كرسي الإعتراف الرمضاني مع المديره رانيا
 

السلام عليكم ورحمة الله وبركــــــــاته....
هـل هلالك رمضـان قـبل أيـام معدودات وراح يكــون فيهـ
كرسي الأعتراف
الطريقة نستضيـف ضيف على هذا الكـرسـي من أعضـاء منتدانا الغالي
الأسئلة وهـي
:
س1_ اسمك ؟؟
س2_كم عمرك؟؟
س3_رايك في رمضان هذي السنه ؟؟
س4_أذكر لنا قصة او موقف حدث لك في رمضان؟؟
س5_اكثر اكله تحبها في رمضاان ؟؟
س6- وش تفضل فطورك مع الاهل ولا برووحك ؟؟
س7ـ هل تدخلون المطبخ في رمضان؟؟أم تدعين العمل على امك و أخواتك؟؟
س8- كم مره ختمت القران ؟؟وعندك طريقه مناسبه تذكرها لنا نختم فيها القرآن باذن الله؟
س9- هالسنه ناوي تختم القران؟؟
س10_وش العصير أو المشروب اللي تحب تشربه في رمضان؟؟
س11_انت من الناس اللي يزيد وزنهم في رمضان؟؟
س12_تقضي النهار كله نوم ؟ أو عادي تقضيه وانت صاحي؟؟
س13_الصيام يتعبك؟؟
س14_تتابع المسلسلات الرمضانية؟؟
س15_تفرح برمضان أكثر أو بالعيد أكثر؟؟



ملاحظه :



أرجو من الأعضاء تقديم أساله للعضو المرشح

طبعا العضو راح يجاوب على أسإلتي الموجودة في الاعلى ثم يجاوب على اسإلة الأعضاء


كرسي الرمضاني مع المديره رانيا
وأخير الكرسي ونلتقي في رمضان القادم
ولذلك سوف تطول مده الاقامه الي خمسة أيام
ايها الأعضاء خذو راحتكم مع رانيا
اسئله رمضانية
ثقافيه
رياضيه

ودمتم بخير

رد: كرسي الإعتراف الرمضاني مع المديره رانيا
 

،’












اطلق من يحطونها على الكرسي
.
.


- روتينج اليومي في رمضان...!
- كيف كانت طفولتج في رمضان ..؟
- موقف في رمضان ما تنسينه ...؟
- شو تحبين في رمضـــان . ؟

رد: كرسي الإعتراف الرمضاني مع المديره رانيا
 

هلا َغلا تو ما نور الكرسي

ميولك الرياضيه :058e8b09:

ما شالله تعدد مواهب رهيب وش السر

المنتو واليغمش اخباره برمضان هههههه

وين تشوف رنوش غلاك بعد ٥ سنوات قادمه

مستريح البال أهميته في حياتك :580:

رد: كرسي الإعتراف الرمضاني مع المديره رانيا
 

حياك الله اخوي عبدالله وشكرا لك لاختيارك لي :رحيق:

س1_ اسمك ؟؟
رانيا

س2_كم عمرك؟؟
كبيرة في العمر لكن روحي صغيرة :d

س3_رايك في رمضان هذي السنه ؟؟
رغم ان الجميع يتكلم عن سرعة الايام الا اني ماحسيت بهالشي هذي السنة
والحمدلله انجزت اغلب ما كتبته وتمنيت انجازه

س4_أذكر لنا قصة او موقف حدث لك في رمضان؟؟
مايحضرني شي الان صراحة

س5_اكثر اكله تحبها في رمضاان ؟؟
للاسف في رمضان ينزل وزني لاني ما اكل خصوصا لمًا اشوف السمبوسة والمقليات تنسد شهيتي

س6- وش تفضل فطورك مع الاهل ولا برووحك ؟؟
اكيد مع الاهل

س7ـ هل تدخلون المطبخ في رمضان؟؟أم تدعين العمل على امك و أخواتك؟؟
اكيد واضح لكم اني لازقة في المطبخ :54:

س8- كم مره ختمت القران ؟؟وعندك طريقه مناسبه تذكرها لنا نختم فيها القرآن باذن الله؟
هالسنة مرتين ، انا حافظة القران كاملا بالغيب فالقى رمضان فرصة لي للمراجعة لذلك اقرأ في اي وقت وطوال اليوم

س9- هالسنه ناوي تختم القران؟؟
الزيادة خير وبركة باذن الله

س10_وش العصير أو المشروب اللي تحب تشربه في رمضان؟؟
تونو او الليمون

س11_انت من الناس اللي يزيد وزنهم في رمضان؟؟
لا

س12_تقضي النهار كله نوم ؟ أو عادي تقضيه وانت صاحي؟؟
اكون صاحية تقريبا من الساعة 11 الصبح

س13_الصيام يتعبك؟؟
اذا ما تسحرت او كنت مريضة فقط

س14_تتابع المسلسلات الرمضانية؟؟
لا

س15_تفرح برمضان أكثر أو بالعيد أكثر؟؟
افرح بالاثنين
رمضان شهر عبادة وغفران فهي فرحة لنا جميعا لان فيها تكفر الخطايا باذن الله
والعيد فرحة للصائم كما قال عليه الصلاة والسلام للصائم فرحتان: إذا أفطر فرح بفطره، وإذا لقي ربه فرح بصومه

~

رد: كرسي الإعتراف الرمضاني مع المديره رانيا
 

ياهلا وغلا حبيبتي وفا :11:


.


