أقلام مبدعة | نجم الأسبـــوع | اضافة خلفية للموضوع | إبداعاتِكم | قوانين مجتمع غلاك |
|
07-15-2021 | #31 |
|
رد: المواجهة الثانية ( نايف - رايق)
الجوله الرابعة المخرج بطل من الأكشن خلاص يا نايف وقلب ع الدراما التاريخية ابشر يا سعادة المخرج .. 1 - في المدرسه أ- تحدث عن اول يوم دوام .. وقصتك يوم رفضت تداوم ؟ ب- موقف حصل لك في المدرسه ما تنساه؟ ج- هل حصل وانضربت من معلم .. اذا نعم اعطينا الأسباب وكيف ضربك ؟ 2- في البيت أ - اش كنت تسوي أول ما ترجع من المدرسه وتدخل البيت؟ ب- هل كانت هناك العاب تتشارك فيها مع اخوانك وخواتك في البيت؟،، اشرحها لنا؟ ج- اذكر لنا موقف معين نكبت فيه البيت وزعلت الجميع منك ؟ 3- على مستوى الشعور أ- اذكر لنا اكبر فرحه لامست قلبك ؟ ب- موقف اثر فيك ؟ ج- شخص اثر في نفسك ومستحيل تنساه ، من هو ؟ولماذا ؟ |
|
07-15-2021 | #32 |
|
رد: المواجهة الثانية ( نايف - رايق)
<- اللاعب رابطينه ف الزاويه خخخ |
وأنت في طريقك للبحث عن حياة، لا تنسَ أن تعيش.
— محمود درويش |
07-15-2021 | #33 | |||||||||
|
رد: المواجهة الثانية ( نايف - رايق)
نايف ههههههه اعجبني جدا انصياغت مع الاحداث والله اني عشت الاجواء الرحله ، حظها عروستك المجهوله ياهي بتنبسط شكرا لي اختيارك بان اكون عضو مخرب ههههه اقصد عضو مصلح وطرف مؤقر ايجابيا علي زوجتك ، يله ننتظر اخوى الرايق ماذا بجعبته من اجوبه لي اسئلتك اللى احسها بتسبب له ازمه بسيطه ف الرد |
|||||||||
،.'" مدًونتُيٌ "نحن الأشياء الجميلة التي يخسرها الأغبياء🥀💙". http://g-lk.com/vb/showthread.php?t=5893 |
07-15-2021 | #34 | |||||||||||||||||||||
|
رد: المواجهة الثانية ( نايف - رايق)
اعجبتني الاسئله كثيره ، وبانتظاربشغف الردود علما باني متاكده ان رايق رايح يجاوب الجوابات السليمه ، وكانه شخص في بالي ، دائما وابدا يجاوب الجواب الصحيح في المكان الصحيح وفي الوقت الصحيح، في انتظار الاجابات |
|||||||||||||||||||||
|
07-15-2021 | #35 | |||||||||||||||||||||
|
رد: المواجهة الثانية ( نايف - رايق)
تصرف حكيم واعجبني جدا مقولتك ( اللى مو قد الفعل لا يقدم عليه ابدا ) دام اساسا فكرت انك تتزوج الثانيه لازم تكون قد عواقبها وقد الاضرار اللى ممكن تترتب عليه ، شكرا على مواقفك الرجوليه ، في انتظار المتبقي |
|||||||||||||||||||||
|
07-16-2021 | #36 | ||||||||||||||||||||||||||||||||||||||||||||||||||||||||||||||||||||||||||||||||||||||||||
|
رد: المواجهة الثانية ( نايف - رايق)
الجوله الرابعة
لاطلنا معه مشية الحمامه ولا قعدنا على مشية الغراب😂😂😂😂
وحاط شنطتي على ظهري وناشب لهم رايح جاي بالبيت استنى بس متى يقول الوالد يلااا بس بعد مرور الاسبوع الاول وبعد ماتم تسريح الآباء ومنعهم من المرافقة .. بدا يظهر الوجه الآخر للمدرسين وراح شغل الترغيب وبدا شغل الترهيب . بدا الحماس ياخذ وضعية النزول الصاروخي 🥴🥴🥴 وبعد فتره قصيره بدا نايف يقلب راسه ويفتعل الاعذار والاسباب لمغادرة تلك المدرسه المشؤومه 😅 و قصة محاولة اني ابطل من المدرسه قصه اليمه صراحه سبق وذكرتها بأحد اللقاءات بالمنتدى ودام مصمم على اعادتها الله يعين ع الفضايح 😁😁😁 بعد كم يوم من الدراسه زي ماذكرت بديت اتملل من جو المدرسه والنوم بدري وقومة الصبح قلت ياولد مالك ومال الأجواء المشحونه ذي راحت عليك ايام التسدح والتبطح واللعب براحتك فقمت اتشكوى المدرس ذاك ضربني والمدرس الفلاني سوالي طبعا كلووو تأليف .. وانا مابي اكمل خلاص .. بس للاسف محد معطيني وجه .. الين جيت من المدرسه وعندي واجب كان كتابة بعض الحروف الهجائيه وكلمات تبدأ فيها وكذا .. وقعدت متنح ومسوي ماني عارف والدموع اربع اربع واني اذا رحت ماني حال الواجب بنجلد و و و و المهم جاء الوالد الله يحفظه يعلمني سو كذا وذي تنكتب كذا .. اكتب الحرف وقدامه الكلمه اللي تبدأ بنفس الحرف زي ماهو في الكتاب وانا ماغير ممسكها صمله وعناد وردك لايختلف ياولد ... مااااااا أعرف .. ياقلبي ياعيني ان حليت واجبك وصرت شاطر بوديك .. بجيبك .. بشتريلك . وانا مصمم لارضوخ ابدا امام المغريات يوم قفلتها معه قلي طيب والحين ؟ وش تبي ؟ اخلص علي ... قلت ببطل قلي بسس ..! قلت بس قالي كيفك على هواك بتبطل بطل .. وخلاني وراااح ياسلاااااااام وصلنا اخيرا للهدف المنشود وبدت الافراح العارمه والاحتفالات جواتي خلاص افتكينا .. الحين ياولد اجيب المقص واتكي لكتاب العلوم واقص صور الطيور والحيوانات والاشجار كل ابوها والزقهم بغرفتي .. وبينما انا في تلك الاحتفاليه مع نفسي ماحسيت الا الخيزرانه متواسيه على ظهري :1_rateform: الا وانا اتقلب في سريري من لسعة الخيزرانه اححححححح ياظهري والوالد يسألني هاه باقي معزم بتبطل؟ قلت لااااااااااا خلاص ابوي خلاص والله تعرف تحل الواجب؟ .... ايه ايه اعرف ... ايه تمام عفيه ع الشاطر لاعاد اسمع كلمة ببطل ان سمعتها مره ثانيه جبتلك بدل الخيزرانه ثنتين والحمدلله كان موقف جميل ودفعه معنويه منيله كان لها اثر ايجابي اني خلصت الجامعه . واتوقع لو آخذ جرعه ثانيه بالخيزرانه الحين بكمل ماستر ودكتوراه
هذا الله يسلمك مدرس الرياضيات كان اللي يجي مو حال الواجب والا مايجاوب يطلع مفاتيحه من جيبه ويقلوو يلا دخل المفتاح في الفيش خل الكهرب ياكلك وافتك من التيوس اللي زيك وعاد الواحد ياخذ المفتاح ويتراعد يقدم خطوه ويوخر خطوه ويترجى في المدرس والدموع تتسابق تكفى تكفى اخر مرررره المهم مع مرور الايام مره جاب مدرس القرآن مسجل عشان يسمعنا الترتيل والتجويد ويوم شبك المسجل اكتشفنا ان الفيش اصلا خربان وصار بعدها اول مايعطي المفتاح اي واحد يروح طيران للفيش ويقوم هو يقله خلاص خلاص انثبر ياويلك ان ماحليت او جاوبت المره الجايه مايدري ان خطة الفيش انكشفت
وما شابه عشان الصحصحه فقط الحمدلله مشواري الدراسي الى حد ما كنت متفوق وبنفس هادي ومو راعي مشاكل بالمدرسه
لمين المغرب او بعده شوي بعدين لعب ووقت مفتوح لمين عقب صلاة العشاء بعدين عشاء ونوم
وذا كنا نتجالد عليه انا واخواني كثير كل واحد يقول دوري واللي يمسك الجهاز ياخذ من الترفيس والاستعجال لين يدوخ خصوصا اللي يكون حريف في اللعبه ومايموت بسرعه بعدها انتقلنا لعصر بلايستيشن ون ولكثرة الالعاب فيه وكمان مراحل اللعبه زي كراش وببسي مان واشرطة فيفا .. اشترطت على الوالد اذا جبت درجات عاليه ياخذلي جهاز خاص فيني وتم لي مااردت وافتكيت من الهوشات والترفيس
وبغيت انجلد الا شوي جبت قارورة ميرندا كبيره وحطيت فيها قطع قصدير مفتوله وكبيت عليها فلاش وقفلتها وخليتها في الشمس ويوم انفجرت الا اهلي في البيت يتصافقون في الجدران مايدرون وش اللي صار المشكله يوم خميس والوالد بعد موجود في البيت ويوم طلع يستكشف الامور الا انا مقابله اركض من الخرشه وشفيه وشفيه الا شاف الآثار وماامداه يرجع يلحقني الا انا زابن بحضن ست الحبايب وطول اليوم اتنحش عن وجهو لين عدت الامور بسلام طبعا بعد التعهدات المشدده بعدم العوده 😅😅 للي حاب يشوف تجربه مماثله بس لايسويها 😊 https://youtu.be/47IQpXMg4gY
السعاده اللي اهديتهم اياها لقاء تعبهم معي طيلة سنين الدراسه .
اجمل واجتماع العائله في بيتهم سواء خلال الزيارات العائليه او المناسبات كان شي مميز يستحيل ان ينسى 😢😢 خلصنا على خير ولي عوده بأسئلة الجوله الرابعه |
||||||||||||||||||||||||||||||||||||||||||||||||||||||||||||||||||||||||||||||||||||||||||
|
الكلمات الدلالية (Tags) |
المواجهة, الثاني, رايق), نايف |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|