04-23-2022, 01:26 AM | #241 |
|
رد: بصمات خيال الطير
أجهلك .. ولي سنين اتخيلك
اتمثلك في كل طيف .. والقاك في قسمات ضيف كل المشاعر له تقول .. حنّا هلك أجهلك .. ولي سنين اتخيلك القاك في بعض الوجيه .. ويمرني طيفك واجيه يا باكر اللي اجهله .. ارقتني الأسئلة وابطى العمر يستعجلك .. أجهلك .. ولي سنين اتخيلك بالعيوب وبالمزايا .. بالألم لامن هجرتي يجتاحبي ضلوع وحنايا اتخيل شكوكك وظنك .. اتخيل التقصير منك حتى الجفا اتخيله .. وكيف انا باتحمله .. واتحملك أجهلك .. ولي سنين اتخيلك وجهك اللي قد حبسته داخلي في غمضة عيوني واللي ياما قد رسمته .. من عبث طيشي وجنوني وجهك اللي دوم يظهر لما ألقى نشوة الفكرة الجديدة داهمتني لما القى انكساراتي قصيدة واكتبتني وجهك اللي دوم يظهر في اعاصيري وسكوني في الجبال الشاهقة في أجمل خيالي في السفوح الخافقة بين نبضي وانفعالي وجهك اللي قد نحته في عظامي والجوارح وجهك اللي قد حفظته وبتفاصيل الملاح بالنهار في بسمته .. بالضيا اللي في ورودة بالعبوس في غضبته .. بالتضاريس وحدوده من جنوحه في البها .. لين اقصى نقطة في كاسر جماله للعذوبة .. من شروق النور في ضيه للشعر في غروبه من شطوط الكحل في عيونك لنحرك من بياض الثلج في خدك لجمر ٍ قاد في ثغرك وجهك اللي ما ابد يوم لمحته .. او عرفته لي سنين اتخيله .. واتخيلك ياللي كلي بك معرفة .. واجهلك ما اصعبك .. كيف الاقيك ما اسهلك .. لو الاقيك ياللي دوم اتخيلك مملكة حسن الزمن وأنا الملك |
|
03-30-2024, 02:12 AM | #242 |
|
رد: بصمات خيال الطير
مساجلة ... قديمة في منتدى ...تقفل
مع شاعرة ... راقية مها الرياض : : من الذكريات الجميلة ... الله يحفظها ويستر عليها وين ما كانت |
|
05-10-2024, 04:08 PM | #243 |
|
رد: بصمات خيال الطير
القلــب لو يكتـب علـى بيـض الاوراق
كتــب علــى بيـض الدفاتـــر فديتك جيتك غلا جيتك وفـاء جيتك اشواق عفـت الخلايـق كـل ابوهـم وجيتك يامن سكنت القلب واعماق الاعماق وسكنت روحي وصـارت الروح بيتك والله انـــي اعشقــك لاخـــر انطاق واموت بك من حـب صادق فديتك : : صباح الخير ...يا ......... أغلاهم |
|
05-11-2024, 04:56 AM | #244 |
|
رد: بصمات خيال الطير
الشـوق ماله وقـت يا ساكـــن الروح
ما دام طيفـــــك ما يفــــارق خيالي اتذكـــرك والقلـــب يشتــاق ويبوح ويصيــح فــي الاعمـاقى يابعد حالي كابرت شوقي لاكن الشوقى مفضوح والشوق مالـــي في سكوته مجالي حاول تحــس بلهفـت الروح ياروح وخليـك اقــرب يا الغلا في وصالي |
|
05-12-2024, 07:14 PM | #245 |
|
