ذيبه فهيئة غزال
قديمة
تقبلوها ببساطتها ومباشرة أبياتها كانت مجرد مداعبة لأمي اللي كرشتني في النهاية وقالت هالنوعية منقرضة :m1: : : ماني باعَجْب الماصخه أو أعْجب أشباه الرِجال ............ومْن النسا يمّه أبي بنتٍ جميله ديِّنه ...........أحلى حلا إن كان ما فِوَجْنِتَه عفَّتْه خال ...........هيِّن وَلو هو يسْلب فْيسلب أوادم هيِّنه ............يمّه فديتك دوِّري لي ذيبه فْهيئةْ غزال .........تجْمع شتات اللي حياته من سنين مْطيّنه طفله تشاكسني بْمرح بس تكره تْخوض فْجدال ......................فمْعاتبتها ليّنه والياتعَبْت حْنيِّنه .......اتكون لي برد وْسلام وْفخر وضْماد وْظلال .............وْسِتْرٍ لِعيبي لاازْعَلَت للناس ماهي تْبَيِّنه ماتعْبَس ان جوني ضيوف وْلو خلا البيت الرّيال ..............والياخذَت مني رِيال اليا طفَرْت أعيِّنه ........هذي وبس اللي أبيها في الحلال وللْعيال ...........ياهل ترى يمّه بالاقي بنت من هالعيِّنه ؟ |
أول مرة أشوف لك موضوع من شاركت هنا :d
ما شاء الله القصيدة جميلة جداً مبدع وفنان حلوة مواصفات الذيبة 👌🏻✨ صح لسانك ويعطيك العافية وخلنا نشوف جديدك 👍🏻 |
رد: ذيبه فهيئة غزال
إيه روح أنا مقل..أصب من قطارة
بس عمرتي فهالقسم تعادل حجة نورتي وشكرا لك |
رد: ذيبه فهيئة غزال
.
. القول ما قالته الوالده هههه صح لسانك شاعرنا اجدت وابدعت الله يرزقك بنت الحلال اللي تسعدك وتسعدها ويحفظ لك الوالده ويطول في عمرك وعمرها في طاعته .. |
رد: ذيبه فهيئة غزال
إيه يابن الهيثم :m1:
وارررحب والوكاد إن محد كامل لارجل ولاامرأة بس الانسان طماع ولو يرضى في القليل بيعطيه الله الكثير وزيادة وهذي مجرد مداعبة وتعجيز لأمي :m1: وجزاك الله خير وأدعو لك بالمثل |
رد: ذيبه فهيئة غزال
اقتباس:
والبقى الكامل وجه الله ومثل ما تفضلت وقلت الرضى بالمقسوم وراه خير عظيم دمت ودام لك الخير والسرور .. |
الساعة الآن 06:56 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~