المواجهة الثانية ( نايف - رايق)

الجوله الرابعة

المخرج بطل من الأكشن خلاص يا نايف

وقلب ع الدراما التاريخية

ابشر يا سعادة المخرج ..



1 - في المدرسه

أ- تحدث عن اول يوم دوام .. وقصتك يوم رفضت تداوم ؟

ب- موقف حصل لك في المدرسه ما تنساه؟

ج- هل حصل وانضربت من معلم .. اذا نعم اعطينا الأسباب وكيف ضربك ؟


2- في البيت

أ - اش كنت تسوي أول ما ترجع من المدرسه وتدخل البيت؟

ب- هل كانت هناك العاب تتشارك فيها مع اخوانك وخواتك في البيت؟،، اشرحها لنا؟

ج- اذكر لنا موقف معين نكبت فيه البيت وزعلت الجميع منك ؟


3- على مستوى الشعور

أ- اذكر لنا اكبر فرحه لامست قلبك ؟

ب- موقف اثر فيك ؟

ج- شخص اثر في نفسك ومستحيل تنساه ، من هو ؟ولماذا ؟

طُهر. ,عَـبوْرَهہْ♥ ,رآنيا و 5 آخرون معجبون بهذا

شذى الهلالية ,سمو المجد ,خفايآ روح~•• ,الجوهرة ,آلنـور

<- اللاعب رابطينه ف الزاويه خخخ

رآنيا ,شذى الهلالية ,سمو المجد و 1 آخرون معجبون بهذا

خفايآ روح~••

	المشاركة الأصلية كتبت بواسطة نايف

	الجولة الثالثة اشغلنا ذا المخرج الله يسعده كل شوي ناشب اشرايك ماودك نجلده بوسط الأكشن مسموح ياسيدي كله ولا زعل فخامة سعادة حضرة المخرج لحظه خلني البس البشت واتطيب الموضوع الأول : راح يدور بالتاكيد عن وصولنا المطار والاجراءت وانتظار الرحله ومدتها وكيف نقضي وقت الرحله الموضوع الثاني : التدابير اللي راح نقابلها بمطار الوصول وكيف سنتصرف خصوصا وان الرحله ترانزيت وفي مطار يكثر فيه التشديد ومساحته كبيره جدا وعلينا اتباع اللوحات الارشاديه بدقه الموضوع الثالث : حجوزتنا وترتيباتنا والاماكن السياحيه اللي راح نزورها والمدن اللي راح نتقل فيها خلال الرحله الوجهه ستكون النرويج والمدينه ستكون” بيرجن او بيرغن ” bergen عاصمة الغرب النرويجي بحكم انها نقطة الوصول الاولى سيكون الافطار في الفندق بعدها نبدأ جولتنا في حي بريغن في مدينة بيرغن نزور الواجهة البحرية لمنطقة بيرغن ونشاهد اصطفاف المباني الخشبية التقليدية على شاطئ البحر والتي تعطي مشهد ساحر وخلاب .. وصولا الى منطقة الهانزية التاريخية وهي من أشهر المواقع السياحية في مدينة بيرغن ونتعرف على بعض المناطق القريبة قبل بدء الرحلة سيرا على الأقدام والتقاط الصور التذكاريه. بعدها سنتوجه الى سكة حديد فلويبانين وهي واحدة من الأماكن الجميلة جدا في بيرغن ثم ننتقل على سكة الحديد المعلقة الى الجبل لالقاء نظرة بانورامية على المدينة والتمتع بجمال المنظر والتقاط الصور و التمتع بالهدوء حيث يعتبر المكان أكثر الاماكن هدوءا و روعه. ولكثرة الاماكن السياحيه الجميله في بيرغن سأترك رحلة التعرف على المضايق البحرية والاماكن السياحيه الاخرى ليوم آخر وسنذهب في جوله لمركز المدينه للتعرف على اسواقها وتناول وجبة العشاء ومن ثم العوده للفندق الجوهره / عتب خرساء / النور بصفتهم متابعين احداث المعارك اللي قاعده تدور هنا 😅 ام عنبر مع طيرانها تطربها واذا اطفشت المدام تهبدها بالطار على راسها وخفايا تصكها مع علباها كل ماجاها النوم يا لله بمانك من النكبات تامنا 🥴🥴🥴 ياخي كان موتنا معهم وريحتنا من ذا الاكشن 😂😂😂 اكيد تحت حكم ربي شنسوي اصبحت عملية قضاء الاسبوع مقيده