أقلام مبدعة | نجم الأسبـــوع | اضافة خلفية للموضوع | إبداعاتِكم | قوانين مجتمع غلاك |
|
|
أدوات الموضوع | انواع عرض الموضوع |
06-01-2022, 04:09 PM | #1 |
|
عِنب الوصال / مصافحة أولى !
السلام عليكم
شكراً لكم على حسن ضيافتكم و أرجو أن تكون أول خطوة لي هنا موفقة و تحوز على إعجابكم و مباركتكم .. و أرجو أن لا تمانعوا بأن تكون منثورة باللغة المحكيّة . أختكم : قارورة (( عِنب الوصال )) هْناك .. تنتظرني أناي ! و أنا هنا .. معي أنتظر بقاياي ! أدوّر نِفَسْ .. و انفاسي تعِّبَتني أفكّر أخنقني .. أسجِنِّي أفرّقني ولا أجمَعنِي بين الشي و الشي .. شيٍّ كبير من كبره صار .. ولا شي يكتِبني أعافر .. في بحر حلم راكد كل موجه خيال .. و انا موجي جَزْره محال حتى إيديني أطول من هالخيال .. بس استحيت أقطف .. عنب الوصال قال : حامض ؟ قلت : لا .. حالي بزيادة و ان زاد الحلا يقولون مشكوك بأمره يقولون مو حلال .. قال : اخذيلك رشفة .. و اعترَتني رجفة .. أحسنلي أروح هناك .. و المّ شملي بأناي نتعافر مع مرايه .. و نتصارع مع رواية نرسم الحلم بأناقة .. وَهَم ماله نهاية كل الحكاية .. م البداية سؤال : تقدر تكمل الدرب معاي ؟! قال / عندك شك ؟! قلت : مو إنتَ ريَّال .. فِتل شاربه و عقد الحاجبين : طبعاً .. ما فيها كلام ! ابتسمت له و قلت : و دامك رَيَّال .. ما بتقدر تكمّل معاي ! دربي طويل .. و انفاس الرجال قصيرة .. ما تحمل أحلامي الكبيرة و لا تقدر تشيل نص حزني .. و لا ربع هَمّي .. و لا بتفهم المكتوب .. باوراقي القديمة ثلثين اللي قلته كلام .. و ثلثين اللي قلته ظنون .. و ثلثين على ثلثين .. ما تستوي قصة .. يمكن اللي استوى .. على نار البعد شوية اوهام .. uAkf hg,whg L lwhtpm H,gn ! H,gn hgkshx |
|
06-01-2022, 05:12 PM | #2 |
|
رد: عِنب الوصال / مصافحة أولى !
•'
و عليكم السسلام و الرحمـٰهه اطلق من يشارك نحن معاج في كل خطوه ، لي الشرف اكوون اول من يرد ، خاطره جمييله ولو قريتها مرتين :ff1 (141): راقت لي حروفجج ، الحرمه دايما تحب تلف ادور ههه:12240: لا تحرمينا من يديدج لج نقاط ،200 |
.
. .. لم أعد گالسـابق .. . . |
06-01-2022, 07:03 PM | #3 |
|
رد: عِنب الوصال / مصافحة أولى !
،
ي مرحبا بجج ، و بداية جميله والله ، اما عن الحوار فهو رآئع جداً .، مذله كـ قلمكِ ، سرد مميز ، أبدعتي يا قارورة ، ثلثين اللي قلته كلام .. و ثلثين اللي قلته ظنون .. فنانه ،، تقيم ، و ننترقب جديدكِ محبتي ، |
|
06-01-2022, 10:33 PM | #4 |
|
رد: عِنب الوصال / مصافحة أولى !
دربي طويل .. و انفاس الرجال قصيرة .. ما تحمل أحلامي الكبيرة
^ لعنصريتي وانتمائي للرجال اللي الله يفشل بعضهم ومدري يمكن أكون منهم ..تمنيت أن يصل مقص الرقيب هذا السطر هذا السطر خطر علينا معشر الرجال .لسهولة حفظه وجمال حبكته ولشدة ملامسته للواقع ممكن ينتشر ويصير متداول وحجة علينا وبعدين وش يفكنا من بنات حوا (: ولو لم تكتبي إلا هذا السطر لكفاك في إثبات شاعريتك للأمانة أول مرة أقرا نثر للنهاية خذتيني للنهاية بدون احس صح لسانك وأهلا بك وبفلسفتك وأدبك فغلاك |
|
06-01-2022, 11:25 PM | #5 |
Nashmi
|
رد: عِنب الوصال / مصافحة أولى !
بين الواقع والخيال
بين الشعور والاحلام والنتيجة في نهاية الكلام وماخلف السطور معاني اعمق قاروره قلم ممتع ومميز ويلامس الشعور كتبتي فأتقتني الوصف بكل سلاسه صح بوحك ويعطيك العافية وبانتظار كل جديدك تحياتي |
|
06-02-2022, 03:29 AM | #6 |
الولهان عبدالله
|
رد: عِنب الوصال / مصافحة أولى !
بدايه ممتازة ونأمل منك المزيد من التألق والإبداع
|
|
الكلمات الدلالية (Tags) |
مصافحة, أولى, النساء, عضوة |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|