( حلى بالفواكه والمكسرات)
 

أتيناكم بعد أنقطاع :d:11:

انا طبخاتي موسميه مو كل حزه
فلذلك من الحماس سويت نوعين حلى
وأفخاذ دجاج بالعسل
وجيب التاجر
وسلطة الجرجير والقرع

والله أني طيرة شلوى
وشقرديه
بس هل من مُقدر ؟!





الموهم بعد جرعة الترفيع لي لبى عيني والله :d:11::11:
بسدح لكم حلى خفيف لذيذ وحلاه موزون والله
ومنعععش
أنا عندي أمي الله يخليها لي م تحب الحلى كثير
وإعجبها هذا جداً لانه معتدل
فلذلك تأكدت أنه لذيذ مدامه أمي حبته :11:

والأهم تراه من بنات أفكاري
جعل ربي م يخليكم مني بس
:d:11:






المزادير :
كيك فانيلا مكعبات حابين انتم تسوونه أوجاهز ( اهم شئ يكون بدون كريمه وحشوه ساده ويفضل كيك سارالي او فونتي )

للامانه انا احب اسويه :11:

عصير فراوله اي شركه والافضل يكون ثقيل

دايجستف مجروش
فستق مجروش
رمان
توت اسود
توت احمر
توت ازرق
فراوله

دريم ويب
حليب مراعي بارد والاهم بارد
قشطه
جبن كريمي
فانيلا


الطريزة :


اول شئ اخلطوا الدريم ويب مع الحليب لبارد
لكل ظرف دريم ويب بيالة حليب
بخلاط الكيك اخلطوا ع اعلى سرعه وخففوا بالتدريج
الى م يكون قوامه كريمي جداً وثخين
بعدين اضيفوا القشطه والجبن واخلطوا ع درجة سرعه متوسطة


ثمً تقطعون الكيك مكعبات
وتصفون طبقه منه بشكل عشوائي وبعدين تسقونه عصيرفراوله
(مو تغرقونه )
وبعدين تحطون فوقه دايجستف مجروش شوي
وفستق شوي وقطع فراوله وتوت احمر وازرق واسود ( بكميه معقوله )
وتحطون الطبقة الكريمية
بعدين طبقة كيكة مسقى فقط وتحطون الطبقه الكريميه بعد اضافة الفانيلا لها رشة بس
وع الوجه كتروا كتروا م تبخلوش من التوتي الفروتي والرمان :d:11:
ودايجستف مجروش وفستق
وحطوه بالثلاجه الى م بعد صلاة التروايح
وبعدين استمتعوا باللذاذه والحلى الموزون مع فنجال قهوة مهيله ومحبوكه صح
وأدعوا لي :d:11:







https://j.top4top.io/m_2287tz2po0.mov

رد: الموت ولا المدله ( حلى )
 

_









ي لبى الناس السنعة :d:82:
من المقادير حسيت بيكون يممي ولذييذ
ضروري اجربها
تسلم الايادي خفايا :82:

رد: الموت ولا المدله ( حلى )
 

-




مرحب بقدومك يـ البطه :d:82:

أنا اقدرك يـ بعد عيني
عسى دائم متواجدهـ حولي في القسم :d:82:

الشكل جداً مشهي و لذيذ
و واضح انه يبرد على القلب و منعنش :82:
فـ جاء في وقته :82:

يعطيك الف عافيه و تسلم إيدك :155:




-

رد: الموت ولا المدله ( حلى )
 

لا لا لا وش ذا التهور خفخف
وش ذا الاندفاع نحو الابداع
طلع فيك طب ويستفاد منك :d
المهم بعد خلط المزادير الله يحفظك شيف خفخف
وخصوصا بعد مادحشتي كل انواع التوت في الوصفه
وش اللون اللي طلع معتس :d
بس بطله عجبتيني تحديتي سطول ودهانات رانيا
والوانها وطلعتي لون مستحيل تقدر عليه :d

تسلم دياتك شيف خفخف
وتستاهلين الاعجاب والتقييم والنجوم الخمس

رد: الموت ولا المدله ( حلى )
 

تسلم الايادي ويعطيك العافية

رد: الموت ولا المدله ( حلى )
 

لغاويص مجمعه ومسميتها حلا .
يلا اهم شي يتدحدر :p

تسلم الايادي