بارادة السماء وليس بالتخطيط المسبق اول شي اكيد راح ينتابني حالة ذهول بعد استرجاع الشريط المؤلم للرحله المنكوبه بعدها سأشعر بنوع من السعاده والامتنان لله انه شفنا نور بسيط وامل جديد في الحياه .. اول شي وبعد استيعاب هول الصدمه راح نبدأ نستكشف الجزيره ونفكر كيف راح نعيش عليها لين يتم انقاذنا لذلك وقبل كل شي يجب أن يكون تفكيرنا ايجابي ومتفائل فقد يكون ذلك فارقا بين الحياة والموت. فالهدوء والقدرة على التكيف والتفكير بتأني قد تكون ادوات مساعده على الخروج من هذا المأزق طبعا اول شي : راح نفكر فيه العوامل والاسباب اللي راح تبقينا احياء كيف نلقى مؤونه تساعدنا على البقاء على قيد الحياه سواء بابتكار طريقه حسب المتوفر للصيد او من خلال الموجود على الجزيره ان وجد فيها بعض الاشجار المثمره ثانيا : نحاول نلاقي طريقه لاشعال النار وليس امامنا سوى طريقة اشعال النار بالحجاره الخطوه الثالثه : وهي من اهم الخطوات .. نحاول العثور على مصدر لماء الشرب ذلك ويمكن من خلال أشجار النخيل أو جوز الهند اذا توفرت بالجزيرة مثل هذه النباتات واذا لم تتوفر فيمكن الاستفادة من ماء البحر بعد تقطيره بأشعة الشمس او اي وسيله متاحه . والحقيقه سؤالك اخوي رايق عيشني الجو وقمت ابحث فعلا واستفيد لذلك لن اعتبره سؤال عابر بهدف التسليه وانما اضاف لمعلوماتي من خلال الاطلاع على على طرق لجعل مياه البحر قابله للشرب واطلعت على هذه الفديوهات وهنا ايضا طريقه لتحلية المياه بالتبخير كذلك ايجاد مأوى مناسب على الجزيره للوقايه من الاصابات التي قد تزيد الوضع سوءاً ان حدثت الخطوه الاخيره : سأقوم بصنع إشارات إنقاذ مناسبه سواء بالليل مثل اشعال النار او الوسائل الاخرى المناسبه للنهار كاشعال الاخشاب الرطبه التي تصدر دخان كثيف يمكن مشاهدته من بعد او حتى كتابة عبارات الاستغاثه بالحجاره او على رمال الشاطىء للفت الانتباه لمكاننا طبعا كل هالاشياء تعمقت فيها نتيجة سؤالك النكبه مادام اجلك لم يحن وقته ومكتوب لك العيش ستعيش وان ايقنت وايقن الجميع بهلاكك صراحه اتوقع هي من نفسها بتكره شهر العسل وحتى العسل نفسوو وبتقلب حياتها بصل وماضنتي عاد في راسها مطالبه بالتعويض وانا اكيد منها وهناك بيصير حدنا الحديقه اللي جنب بيتنا نروح نمد فرشتنا فيها ونتقهوى ونعين من الله خير ونرجع بيتنا بلا عسل بلا بطيخ 😂😂 <<<<< يقرأ المعوذات من اسمووو😅😅 فين رايح يالحبيب ؟؟ هو خلى فيها حبيب ‏ والله ياهم بيشوف غبرة كراعيني من اخر الشارع بس تصدق فشله اقلها الاسد حقك جاي منحاش 😅😅 بطيح من عينها انا اقول احسن شي بعد ماتهدأ ركبي من المصافق واستجمع رباطة جأشي ارجع لها واقلها وه بس ياقلبي تصدقين يوم وصلت الشارع وركبت السياره حسيت الحياه فراااغ من دونك والسياره مره موحشه حسيتني مشتاقلك وفاقدك مرااا كنو مرت غيبة عمر بيننا😭😭 طلبتك امشي معي حياتي ناخذ غرضك ونفر شوي مع ذا الجو الهادي ومنها نمر كوفي سيارات ناخذ لنا كوبين قهوه نمخمخ فيهم . عاد ان لقينا القطو لسى تاكي ويسأل فركناها الثنين ومحدش يشره على حد 😝😝😝😝 وان فكنا ربي شره سلمنا الطيحه الشينه بنظر العروس الله يسامحك رايق فريت مخي من افراح وسعاده وتمشيات لرعب ومصافق ركب وش ذا الجبروت 🥴🥴