رد: بصمات خيال الطير
تِدْرِي مِتَى بِتِعْرِفْ قَدْرِي وْ تِفْقِدْنِي ؟
لاَ رِخَصْتْ نَفْسِكْ لِشَخْصِ مَا يِرَاعِيهَا بُكْرَهْـ لاَ هَمْلُوكْ النَّاسْ تَذْكِرْنِي وْ تِقُولْ عِزَاهْـ عِينِي مِنْ يِدَارِيهَا ؟ مَدَامْ غِيرِي عَلَى قَلْبِكْ { مِشَارِكْنِي } وِشْ هُو لَهْ أَعَلِّقْ الآمَالْ وْ أَبْنِيهَا يَكْفِينِي إِنِّكْ رِحَلْتْ وْ مَنْتَ { عَايِفْنِي } هَذَا عِزَا النَّفْسْ مِنْ كِثْرَة بَلاَوِيهَا أَهْدِيتِكْ دُمُوعْ مِنْ طَعْنِتِكْ تَحْرِقْنِي وْ إِنْتَ إِللِّي تِسْتَاهِلْ الدِّنْيَا وْ مَا فِيهَا واهديتني جرح موجعني وْ عَاجِبْنِي لأَنَّ الهَدَايَا عَلَى مِقْدَارْ مِهْدِيهَا صَحِيحْ { حِنَّا انْتِهِينَا } بَسْ صَدِّقْنِي وَاللّه إِنِّكْ تِبْقَى { هُوَى رُوحِي } وْ غَالِيهَا مَفْضُوحْ رَاعِي الهِيَامْ وْ نَظْرِتَه تِغَنِّي مَلاَمْحَه وَاضْحَة فِي وَجْه رَاعِيهَا لِكُلِّ دَاء ٍدَوَاءْ لُو هُو مِتْعِبِنِّي إِلاَّ مَحَبِّتِكْ عَيَّتْ مِنْ يِدَاوِيهَا إِنْ قِلْتْ عَلِّمْنِي أَنْسَى ؟ لاَ تِعَلِّمْنِي دِنْيَايْ لاَ مِنْ نِسِيتِكْ وِشْ تَالِيهَا ؟ فَارَقْـتِنِي وْ ضَحْكِتِكْ عَيَّتْ تِفَارِقْنِي وَاللّه يِلْعَنْ أُبُو الفَرْقَا وْ طَارِيهَا مَقْدَرْ أَفَكِّرْ بْغِيرِكْ وْ إِنْتَ عَارِفْنِي عَشَانْ حَاجَة بْقَلْبِي مَقْدَرْ أَخْفِيهَا أَخَافْ لاَ حَبِّنِي غِيرِكْ وْ عَاشَرْنِي يِشُوفْ صُورِتِكْ فِي عِينِي وْ يُوحِيهَا نِشَدْتْ عَنِّكْ وْ سِمَعْتْ إِللِّي { يِفَرِّحْنِي } وْ يِرْتَاحْ صَدْرِي مِنْ هُمُومِ يِحَاتِيهَا ( تَبِي تَعْرِفْ وِشْ عَلَى الفَرْقَا مْصَبِّرْنِي إِنِّكْ بْخِيرْ وْ حَيَاتِكْ مِتْهَنِّي فِيهَا ) |
|
05-12-2024, 07:25 PM | #246 |
|
رد: بصمات خيال الطير
عليك إسلوب . .
يخلّي إلْـ ما يذوب ~ يذوب ، على النيّة تكلّمهم ! لأنّك : ( طيّب و حبّوب ) أنا كم مرّه قايلّك ، حبيبي : - لا يشووووفونك .... ولا أبيهم - يكلمونك .. ولا تضحك : يا غالي ... تو و و ب ! ولا تسولف مع غيري علينا كل شي محسوب ترى بعض البشر يفهم كلامك : صوب ، وقصدك ، صوب ! أنا .. مو ناقص العالم يِحَسْدوني ، على عيونك يذمّوني ، و ... يغيرونك ونِعيش فْراق ~ يا طيّوب ؟ أموت إن عِشت من دونك تعااااااااال إشرق ولا تَغْرِب عن عيوني : كفاك غر و و و ب ! وإذا تفكّر تقاطعهم فديتك : هذا هو : المطلوب . . أنا ما أبي يسمّونك : حرامي قلوب .. |
|
الكلمات الدلالية (Tags) |
الطير, بصمات, خيال |
الذين يشاهدون محتوى الموضوع الآن : 7 ( الأعضاء 0 والزوار 7) | |
|
|