حكــاية قصيــرة ❥

كنت على امل القى جواب اليوم..
بس لعله خير،،

رآنيا ,سمو المجد ,رايــق و 2 آخرون معجبون بهذا

خفايآ روح~•• ,ابن الهيثم

اكثر ما يحسن مزاجي هالفترة هو المشي،،
صح اني ما اطول مره.. بس نص ساعة..
بس بعدها اكون هاديه و رايقه،،..
كل ما اتخاذل عنه.. اتذكر نفسيتي بعدها كيف تكون،، و اقوم اتحرك،،

نص ساعه تمحي كل جهد اليوم و التعب، و مع توكلنا صار ينبح صوتي اكثر
الله يرزقني على كثر ما اتكلم خخخ،، لو الحروف تتبدل بفلوس ي سلام <- تفكيرك بس خخ


المهم،، اي شي يعدل مزاجكم،، سووه بسرعه و لا تكسلون فيه

رآنيا ,سمو المجد ,نبض و 3 آخرون معجبون بهذا

رايــق ,خفايآ روح~•• ,ابن الهيثم

تغيير روتين حياتك ،، ما يصير بين يوم و ليلة ،
انت لازم تستمر ، تكرر العادات و الافعال اللي جالس تسويها ،،
دوّر عن الاشياء اللي تسعدك و تدخل البهجه في حياتك ، و ابدأ حطها في جدولك اليومي ،،

و اجمل شيء ممكن تضيفه ليومك ، انك تصحى من بدري ،،
قبل خروجك للدوام بساعتين او ثلاث ، تفطر بهدوء ، تجلس جلسة روقان لحالك بذهن صافي ،
تسوي اشياء تحبها ، و تستفيد منها على الصعيد النفسي و الشخصي ،،

لانه صباحك هو بوابة يومك ، لو بديتها بحب و هدوء هذا راح ينعكس على يومك كله ،،

يعني انا اصحى من خمسه ، اسوي فطوري و اجهز طلبية الكوكيز لو عندي طلب
<- للان الطلبيات بس من صديقاتي
افطر ، اصور ، اقرأ ، اتجهز للدوام ،،

لما استمر على هذا الروتين كم يوم القى روحي تستأنس فيه ،،
و اتشوق كل يوم لهذا الوقت من اليوم ،،




بس حبيت اسولف معكم شوي ،،
و صباحكم سعيد
:510:

طُليْطل ,رآنيا ,سمو المجد و 4 آخرون معجبون بهذا

نبض ,ابن الهيثم ,رايــق ,خفايآ روح~••

يومكم سعيد ، و صباحكم جميل ،،


تعقيباً على كلامي اللي فوق ،، ترا مستحيل تصحى من بدري و انت ما تنام زين ،،
جسمك لازم يتعود على النوم بدري ،، يعني اقصى شي الى الساعه ١٢ ،،
بعدها شوي شوي جسمك راح يتعود على النوم بدري و القومه بدري ،،

،،


بنتكلم اليوم عن عبارة " ما عندي وقت "

سنه من السنوات ، كنت مع مجموعه جميلة ،، بس دايم يكررون ما عندنا وقت
كل ما اقولهم شي ،، قالوا ما عندنا وقت ..!

انا اعذرهم ،، دوامنا طوييل و عندهم اطفال و مسؤليات ،،
كنت اقولهم لازم تلقين الوقت ،،
حتى لو ما عندك وقت فعلاً ،، انتي لا تكررين على نفسك هذي العباره
عشان انتي ما تصدقينها و يصير فعلاً ما عندك وقت ،،

و حقيقي انا منهم تطلع مني هالكلمة بس نادراً ،، و احاول اسحبها بسرعه و ارجع اقول لنفسي عندي وقت
عشان بس نفسي ما تصدقها و ابدأ اتأقلم عليها ،، بس انا لازم استحي على وجهي لا شغله و لا مشغلة خخ


بس لازم تعرف تقسم وقتك ،، و تحط الاولويات ،، بس بدون ما تثقل على نفسك ،
لانك لو ضغطت نفسك بتمل و تتضايق و ترجع تقول ما عندي وقت ،،

يعني لا تقول انا ما عندي وقت حتى لو ما عندك وقت ،، لا تنطقها حتى ما يصدقها عقلك الباطن
و يبدأ يخليك تصدق و تقتنع ان ما عندك وقت فعلاً


،،

بين فترة و فتره انا ابدأ اقسم يوم و اراجعه و اشوف وقتي وين يروح ،،

من الاشياء اللي ممكن تنظم وقتك ،،
اذا عندك كذا شغله في البيت ،، ممكن تحط لكل شغله وقت و تستخدم المؤقت
بس يخلص وقتها يا انك تكون انتهيت منها او تخليها لبكره ،،