- روتينج اليومي في رمضان...!
ماعندي روتين معين الا في امور بسيطة لكن غالبا كل يوم بجدول
الشي الروتيني الوحيد هو الطبخ
ابدأ اطبخ للافطار من 4 العصر الى 7 المغرب
لان الرجال والعمال بيرجعو من الحرم على 8 ويفطرو
وابدأ بطبخ السحور من الساعة 10 يعني بعد صلاة التراويح مباشرة ونتسحر الساعة 12
بعد الساعة 1 مايكون عندي شي فابحث عن النواقص او ارتب او انشغل بنفسي واقزامي

- كيف كانت طفولتج في رمضان ..؟
ما اذكرها ، ناسية امور كثيرة
بس اذكر اني كنت بعد الفطور اجلس اذاكر واحل واجباتي
وقتها كانت الدراسة موجودة برمضان

- موقف في رمضان ما تنسينه ...؟
تذكرت موقف الان
سنة من سنين رمضان زعلت من امي :d
كنت طالبة متفوقة ونسبتي دائما عالية لكن على اخر سنة بالثانوي تراجعت وتخرجت بجيد جدا
فاذكر الوالده الله بطول بعمرها قالتلي اش استفدنا من دراستك واخر شي تخرجتي بجيد جدا
انا الله يحفظني تحسست من الكلمة وشلتها بخاطري :d
واروح اجمع كل شهاداتي ودروعي واكبها بكيس قمامة كبير واحطها عند الباب
ومن سوء حظي اني كنت بفلمها واسوي دراما لاني عارفة محد بينزل القمامة بعد الفجر
لكن سبحان من نزل الشطارة في اخوي الصغير وقتها وراح كب الكيس
قعدت وقتها الين الصبح ادور ع الكيس زي المجنونة ومحد فاهم السالفة
واقول لاخوي الصغير روح اعطي العامل فلوس وخليه يطلعها
هو نزل على اساس بعدما يطلع الكيس بيعطيه الفلوس والعامل قال معليش ما اقدر اطلعه
عاد انا هنا انهرت وجلست اطالع من الشباك وعيوني اربع اربع :54:
المهم اني نمت نومة اليمة بعدها ولا قمت المغرب
واسمع اخواني يضحكو وهم يقولو لبعض خلوها لحد يصحيها الهبلة لا تطلع بفلم ثاني :n1:
حاليا صراحة مو متحسفة الا على درع كان من الامير نايف الله يرحمه يعني شي مايتعوض
والا باقي الشهادات على قولة اختي طارت بغروري :54:

- شو تحبين في رمضـــان . ؟
احب اني جالسة اتعلم طبخات جديدة كل يوم

~

رد: كرسي الإعتراف الرمضاني مع المديره رانيا
 

هلا َغلا تو ما نور الكرسي

وياهلا بك اخوي مستريح :رحيق:

ميولك الرياضيه :058e8b09:
صراحة ماعندي ميول رياضية
لكن اميل للفنون القتالية ونفسي اتعلمها

ما شالله تعدد مواهب رهيب وش السر
اهلي من بعد الله
كنت اقلد البعض والبعض الاخر كان يعلمني
وباقي الامور تعلمتها برغبة مني للتعلم والتجديد خصوصا اني وحدة ملولة
يعني لو حطيت شي براسي اني اتقنه لازم اتقنه وبس اخلص منه أطفش وادور غيره
الان فيه شي محمسني اكثر
قرات في كتاب ان عدد المواهب الموجودة في العالم قريب الاف
فصار عندي فضول اعرف لو نبذة بسيطة عن كل ذي المواهب

المنتو واليغمش اخباره برمضان هههههه
سوينا منتو باقي بس اليغمش نتعلمه ونعزمك عليه :d

وين تشوف رنوش غلاك بعد 5 سنوات قادمه
بيكون ضمن الخمسة المتصدرين في قائمة المنتديات باذن الله

مستريح البال أهميته في حياتك :580:
مستريح البال مستشاري الايمن والاخ الامين واللي الواحد يفخر بأخوته
امور كثيرة قدمتها لي ولغلاك ودفاعك عني بكل قوة شي مستحيل انساه ابدًا
وراح اظل اذكرك بالخير دائمًا واضرب فيك المثل بالشهامة

~