يا صاحبي

يا صاحبي

بسم الله الرحمن الرحيم
السلام عليكم

رابط الملف الصوتي :-

https://g-lk.com/up/do.php?filename=171682114371011.zip


رابط الملف الصوتي للمنتديات :-

https://g-lk.com/up/do.php?filename=171682114371011.zip


القصيدة :-


ياصاحبي عقب السهر والتناهيت
وليل طويلٍ بين ونّا و ونّا

قامت تخاطفني كفوف العفاريت
من عقب ماني دالهٍ مرجهنّا

هيضتني ياصاحبي واستفزّيت
هواجسٍ بين الظلوع ارثعنّا

لكمت جرحي حيثك اليوم وزيت
جرحن خفي بالضمير استكنّا

وانا احسب اني من صوابي تشافيت
ثاري ليالي الصبر ماعالجنّا

دنّيت لي دلّه ومنها تقهويت
بنٍ وقلبي فوق محماس بنّا

وصبيت من همي فناجيل واسقيت
بنات فكرٍ بالشعر ما بخلنّا

وجتني شياطين القصايد عناتيت
وجتني القوافي طايعه ما عصنّا

وسطرت منها ابيات شعري ونقيت
فرايدٍ من جرح جوفي لقحنّا

ماهي مثل شعرٍ لبعض السرابيت
وملصمقين القاف منّا ومنّا

اللي يخلط المي ياصاح بالزيت
واللي على وزن القصيد يتجنّا

هلفوت شعر يحسب انا هلافيت
ثم قال انا شاعر و بالشعر غنّا

عز الله اني من القصايد توذّيت
شفنا لحونٍ ماتناسب لحنّا

وش لك علي يامدورٍ لذّة البيت
هيظتني وجتّك على ماتمنّا

اخذ الجروح اللي سببهن تدمّيت
ودوك الشعر ينبيك عن غيبهنّا

ماهي جروح من غرام وبناويت
حتى لو انهن بالحلا يسحرنّا

مالي عليهن ياعميلي تلافيت
لو يلفتن غيري ترى ما الفتنّا

ماهي جروح من الهوى يوم حبيت
ولا هي من اللي ناقش الكف حنّا

هذاك لا بين طرف صدّ صدّيت
لو كان عشقه بالفواد يتثنّا

ان مانسيته لو جفاني تناسيت
حتى لو الاشواق بي يلعبنّا

جرحي كتمته بالضماير وكنّيت
همٍّ نهش صدري بنابٍ وسنّا

دونك رموزٍ بين الابيات حطيت
وبعض الرسايل بالقصيدة دفنّا

الجرح ذوقني مراره وحلتيت
وسبعة سنين بمرهن جرعنّا

سبعة سنين بالعدد ماتعديت
سبعة سنين بالعدد ما انقصنّا

سبعة سنين بالعدد ماتهنيت
سبعة سنين بالعدد زهّدنّا

سبعة سنين بنومنهن ما استلذّيت
سبعة سنين بالشقا سهّرنا

سبعة سنين بين فرقا وتشتيت
سبعة سنين بالدول شتتنّا

عز الله إنّي من عنا الصبر ملّيت
وهموم صدري كالذياب يعونّا

ياوجد حالي كل ما اصبحت وامسيت
وجد الّذي من دون ذنبٍ تجنّا

وجد الذي تضحك عليه الشماميت
على وطن ماعاد يشبه وطنّا

ضاع الوطن واحنا على كف عفريت
وبعض اللوالس ياعرب شربكنّا

جتني علومٍ منّهن ما اسفهلّيت
وبعض الامور بشوفهن كدّرنّا

بعض السوالف مثل شخط الكباريت
اللي شخطن بالجوف ثم احرقنّا

بعض اللحون تمر واليا استصنّيت
تسمع بها انغام الشتات يحدنّا

وبعض الفتن جتنا تقسّم لنا البيت
خلكم لهن صاح لا يفتننّا

بعض السوالف جت على غير توقيت
وجروحنا رطبات ما نشفنّا

اشوم نفسي عن كلام المفاليت
وبعض الهروج اليوم مايلزمنّا

نعرض عن الجاهل ونعرض عن الهيت
لا يحسبونا هايتينٍ جهلنا

لاشك لو نحرق اصابع دناميت
كان فجرن باحضاننا وطشّرنّا

وش ينفع الندمان لو قال ياليت
ان جرّن الونّات موّالهنّا

وبالرمز انا يامحلل القاف خصّيت
ناسٍ تفرق شامنا عن يمنّا

قبل ابتدي بدع القصيدة تقصّيت
