حكــاية قصيــرة ❥

اهلاً , و صباحكم سعيد ..




في الآونه الاخيرة كانت كل الاخبار و الاحداث سعيدة ..
و كأنها تعويض من الله على اللي مرينا في خلال الشهور اللي راحت ,,
ليخبرنا الله انها لا تضيق الا لتفرج ..

و كل الاشياء حولي تجبرني ارجع .. و برجع ان شاءالله بس بستريح شويا




بتكلم عن موضوع انا الاحظه في حياتي .. هو اولاً توفيق من الله و ثانياً اصرار و ايمان ..
انا نقلت لفرعي الجديد تقريباً لي ثلاث او اربعه شهور ,,
و من يوم جيتهم و انا منبهره بكمية اللطافه اللي عندهم ..
و احترام و تقدير ..يعني انا مهما اتكلم عن البنات انا ما اعرف كيف اوصفهم ,,
مو وحده و الا ثنتين بدون مبالغة كلهم مشاءالله ,, <- الله يديمها عليهم و علي


المهم انا شفت فيهم هذا اللطف ,, و قلت الفرع هذا يستاهل يفوز ب رضا العميل لو شهر من الشهور ..
و كنت اقولهم هذا الكلام ,, انتو تستاهلون بس ركزو على الخدمة و كيف تقدمينها و كيف تنهينها ..
انا افحط شاده حيلي معهم ,, لاني جربت الفوز ب رضا العميل لمدة ثلاث شهور
و اعرف كيف الفرحه و شعور الانجاز ,, و كيف ان اللي تقدمه ما يضيع امام الله قبل خلقه ..


مررره و انا اتصفح النت لقيت موقع يبيع مرايات بشكل مررره مميز و ينكتب الاسم عليها ,,
و كان نفسي اجيبها هدايا للبنات .. بس يالله ما عندي مناسبة !!
لازم مناسبة , و مناسبة سعيده ..

حطيت ف راسي لازم نفوز برضا العميل
بدايه شهر تسعه قلت لنفسي هذا الشهر راح نفوز برضا العميل ..
على انه خلال الشهر واجهتني صعوبات مرره كثير ,, و منها نص الشهر المديرة طلعت اجازة
و انا مسكت ادارة الفرع ,, يعني كل المشاكل فوق راسي و لازم احلها
مشاكل مع عميلات , و مشاكل مع ادارة ,, يعني اشياء كثير
بس الحمدلله عدا بسلام و رجعت المديرة و تنفست الصعداء


انتهى الشهر و انا في بالي نسبة رضا العميل ,,
كنت على قناعة تامه ان فرعنا راح يفوز

و فعلاً فزنا فيه ,,


الحمدلله كله بفضل الله اولاً ,, ثم بروعة البنات و جمالهم و اخلاقهم الحلوة ..
و انا بعد


و بجيب المرايات للبنات اخيراً خخخ



ووو بس

شاهستا ,وليد ,ابن الهيثم و 1 آخرون معجبون بهذا

محال

عندي فكره قناة في التلقرام ,,
و اخترت الاسم , و اخترت توجه القناة ,,





تتوقعوني اكمل و الا اكسل ..
لانه تمر على ايام صمت مافيها كلام و لا افكار


على العموم جالسه ارتبها في عقلي , و لو نجحت مبدئياً راح انشرها

REVA ,وليد ,ابن الهيثم و 1 آخرون معجبون بهذا

محال

احس عندي سالفه ثالثه ,, بس كني طولتها خخخ
<- السوالف اليوم مثل المطر ,,


مدري هي فرحه برجعة المنتدى و الا ايش !!

وليد ,ابن الهيثم ,محال معجبون بهذا

مررره جالسين انا و امي نسولف ..
و تحكيني حكايه ,, و انه بيصير و بيصير .. و هو اصلا لسى ما صار ,, بس ان شاءالله يصير ..
يوووه ما احكيكم عن كمية المشاعر اللي وصلتني من السالفه ..

و على هذي السالفه سويت افلام ,, و خيالات تخص هالسالفه
يعني تخيل شي تنتظره من زمان و قريب يصير ..
و الشي مو بس انا انتظره ,, تخيلو عايلة كاملة تنتظره و بنفس الحب و الشغف

بس جزء من السالفه كان يخصني شخصياً .. يالله قد ايش مت عليه
الله قادر انه يحقق احلامنا و تكون واقع نعيشه ,,


برجع احكيكم على الشيء بعد سنه و شوي لو صار



عندي سوالف واجد بس استحيت منكم خخخ

وليد ,ابن الهيثم ,محال معجبون بهذا

عندما اخبركم , بأني استطيع التجاوز و الانتقال للطرف الاخر ,,
لم يكن التجاوز بهذه السهولة , ف الطريق مهلك , و السقطات متكررة ..
و عند الوصول , احتاج لنفس الوقت حتى استطيع التنفس بشكل اقرب الى الطبيعي ,

باختصار , احب النسخة الجديدة من كل شيء ,





صباحكم النسخة الاجمل من ارواحكم

محال ,ابن الهيثم ,وليد معجبون بهذا

في هذه اللحظه انا حزينه للغاية ..
ما توقعت ابد هذا الحزن و هذي الدموع
بالعادة انا ما ابكي على لحظات الوداع .. و دايم اقول لخواتي لا تتعلقون ف احد و يروح و يخليكم ..

و يجون خواتي و يروحون مابكيت عليهم الا هالمره ..
رجعت البيت مالقيت اختي و عيالها ..
اختي الحمدلله صارت احسن بعد فترات التعب الطويلة ،
و الحين سافرت و رجعت بيتها ..
لكن انا منهارة على روحتهم .. و حزينه مررره
جلست عندنا سته شهور .. و كانت دايم تطول عندنا و تروح و ما ابكي
لكن انا الان بموت من الصياح عليهم ..
اعرف اني بتجاوز ،، بس شعوري لازم اعبر عنه

وحشوني والله

ابن الهيثم ,محال ,طُليْطل و 1 آخرون معجبون بهذا

وليد