و للامانه يجيني ايام ،، انا ماودي اسوي شي ،، اجلس طول الوقت ع جوال او اتفرج افلام بس


يعني هي الحياة كذا تشد و ترخي ،،
انا اتكلم من تجربه شخصية و ظروف شخصية ،، اكيد ظروفنا و مشاغلنا مو زي بعض ،،
حياتنا و الاشخاص اللي عايشين معنا مو نفس الشي ،،

لذلك كل واحد ادرى بحياته و وقته كيف يقسمه ،،
و الله يكتب لكم الايام الجميله ،، و الاحداث السعيدة و يبارك لكم في ايامكم ،،



يومين جالسه اصحى بدري بدري ،، عشان كذا مروقه للسوالف ،،
راح احاول اعد لكم برنامج صباحي <- صدقت نفسها ترا
مدري وش اسميه ،، بس الله يستر من السحبات خخخ



يالله اقترحوا علي اسماء لبرنامجي عشان اتحمس




يالله انطلقو في الحياة
:510:

رايــق ,رآنيا ,ابن الهيثم و 2 آخرون معجبون بهذا

سمو المجد ,خفايآ روح~••

اهلاً ، صباحكم سعيد ،،

اشكر الجميع ، و كل الشكر لمن اقترح اسم برنامجي
بس ابي شي اكثر لطافه و يدخل روحي <- بدينا هلوسه
و ننتظر اقتراحاتكم بعد




اليوم كلامنا عن " الكسل "


كم منا عنده افكار و مشاريع ،، بس اوقات الكسل يأخره كم خطوه لورا في وقت ما الناس نشيطه و متقدمه
و كم من فكره سرقت من عقولنا و احنا ما حرنا ساكن و نقول يمدينا يمدينا ،،

اتكلم لكم عن نفسي قبل كل شي ،، انا وحدة كسوله مرره مرره
حتى لو سويت الشغله اسويها بشويش ،، الناس تخلص و انا توني خخ
بس بحكم شغلي بديت اخرج من دائره الكسل القوي ،، الى الخفيف نوعاً ما ،،


حالياً اي فكره تدور ببالي انفذها حالاً لو هي بسيطه و تافهه ،،
زمان كنت اقول لنفسي ،، ليه اسوي كذا محد بيستمتع او مافي احد بتعجبه الفكره
و اكنسل الفكره ،، اتحجج بأنها ما تعجب احد و لا احد يتحمس معها بدافع الكسل اللي فيني

في الوقت الحالي تركت الكسل شوي ، و اي شي يطري ف بالي فعلياً اسويه
على طول بدون تفكير ،، لانه لو دخلنا التفكير في الموضوع راح يخرب السالفه خخ


اقرب مثال ،، انا احب اعدل على الصور اللي اصورها بجوالي بالتطبيقات اللي موجوده عندي
و تطلع الصوره احلى من اول و اجمل ،،
صرت اصور خطوات التعديل ع الصوره بالفيديو و انشرها سناب ،،
استغربت من القبول و المدح اللي جاني حقيقي ،،
كنت احسب فانزاتي مو يم هالاشياء خخخ .. بس حبيت ردت الفعل ،،

و لازلت في حرب مع الكسل



هذي الصورة اللي صورتها و اشتغلت عليها





و هذا التعديل






فيديو التعديل .. <- تراني عليميه باليوتيوب لحد يدقق




و بس هذا موضوعنا لليوم .. ان شالله استفدتوا و استمتعتوا ،،
و لنا لقاءات صباحيه مع نوره شو <- لا امزح خخخ



يومكم سعيد

رايــق ,رآنيا ,ابن الهيثم و 1 آخرون معجبون بهذا

خفايآ روح~••

قبل يومين ،، كنت اشوف زوار في مدونتي يكثرون و اقول في نفسي غريبه
كيف كذا يكثر العدد و المدونات خاصه محد يشوفها الا الاعضاء ،،
حقيقي كنت انبسط انها خاصه و ان كلامي ملك للاعضاء بس و محد يشوفه من خارج المنتدى
كنت احس اني فخمه خخخ <-ما عليكم من الاحساس

قلت يا بنت سجلي خروج من المنتدى و طلي على مدونتك
يمكن فيه شباك او باب مفتوح يدخل منه الهوا
الا و صرت اشوف كلامي

قلت في نفسي خساره ما صار كلامي ملك للمنتدى
و صارو الزوار يشوفوني ،، لذلك لازم اتأنق زياده و اكشخ خخخ


هي حركه حلوه و مي حلوه بنفس الوقت ،،
بس اللي تشوفه الاداره و تشوفه رانيا احنا لازم يعجبنا و نصير نحبه بدون شعور ،،

رايــق ,طُليْطل ,رآنيا و 2 آخرون معجبون بهذا

ابن الهيثم ,خفايآ روح~••