الالعاب | أقلام مبدعة | اضافة خلفية للموضوع | إبداعاتِكم | قوانين مجتمع غلاك |
|
09-20-2020, 01:49 PM | #13 | |||||||||||||||||||||
|
رد: الأخ الفاضل نايف /ضيف كرسي الاعتراف
هلا وغلا فيك اكثر اختي رانيا منور الكرسي ربي يسعدك بوجودكم الله يحفظك سؤالي لك لاحظت انك اول ماسجلت معانا ماكان لك تواجد كبير هل احببت المجتمع ؟ تعرفين في البدايه وصلت وشفت الديره واهلها واعجبوني .. ورجعت اجيب عفشي واغراضي وعلى بال مالميت عفوشي وشحنتهم واستقبلتهم هنا واثثت ورتبت واستقريت عاد بديت اخذ وضعي معكم وتشوفوني واشوفكم بشكل اكبر .. وللامانه الناس هنا في مجتمع غلاك يجبرونك على حب المكان واهله والاندماج معهم بأسرع وقت - موقف مضحك مريت فيه ؟ امممم لازم الفزايح يعني😁 مره كنا طالعين انا وخواتي واخوي الاصغر نفر شوي ومن قرادة الحظ قمت وعزمتهم ع العشا وماكذبو خبر وين وين اتفقنا ع المطعم خلاص رحنا وطلبنا وتعشينا بعدين قمت انا بالاول عشان اروح اغسل واحاسب على بال مايلبسون عبيهم وكذا.. وانا قايم امشي من ورا كرسي اخوي والمكان شوي ضيق نسيت انه اللي جنبي بارتشن متحرك وركيت عمري عليه بقلهم بحاسب واسبقكم السياره انا تركيت والا ماتركيت والبارتشن روح فيني على عايله جنبنا خبط في كرسي الرجال وشقلب فيني وانسدحت فوقه جنبهم🥴🥴 والحرمه وعيالها تناقزو ا من كراسيهم وانا صاكتني حالة ذهول على فشله .. واخواني الكلاب مكملين العرس ومتسدحين ضحك على الطاوله الله يقلع ذي الروس ويقلع من عزمكم المهم الرجال يمد يده يقومني سلامات سلامات واحسه بينفجر ضحك وماسك نفسه وانا اتعذر واتصدد بوجهي ياضيعة الوجه والله .. واشيل عمري احاسب والسياره حتى الغسيل هونت عنه مسحت بمناديل بالسياره والانذال اخواني جو كملوا المسرحيه بالسياره متسدحين ضحك لين وصلنا البيت . لاعادها الله من عزومه لاسلمنا الخساير ولاسلمنا الفشيله .. وابشركم من ذاك اليوم ليومكم ذا المطعم ذاك جتني منه عوفه ماعاد طبيته واستروا ماواجهتم ✋🏼 - اشياء تعجبك بالمجتمع ؟ الكم الجميل من المواضيع المطروحه وتفاعل الأعضاء بشكل عام مع مايطرح قد تكون الميزه الواضحه للعيان والمتفرد بها مجتمع غلاك - نعطيك كرسي اكبر والا مرتاح ؟ لا خلاص خذيت عليه ماله داعي اغلبكم |
|||||||||||||||||||||
التعديل الأخير تم بواسطة نايف ; 09-20-2020 الساعة 01:54 PM
|
الكلمات الدلالية (Tags) |
/ضيف, اللي, الاعتراف, الفاضل, رايق, كرسي |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|