نايف ههههههه
اعجبني جدا انصياغت مع الاحداث
والله اني عشت الاجواء الرحله ، حظها عروستك المجهوله
ياهي بتنبسط
شكرا لي اختيارك بان اكون عضو مخرب ههههه اقصد عضو مصلح
وطرف مؤقر ايجابيا علي زوجتك ،
يله ننتظر اخوى الرايق ماذا بجعبته من اجوبه لي اسئلتك
اللى احسها بتسبب له ازمه بسيطه ف الرد

رآنيا ,شذى الهلالية ,سمو المجد و 2 آخرون معجبون بهذا

خفايآ روح~•• ,رايــق

	المشاركة الأصلية كتبت بواسطة نايف

	الجوله الثالثه وبما انك دخلتنا في اجواء الافراح والاعراس جا ببالي اني افرح فيك ياكبتن السؤال الأول رايق تزوج للمره الثانيه سرا وفي ايام زواجه الاولى يجوب المطاعم والكافيهات والمتنزهات مع عروسته الجديده بكل سعاده وبشكل يومي تقريبا .. بعد ان اخبرهم بالمنزل انه مسافر في مهمة عمل . الا انه في قانون الحياه السعاده لاتدوم وحبل الشسمو ذاك قصير جاء ذلك اليوم المشؤوم وبينما رايق مستمتع بوجبة عشاء شهيه مع عروسته على انغام الموسيقى الهادئه ومثلهم الكثير من الزبائن المزدحم بهم المطعم اذا بامرأه تنطلق نحوك وتكيل لك من الشتائم وتهم الخيانه مالا يمكن استيعابه وما ان استوعبت الموقف وانها ام العيال الا وقد سكبت العصيرات على راس عروسك الجديده وصكت خشتك بصحن المقبلات باللي فيه وغادرت في حالة ذهول منك 1- رايق كيف سيكون تصرفه اولا امام رواد المطعم الذين بدت تتعالى ضحكتاهم امام مظهرك الذي يتقاطر حمص ومتبل وشنبك المغطى بـ بابا غنوج وثوبك المتناثره عليه التبوله كنك في اليوم الوطني 2- امام عروسته اللي تقوطر العصيرات من شعرها ونازله كخطوط لوحه زيتيه على وجهها 3- الحلول والقرارات التي دارت في رأسك لاصلاح الامور واعادة المياه الى مجاريها مع زوجتك الاولى 4- بعد ان غادرت المطعم واصلحت بعض ماافسدته الهجمه الشرسه على ليلتك الجميله وهدأت قليلا هل تغيرت قراراتك التي كنت تنوي اتخاذها عند حدوث العاصفه ؟ 5- وانت تحاول اصلاح الامور فيما بعد اشترطت عليك الزوجه الاولى تطليق الثانيه ماذا سيكون موقفك ؟ السؤال الثاني : بعد اسبوع من حادثة المطعم وانت تعود الى عملك الذي تشغل فيه منصب مدير عام ومتزمت مع موظفيه العاملين تحت ادارته . لمحت الشماته في عيون الموظفين ثم اكتشفت ان احدهم صادف ان كان متواجدا ليلتها بالمطعم ثم قام بتصويرك خلسه وبابا غنوج يتقاطر من شنبك ونثر احداث القصه بين الموظفين ولا تعرف من هو تحديدا انت الان امام الخيارات التاليه : ترك هذا المنصب والبحث عن عمل في مكان اخر وفي الغالب مقتنع تماما انك لن تحصل على منصب بنفس المزايا والراتب وسيكون اقل بكثير ان وجدت البقاء مع علمك بأن صورتك اصبحت مهزوزه في عيون الموظفين وربما تسمع بين الحين والاخر من يسأل عنك بمسمى مدير المقبلات وصل والا باقي السؤال الثالث جاك عرض من شركة افلام بتجسيد قصتك ياعريس في فلم سينمائي بمبلغ كبير جدا يجعلك تفتح مشروعك الخاص بك دون الحاجه الى الوظيفه والمناصب .. لكن هذا العرض يتضمن كشف الاسماء الحقيقيه للقصه والاشاره الى حدوثها معك شخصيا بحيث ان من يعرفك ومن لايعرفك سيطلع على القصه مصوره طبقا للواقع يعني على قولتهم فضيحه بجلاجل . ماذا سيكون موقفك من العرض . خصوصا وانت مهدد بالرحيل من وظيفتك 🥴🥴

