسبوع ,, بس حبيت انقل لكم شعوري بالسعادة خلال الايام اللي راحت :507: و اشارككم ايامي الجميلة :lo2: |
وأنت في طريقك للبحث عن حياة، لا تنسَ أن تعيش.
— محمود درويش |
04-17-2021, 06:03 AM | #200 |
|
رد: حكــاية قصيــرة ❥
صباحكم خير , صباح آخر يوم في الاجازه
اليوم كنت مخططه انزل موضوع طبخ , بس انشغلت في تجهيز اول طلبيه :507: اشغلت بنت خالتي بالتجارب , و هي يازينها تعطيني على جوي بما انها اول وحدة تطلب من متجري , اللي سيتم الاعلان عنه قريباً جداً نسقت لها هديه رمضان مع طلبية الكوكيز :507: مبسوطة بالنتيجه , :507: |
|
04-18-2021, 02:20 AM | #201 |
|
رد: حكــاية قصيــرة ❥
بفضل الله و كرمه ,
تم اطلاق متجري للكوكيز اليوم , رابط المتجر تلقونه ف تويتر :507: توثيق اللحظه :lo2: |
|
04-18-2021, 02:29 AM | #202 |
|
رد: حكــاية قصيــرة ❥
يقولون ان بكره وراي دوام , و يقولون اني ما ودي اداوم ,
نسيت الاشخاص اللي ف الشغل و نسيت المعلومات و نسيت كل شي الاجازه هذي كانت من اجمل ما يكون , حسيتها طويله مرررره من كثر الاشياء اللي سويتها .. اكثر شي حبيته اني ساعدت امي كثييير و ادري ما اوفيها حقها , بس كنت فاضيه لها .. و طلعت مشاوير انا من زمان ابيها ’ و هجولت انا و اختي كثيييير كثييير :507: تعرفون احلى شي صار في الحياة , اننا صارت لنا الفرصه و صرنا نسوق , حرفياً راحة ما بعدها راحة , اي مشوار ابيه اقول لأختي يلا و ما تقصر .. صرنا نلفلف في كل مكان ودنا فيه , و احلى شي طلعاتنا كانت الصباح :lo2: فعلياً هالاجازة استغليتها قد ما اقدر , و فكرت في الاستقاله اكثر من مره يوم شفت نفسي فاضيه و كل شي ابيها اقدر اسويه ,, لان الدوامات تقيدك , لكن فكره الاستقاله مأجلتها اربع سنين قدام و اشوف وش ربي يكتب لي , الحمدلله اننا في نعمة نعجز عن شكرها , في كل لحظه انا اقول الحمدلله , في كل دقيقة , و هذا من اسباب توفيق الله لي و انها تفرج امامي كثير , الحمدلله دائماً و ابدا :lo2: كذا لازم اروح انام و اهيئ نفسي لبكره تصبحون على ما تحبون:507: |
|
04-20-2021, 03:27 AM | #203 |
|
رد: حكــاية قصيــرة ❥
احاول اهرب من سوالف غاده و اني ابي اكتب في المدونه , لكن هي مصره تسولف , و انا لازم اسمعها حتى لو حاولت اطنشها
سوالفها طالت و نسيت سالفتي الاساسيه اللي بسولف عنها ,, اخيرا قلتها لك يالله بروح اقرا لقاء رانيا , قالت اقريه و انا اسولف خخخ و راحت لما اندمجت في القرايه <- ام شريرة ما احب فكرة اني كامله و لا يمكن اخطيء , كان حديثي اليوم مع وحده و اقولها كلنا خطاؤن و هي مصره انه لا , اخطي في كل شي الا العمل , لازم كل شي يكون بيرفكت هي فهمت اني اقولها اننا كلنا خطاؤن , و اخطي و اخطي و لا اتعلم و لا اتوب بالعكس قلت لها انا اخطيء و اتعلم و اتوب و ما اكرر الخطأ , بس ما ازعل من نفسي بدرجه كبيرة و اعتبر انها نهاية العالم , ما انكد على نفسي و الله مدبر امري و اقولها انا ممكن اكثر وحده تشيل هم الناس , و اني اغلط معهم او اخطيء في حقهم بس لازم اتعامل مع هذي المشاعر , و كيف ما تأثر على حياتي يعني زعلت و عطيت الزعل حقه , و سلمت امري لله هو لك حق العقاب او التوبه علينا و ادعي ان الله يكفيني شر نفسي اول شي و شر اعمالي , و شر الناس و الله يعطيني من خير نفسي و خير اعمالي و خير الناس , و ربي الوحيد اللي عالم ايش حقيقتنا دون تصنع و مثالية امام الناس هذا بحد ذاته اطمئنان :lo2: من زمان عن المدونه و حبيت اسولف لكم شوي , :507: و اتمنى لكم ايام سعيده :lo2: |
|
04-22-2021, 01:27 AM | #204 |
|
رد: حكــاية قصيــرة ❥
بعض الصدف غريبه , بشكل يخلي ابتسامتك تتسع , و قلبك يُزهر ,
هي اشياء بسيطه و تخلق وراها اشياء عظيمه ربي يسوقها لك :lo2: نشرت اعلان المتجر في مكان ما و صادفت احد راح يساعدني في موضوع متأزم معنا و مو فاهمينه و لاني لاقيه اللي يفهمني , كنت متردده اني اعلن هناك بس غاده شجعتني :lo2: انا للحين مبهورة في الصدفه :507: اشياء ما خططنا لها , لكن صفا نيتك , و الدافع اللي جواك , و دعاء الناس لك , تترتب امورك بشكل لا يصدق الحمدلله :507::lo2: |
|
الكلمات الدلالية (Tags) |
النور, حكــاية, قصيــرة |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|