رســـآلُــہ شُـــعـــريَــہ ....

تطمن لاتظن اني مع الايام راح انساك
لانك في حياتي كل معنى يسكن امالي

خفوقي سخره ربي على شانك لكسب رضاك
وداريته بمدراتك وصرت الغالي الغالي

وانا ياللي على شانك غدت روحي تقول اهواك
واحبك يانظر عيني واحبك ياهوى بالي

واحبك حب لو كفى جميع الخلق ماكفاك
لانك بالغلا دايم تزيد بذوقك الحالي

جميع الناس بالدنيا وانا وانته بعيد هناك
مع الاشواق والفرحه نطير بجونا العالي

وانا ماهمني بالخلق لا هذا ولا هذاك
مادام عيوني تشوفك ولي من غبت تطرا لي

تلاطفني وتحييني ليا مني جلست حذاك
والا مني بعدت اموت لين لقاك يحلالي

ودربي اللي على خبرك مشيته يالغضي وياك
تطمن بعدني ماشي عليه ولا تصدالي

عندي طموحات بس الحظ عندي عقيم
حتى لو تجيني فرصه ،، رايحه رايحه

والله يا بعض الحظوظ تقول دمعة يتيم
مهما يداري عليها ،، طايحه طايحه .

أمَوآج آلشَرقَيهہْ♥ معجب بهذا

تجاهلتك وأنا ضايق شعُور وخاطري مكسُور
‏تخيل قد ماني بحاجة وصالك تجاهلتك

عبير معجب بهذا

‏نختار حاجه ويقسّم ربنا حاجه
‏والعُبد في حكمة الخالق وتدبيره .

لا تشتكي للناس همك وبلواك
الناس ماسرت بعضها ، بعضها

ارفع يدينك للولي يسمع ادعاك
والنفس هذبها وعالج مرضها

وسود النوايا لاتحدك على اقصاك
خلك صحيح القلب لا تعترضها .

أمَوآج آلشَرقَيهہْ♥ معجب بهذا

يسلّمك السهر كفّ الفجر ماغمّضت لك عين
‏تقول موكّل إن فضّ السهارى تقفل الأبواب
‏.
‏زمن عدّى وعمرٍ راح وسنينٍ تجرّ سنين
‏ترفرف بأجنحة حلمٍ قديم وتبذل الأسباب
‏.
‏سلام الله من مولدك لين الطين يرجع طين
‏فلا إرتحت ونسيت ولا بعد ردّوا لك الغيّاب