كما توقعت هجمه مرتده منك ، على الاستاذ رايق
اعجبتني الاسئله كثيره ، وبانتظاربشغف الردود
علما باني متاكده ان رايق رايح يجاوب الجوابات السليمه ،
وكانه شخص في بالي ، دائما وابدا يجاوب الجواب الصحيح
في المكان الصحيح وفي الوقت الصحيح، في انتظار الاجابات

رآنيا ,شذى الهلالية ,سمو المجد و 3 آخرون معجبون بهذا

خفايآ روح~•• ,نايف ,رايــق

	المشاركة الأصلية كتبت بواسطة رايــق

	إجابات الجوله الثالثه وبما انك دخلتنا في اجواء الافراح والاعراس جا ببالي اني افرح فيك ياكبتن تفرح فيني أنا ...هذا الي ما حسبت حسابه شكلك جبت العيد فيني اليوم هههههههههه السؤال الأول رايق تزوج للمره الثانيه سرا وفي ايام زواجه الاولى يجوب المطاعم والكافيهات والمتنزهات مع عروسته الجديده بكل سعاده وبشكل يومي تقريبا .. بعد ان اخبرهم بالمنزل انه مسافر في مهمة عمل . الا انه في قانون الحياه السعاده لاتدوم وحبل الشسمو ذاك قصير جاء ذلك اليوم المشؤوم وبينما رايق مستمتع بوجبة عشاء شهيه مع عروسته على انغام الموسيقى الهادئه ومثلهم الكثير من الزبائن المزدحم بهم المطعم اذا بامرأه تنطلق نحوك وتكيل لك من الشتائم وتهم الخيانه مالا يمكن استيعابه وما ان استوعبت الموقف وانها ام العيال الا وقد سكبت العصيرات على راس عروسك الجديده وصكت خشتك بصحن المقبلات باللي فيه وغادرت في حالة ذهول منك نايف ههههههههههههههههههه ياولد ماهذا الموقف السيء الي حطيتني فيه هههههههههههه 1- رايق كيف سيكون تصرفه اولا امام رواد المطعم الذين بدت تتعالى ضحكتاهم امام مظهرك الذي يتقاطر حمص ومتبل وشنبك المغطى بـ بابا غنوج وثوبك المتناثره عليه التبوله كنك في اليوم الوطني لااا وجالس يوصف الأخ ويشرح و بالتفصيل كمان ههههههههه أنا الحين استحيت منكم أنتم يا أعضاء المنتدى ...وانتو تقروا هـ الكلام عني وتتخيلوا المشههد هههههه كيف أجل الي شايفيني في المطعم وأنا متمرمط وممسوح بكرامتي الأرض أنا و العروسه الجديدة هههههههههههه أولا/ الزوجه الأولى ما تنلام صراحه ...بس الي ابي أعرفه ((مين قالها ودلها علينا )) هذا لازم أكتشفه ثانيا / ماراح أطالع في الي حولي من البشر عشان ما أزيد أفشل بزياده راح اخذ مناديل وامسح وجه العروسه الجديدة وشعرها ...واشيل المقبلات الي على وجهي ههههههه وامسك بيدها وع السياره ....اذا ركبتها السياره راح اقلها انتظريني شوي وأروح للأولى ....أراضيها ...هي الأصل ياخي ما أقدر على زعلها 2- امام عروسته اللي تقوطر العصيرات من شعرها ونازله كخطوط لوحه زيتيه على وجهها حزنتني والله ...ما تستاهل المسكينه توها عروسه ههههههههههه 3- الحلول والقرارات التي دارت في رأسك لاصلاح الامور واعادة المياه الى مجاريها مع زوجتك الأولى أكيد بروح اصالحها ..ودام اني أقدمت على هذي الخطوه لازم اخترع لي أعذار ...مع اني عارف انه مافي عذر يطفي نار القهر و الغيرة الي أشعلتها في قلب الأولى 4- بعد ان غادرت المطعم واصلحت بعض ماافسدته الهجمه الشرسه على ليلتك الجميله وهدأت قليلا هل تغيرت قراراتك التي كنت تنوي اتخاذها عند حدوث العاصفه ؟ أكيد بتتغير وبهدأ ..