خوف الرسايل للبعض يظلمنّا

والا انت ياللي مبتلش بالفتافيت
اترك سوالف مبلشك طردهنّا

إن كان بكّ امراض ولغيرك اعديت
فينا مناعه امراضكم ما عدنّا

هاك العلاج اليوم مني براشيت
يشفي لك امراضٍ عسر طبّهنّا

ماينفعنّك سكبة شماغ وبشيت
وسمايل البسطات مايخدعنّا

وان كان للبشت الحساوي تنصّيت
البشت وده متون له يرهمنّا

كانك تحبّ الصيت يامدوّر الصيت
تلقاه في حدّ الصقيل المحنّا

وتلقاه بالفزعه ليا من تعزويت
وتفزع بما جادن يديك وعطنّا

وتلقاه مع ربعك اليا من لهم جيت
بافعال وعلومٍ لهم نومسنّا

وتلقاه لامنّك على الخير دلّيت
واصلاح ذات البين من بينهنّا

وقولة مراحب يا هلا بك وحييت
وسمان دون الضيف له يُذبحنّا

وادخل دخيل البيت اليا نصى البيت
خطو البجيدي مزبنن للمجنّا

واليا انطلبت الراي وبرايك ادليت
رايك سديدٍ دون شكّ وظنّا

وان شهّدوك الحق بالحق مااخطيت
جبت الحقايق لوّهن يزعلنّا

من دون ربعك كان جيت وتحاميت
مواقف التاريخ لك يحسبنّا

اليوم حي وعقب باكر ترى ميت
وايام عمرك مسرعه ينقضنّا

ماينفعنّك سكبة شماغ وبشيت
ودسايسك بين العرب ما نفعنّا

تاريخ جدك مانفعك ان تردّيت
وكلٍ فعوله بالعرب يظهرنّا

الفعل فردي والجماعه لها الصيت
وسوالف الرديان ما نقّصنّا

الكل يكرب محزمه وانته ارخيت
ورجل بليّا حزام ضاع وتدنّا

ضايع وبدروب المتاييه ولّيت
ورجليك عن درب الرجال احرفنّا

وان رحت عنّا يالحزين وتنحّيت
لاتحسب انّ البعد عنّك غبنّا

من دون ربعك مايدفيك جاكيت
وصفاحك من البرد مايدفيّنا

لو كان رحت وجيت وزعلت ورضيت
ما نرتضي باللي يفرق ظعنّا

مدري فقدت العقل والا استجنّيت
والا ركبك اليوم ستين جنّا

منهو انت ياللي تحسب ان انت قصيت
حبال وصلٍ بيننا يجمعنّا

انت انت هيه انت انت ياللي تعديت
بعض الخطوط الحمر بسلوم اهلنا

كم نوبة عنّك سكتت وتغاضيت
لنّك ولنّا بسّ لنّك ولنّا

ربعٍ ويوم انّا سكتنا تماديت
واقبلت بعلومٍ عليك شحننّا

يومك تصيح اليوم قلي شساويت
وانته ورى حدّين تثغي وتحنّا

ماغير نفسك بالشتيمات ضرّيت
منهو سمعك يقول حرر وطنّا

ان كان طبعك شين والا تشانيت
لا تحسب انا مثلك اليوم شنّا

كانك على بذر الضغاين تربّيت
كلن كفوفه تحصد اللي زرعنّا

وان كان من ثوب الكرامه تعريت
كل المكارم عن جداك انتحنّا

وكانك على نهج الرزاله استمريت
كفكف بلاويّك ولا تمتحنّا

اغنم شبابك كانك لقولي اوحيت
من قبل ماكنت انت كنتوا وكنّا

ربعٍ لهم في غرّة المجد تثبيت
اليا تقاطب عجّها مع دخنّا

ربعي وفي سوق المراجل مباخيت
خلقه من الله اقدارنا بخّتنّا

وبعض الدلايل ماتعوز التثابيت
لنا مواقف باللزوم اثبتنّا

لاعشت يا راسي ان كانك تتقّيت
ولاعاش منهو عن اللوازم تونّا

وضّحت رمز القاف من عقب مااخفيت
خاف انّ بعض عقول مايفهمنّا

جنّك ثمن عشرات وان كان مااكفيت
ابشر ولك من فوقهن دبلهنّا

وصلاة ربٍّ له خظعت وترجّيت
على النبي اعداد موجٍ تثنّا

.

للشاعر المبدع/ ثامر الفاعوري🌹

الموضوع الأصلي: يا صاحبي || الكاتب: علي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

dh whpfd