وراح أفكر بمنطقية أكثر ...واشوفلي حلول مرضيه ومناسبة 5- وانت تحاول اصلاح الامور فيما بعد اشترطت عليك الزوجه الاولى تطليق الثانيه ماذا سيكون موقفك ؟ تذكرت واحد من الأصدقاء تزوج الثانيه بالدس ...وبعد فتره انكشف وكان طلب الأولى عشان ترضى أنه يطلق الثانيه ....وفعلا طلقها يوم حكالي السالفه ...لمته لوم شديد على هذا الفعل ...لأني ما أشوفها رجوله هذي انسانه ارتبط فيها وارتبطت فيه ...كيف يتخلى عنها بغض النظر عن الأولى وأنها على حق .... والمفروض ان الزوجه الثانيه ...من البداية تشترط موافقة الزوجه الأولى قبل ترتبط في واحد متزوج شوف بالنسبة لي ..دام اني أقدمت على هذه الفعلة ....وتزوجت الثانيه وأنا مقتنع ..فلابد أن أكون قد فعلتي هذي بنت الناس ماهي لعبه ...اتزوجها ..وبسبب موقف معين أطلقها ...هذا مستحيل السؤال الثاني : بعد اسبوع من حادثة المطعم وانت تعود الى عملك الذي تشغل فيه منصب مدير عام ومتزمت مع موظفيه العاملين تحت ادارته . لمحت الشماته في عيون الموظفين ثم اكتشفت ان احدهم صادف ان كان متواجدا ليلتها بالمطعم ثم قام بتصويرك خلسه وبابا غنوج يتقاطر من شنبك ونثر احداث القصه بين الموظفين ولا تعرف من هو تحديدا انت الان امام الخيارات التاليه : ترك هذا المنصب والبحث عن عمل في مكان اخر وفي الغالب مقتنع تماما انك لن تحصل على منصب بنفس المزايا والراتب وسيكون اقل بكثير ان وجدت البقاء مع علمك بأن صورتك اصبحت مهزوزه في عيون الموظفين وربما تسمع بين الحين والاخر من يسأل عنك بمسمى مدير المقبلات وصل والا باقي (مدير المقبلات ) هههههههههههه لاااااياخي هذا كثييير هههههههههههههه انت دمرت حياتي الأسريه وقلبتها فوق تحت وجاي الآن على شغلي ومكان عملي! ههههههههه شوف طبيعتي أنا ما احب الهروب ...إذا فيه شي أحب أواجه ولا ما ارتاح لذلك سوف أعقد اجتماع وأتكلم فيه مع الموظفين عن هذا الفيديو المنتشر بينهم وأقلهم اني أخوكم ..وأنتم أسرتي الثانيه وراح أغير اسلوبي معهم واصير طيب ...عشان ما يحشوني ويقولو (مدير المقبلات ) هههههههههههه وسأبقى في عملي لأني لو نقلت مكان ثاني ....الفيديو راح يلاحقني للمكان الثاني ويكون خسرت منصبي وبدون فايده السؤال الثالث جاك عرض من شركة افلام بتجسيد قصتك ياعريس في فلم سينمائي بمبلغ كبير جدا يجعلك تفتح مشروعك الخاص بك دون الحاجه الى الوظيفه والمناصب .. لكن هذا العرض يتضمن كشف الاسماء الحقيقيه للقصه والاشاره الى حدوثها معك شخصيا بحيث ان من يعرفك ومن لايعرفك سيطلع على القصه مصوره طبقا للواقع يعني على قولتهم فضيحه بجلاجل . ماذا سيكون موقفك من العرض . خصوصا وانت مهدد بالرحيل من وظيفتك هذا زي المشاهير الي يتعمدوا نشر أشياء سيئة عن انفسهم مقابل الشهره و المال أبداً ماراح أوافق على هذا العرض ...اش فايدة المال مع الفضايح الله يستر علينا ولا يفضحنا ياخي ...بيرزقني الله بدون فضايح حتى لو خسرت وظيفتي الله يسامحك يانايف على هـ الأسئلة ههههههه .. ياخي كان جلسنا ع الدراما و الوثائقيات وتركنا المخرج هذا الي امتحنا بالأكشن لازم ينجلد المخرج :60522:

تصرف حكيم
واعجبني جدا مقولتك ( اللى مو قد الفعل لا يقدم عليه ابدا )
دام اساسا فكرت انك تتزوج الثانيه لازم تكون قد عواقبها وقد
الاضرار اللى ممكن تترتب عليه ،
شكرا على مواقفك الرجوليه ، في انتظار المتبقي

رآنيا ,شذى الهلالية ,سمو المجد و 3 آخرون معجبون بهذا

خفايآ روح~•• ,نايف ,رايــق

الجوله الرابعة

	المخرج بطل من الأكشن خلاص يا نايف وقلب ع الدراما التاريخية ابشر يا سعادة المخرج ..

ضيعنا ذا المخرج الله يصلحه
لاطلنا معه مشية الحمامه ولا قعدنا على مشية الغراب😂😂😂😂

	1 - في المدرسه أ- تحدث عن اول يوم دوام .. وقصتك يوم رفضت تداوم ؟

اول يوم طبعا الحماس كان واصل حده اتذكر صاحي من قبل الفجر
وحاط شنطتي على ظهري وناشب لهم رايح جاي بالبيت
استنى بس متى يقول الوالد يلااا
بس بعد مرور الاسبوع الاول وبعد ماتم تسريح الآباء
ومنعهم من المرافقة ..
بدا يظهر الوجه الآخر للمدرسين وراح شغل الترغيب
وبدا شغل الترهيب .
بدا الحماس ياخذ وضعية النزول الصاروخي 🥴🥴🥴
وبعد فتره قصيره بدا نايف يقلب راسه ويفتعل الاعذار
والاسباب لمغادرة تلك المدرسه المشؤومه 😅
و قصة محاولة اني ابطل من المدرسه
قصه اليمه صراحه سبق وذكرتها بأحد اللقاءات
بالمنتدى ودام مصمم على اعادتها
الله يعين ع الفضايح 😁😁😁
بعد كم يوم من الدراسه زي ماذكرت بديت اتملل
من جو المدرسه والنوم بدري وقومة الصبح
قلت ياولد مالك ومال الأجواء المشحونه ذي
راحت عليك ايام التسدح والتبطح واللعب براحتك
فقمت اتشكوى المدرس ذاك ضربني والمدرس
الفلاني سوالي طبعا كلووو تأليف ..
وانا مابي اكمل خلاص .. بس للاسف محد معطيني وجه ..
الين جيت من المدرسه وعندي واجب
كان كتابة بعض الحروف الهجائيه وكلمات تبدأ
فيها وكذا .. وقعدت متنح ومسوي ماني عارف
والدموع اربع اربع واني اذا رحت ماني حال الواجب
بنجلد و و و و
المهم جاء الوالد الله يحفظه يعلمني سو كذا
وذي تنكتب كذا .. اكتب الحرف وقدامه الكلمه
اللي تبدأ بنفس الحرف زي ماهو في الكتاب
وانا ماغير ممسكها صمله وعناد
وردك لايختلف ياولد ... مااااااا أعرف ..
ياقلبي ياعيني ان حليت واجبك وصرت شاطر
بوديك .. بجيبك .. بشتريلك .
وانا مصمم لارضوخ ابدا امام المغريات
يوم قفلتها معه قلي طيب والحين ؟
وش تبي ؟ اخلص علي ... قلت ببطل
قلي بسس ..! قلت بس
قالي كيفك على هواك بتبطل بطل .. وخلاني وراااح
ياسلاااااااام وصلنا اخيرا للهدف المنشود
وبدت الافراح العارمه والاحتفالات جواتي
خلاص افتكينا .. الحين ياولد اجيب المقص
واتكي لكتاب العلوم واقص صور الطيور
والحيوانات والاشجار كل ابوها والزقهم بغرفتي ..
وبينما انا في تلك الاحتفاليه مع نفسي
ماحسيت الا الخيزرانه متواسيه على ظهري :1_rateform:
الا وانا اتقلب في سريري من لسعة الخيزرانه
اححححححح ياظهري
والوالد يسألني هاه باقي معزم بتبطل؟
قلت لااااااااااا خلاص ابوي خلاص والله
تعرف تحل الواجب؟ .... ايه ايه اعرف ...
ايه تمام عفيه ع الشاطر لاعاد اسمع كلمة ببطل
ان سمعتها مره ثانيه جبتلك بدل الخيزرانه ثنتين
والحمدلله كان موقف جميل ودفعه معنويه منيله
كان لها اثر ايجابي اني خلصت الجامعه .
واتوقع لو آخذ جرعه ثانيه بالخيزرانه الحين
بكمل ماستر ودكتوراه

	ب- موقف حصل لك في المدرسه ما تنساه؟

موقف الفيش
هذا الله يسلمك مدرس الرياضيات كان اللي
يجي مو حال الواجب والا مايجاوب يطلع مفاتيحه
من جيبه ويقلوو يلا دخل المفتاح في الفيش
خل الكهرب ياكلك وافتك من التيوس اللي زيك
وعاد الواحد ياخذ المفتاح ويتراعد يقدم خطوه
ويوخر خطوه ويترجى في المدرس والدموع
تتسابق تكفى تكفى اخر مرررره
المهم مع مرور الايام مره جاب مدرس القرآن
مسجل عشان يسمعنا الترتيل والتجويد
ويوم شبك المسجل اكتشفنا ان الفيش اصلا خربان
وصار بعدها اول مايعطي المفتاح اي واحد
يروح طيران للفيش
ويقوم هو يقله خلاص خلاص انثبر ياويلك ان ماحليت
او جاوبت المره الجايه مايدري ان خطة الفيش انكشفت

	ج- هل حصل وانضربت من معلم .. اذا نعم اعطينا الأسباب وكيف ضربك ؟

صراحه مااذكر ذاك الضرب الضرب هبده خفافي
وما شابه عشان الصحصحه فقط
الحمدلله مشواري الدراسي الى حد ما كنت متفوق
وبنفس هادي ومو راعي مشاكل بالمدرسه

	2- في البيت أ - اش كنت تسوي أول ما ترجع من المدرسه وتدخل البيت؟

اتغدى واريح للعصريه بعدها اذاكر واحل واجباتي
لمين المغرب او بعده شوي
بعدين لعب ووقت مفتوح لمين عقب صلاة العشاء
بعدين عشاء ونوم

	ب- هل كانت هناك العاب تتشارك فيها مع اخوانك وخواتك في البيت؟،، اشرحها لنا؟

طبعا البدايات مع جهاز سيقا
وذا كنا نتجالد عليه انا واخواني كثير كل واحد يقول دوري
واللي يمسك الجهاز ياخذ من الترفيس والاستعجال لين يدوخ
خصوصا اللي يكون حريف في اللعبه ومايموت بسرعه

بعدها انتقلنا لعصر بلايستيشن ون ولكثرة الالعاب فيه
وكمان مراحل اللعبه زي كراش وببسي مان
واشرطة فيفا .. اشترطت على الوالد اذا جبت درجات
عاليه ياخذلي جهاز خاص فيني وتم لي مااردت
وافتكيت من الهوشات والترفيس

	ج- اذكر لنا موقف معين نكبت فيه البيت وزعلت الجميع منك ؟

مره سويت تفجير قنبله صوتيه في البيت 😱😱
وبغيت انجلد الا شوي
جبت قارورة ميرندا كبيره وحطيت فيها قطع قصدير
مفتوله وكبيت عليها فلاش وقفلتها وخليتها في الشمس
ويوم انفجرت الا اهلي في البيت يتصافقون
في الجدران مايدرون وش اللي صار
المشكله يوم خميس والوالد بعد موجود في البيت
ويوم طلع يستكشف الامور الا انا مقابله اركض
من الخرشه وشفيه وشفيه الا شاف الآثار
وماامداه يرجع يلحقني الا انا زابن
بحضن ست الحبايب وطول اليوم اتنحش عن وجهو
لين عدت الامور بسلام طبعا بعد التعهدات المشدده
بعدم العوده 😅😅

للي حاب يشوف تجربه مماثله بس لايسويها 😊
https://youtu.be/47IQpXMg4gY

	3- على مستوى الشعور أ- اذكر لنا اكبر فرحه لامست قلبك ؟

حفل التخرج من الجامعه

	ب- موقف اثر فيك ؟

دموع امي وفرحة الوالد وقتها لاني حسيت بمقدار
السعاده اللي اهديتهم اياها لقاء تعبهم معي
طيلة سنين الدراسه .

	ج- شخص اثر في نفسك ومستحيل تنساه ، من هو ؟ولماذا ؟

جدي وجدتي الله يرحمهم في وجودهم كانت الحياه
اجمل واجتماع العائله في بيتهم سواء خلال الزيارات
العائليه او المناسبات كان شي مميز يستحيل ان ينسى 😢😢

خلصنا على خير
ولي عوده بأسئلة الجوله الرابعه

طُهر. ,عَـبوْرَهہْ♥ ,رآنيا و 7 آخرون معجبون بهذا

شذى الهلالية ,رايــق ,عتب خرساء• ,سمو المجد ,آلنـور ,خفايآ روح~•• ,الجوهرة